Sjukepleiar/vernepleiar

Butenesta i Haram har ledig 56,28 % stilling som sjukepleiar/vernepleiar i barnebustad og avlastning, stillinga er for tida på natt. Stillinga er ledig frå 1. januar 2027, eller etter avtale. 
Barnebustad og avlasting held til i lokale ved Solbakken bukollektiv på Vatne.

Turnus for stillinga er for tida natt, med arbeid kvar 3. helg. 

Butenesta skal i ein 4-årsperiode framover ha fokus på å jobbe systematisk for å sette i system og implementere krav og mål til rettleiaren "Gode helse- og omsorgstenester til personar med utviklingshemming". Som miljøterapeut får du vere ein del av dette arbeidet. I 2025 har avdelinga vore med i prosjektet TØRN, og dette skal no implementerast ut i dei andre avdelingane i Butenesta.

Haram kommune er oppteken av gode, heilskaplege tenester, og har fokus på arbeid på tvers av tenesteområda for å skape gode tenester for innbyggjarane våre. I Haram jobbar vi for å spele kvarandre gode. Kommunalområde Helse og omsorg består av Haram omsorgstenester og Haram butenester. Vi har ansvar for brukarar i alle aldrar, med mange ulike behov. For oss er det viktig å gi gode, målretta tenester, slik at den einskilde mottek den hjelpa ein treng til rett tid og på rett nivå i tenestetilbodet vårt. Den viktigaste ressursen vår er dei tilsette og vi ynskjer å vere ein arbeidsplass der ein opplever trivsel og utvikling og  meistrar oppgåvene ein er sett til å gjere. Vi veit at framtida vil krevje nye arbeidsformer i kommunalområdet, noko vi arbeider aktivt med å sette oss i stand til å møte på ein god måte.

Arbeidsoppgåver

• Målretta miljøarbeid. 
• Vere nytenkande og kreativ for å imøtekome deltakarane sine behov og ønskje.
• Bruk av hjelpemiddel dersom deltakarane har behov for dette.
• Deltaking/samhandling med pårørande/verge og andre samarbeidspartnarar.
• Dokumentering etter gjeldande prosedyrer og lovverk.
• Fagutvikling, sjukepleiar/vernepleiar vil ha fagansvar og koordineringsansvar i avdelinga. 
• Utarbeide, oppdatere og følgje opp tiltak og planar etter vedtak og behov.
• Rettleiingsansvar, både i gruppe og på individnivå.
• Innleige ved sjukdom, i turnussystemet GAT.
• Delta på personalmøte og andre relevante møte.
• Legemiddelhandtering.

Kvalifikasjonar

• Autorisasjon som vernepleiar, sjukepleiar eller anna treårig høgskuleutdanning innan helse og sosialfag. 
• Erfaring frå arbeid med barn og unge med samansette hjelpebehov er ønskjeleg.
• Erfaring med åtferdsutfordringar, autismespekterforstyrringar og psykisk utviklingshemming.
• Kompetanse innan målretta miljøarbeid og miljøterapeutisk oppfølging.
• Kunnskap om lovverk knytt til helse- og omsorgstenester, herunder helse- og omsorgstenestelova kapittel 9 er ønskjeleg.
• Erfaring med tverrfagleg samarbeid, og samarbeid med pårørande.
• Meistre godt norsk både skriftleg og munnleg.
• Erfaring med utarbeiding og oppfølging av tiltak, målplanar og vedtak er ønskjeleg.
• Førarkort kl. B.
• Ved tilsetjing krevst politiattest, MRSA- og TBC-eigenerklæringar.
• Det kreves også at personleg BankID eller ID-porten kan benyttast som alternativ innlogging mot ulike digitale løysingar ved behov (Helseplattformen, mm)

Personlege eigenskapar

Vi ser etter deg som er:

• Trygg, omsorgsfull og relasjonssterk i møte med barn og unge.
• Du er kunnskapsrik og fagleg oppdatert.
• Evne til å arbeide sjølvstendig og ta faglege avgjerder.
• Strukturert og ansvarsbevisst.
• Fleksibel og løysingsorientert.
• Gode samarbeidsevner og evne til å bidra positivt i arbeidsmiljøet.
• Personleg eignaheit vil bli tillagt stor vekt.

Vi tilbyr

• Ein kjekk arbeidsplass med høve til personleg og fagleg utvikling.
• Rom for å vere kreativ.
• Løn etter gjeldande tariffavtale.
  

Kontaktinformasjon

Janne Madelen Bergene, avdelingsleiar, 91161215, Janne.Madelen.Bergene@haram.kommune.no
Linn Borgund, Tenesteleiar, 97595965, linn.borgund@haram.kommune.no

Arbeidsstad

Ulvestadvegen 6
6265 Vatne

Nøkkelinformasjon:

Arbeidsgivar: Haram kommune

Referansenr.: 5202455160
Stillingsprosent: 56,28%
Fast
Søknadsfrist: 25.11.2026