Rådgjevar

Stilling
Rådgjevar
Lokasjon
Brattvåg
Antall posisjoner
1
Sektor
Offentlig
Type ansettelse
Fulltid, Vikariat
Publisert
I dag
Søknadsfrist
29. nov.
Få påminnelse
13 dager igjen
Ved å be om påminnelse vil du motta en beskjed før søknadsfristen og annen viktig informasjon om stillingen.
Ditt navn
E-post

Vil du jobbe tett på leiinga og bidra til å utvikle tenestene i Haram kommune? Vi søkjer ein rådgjevar til fagstaben for Livsløp i eit vikariat medan ein av medarbeidarane våre er i foreldrepermisjon.

Kommunalområdet Livsløp omfattar helsetenester, pedagogisk fagsenter og vaksenopplæring, helsestasjon og ressursbase, barnevern, Nav. Vi er opptekne av å spele kvarandre gode og samarbeide på tvers, slik at innbyggjarane får samanhengande oppfølging når dei treng hjelp frå fleire tenester.

Som rådgjevar i fagstaben støttar du kommunalsjefen og tenesteleiarane i planarbeid, sakshandsaming og tenesteutvikling. Du følgjer opp tenesteområda, utarbeider saksframlegg og avgjerdsgrunnlag og koordinerer utviklingsarbeid som involverer fleire tenester.
Ei av oppgåvene dine er å leie og koordinere innføringa av betre tverrfagleg innsats (BTI) i Haram kommune. Du samarbeider med leiarar og ressurspersonar om opplæring og følgjer opp at tenestene tek modellen i bruk i det daglege arbeidet.

Haram kommune er oppteken av gode, heilskaplege tenester, og har fokus på arbeid på tvers av tenesteområda for å skape gode tenester for innbyggjarane våre. I Haram jobbar vi for å spele kvarandre gode.


Arbeidsoppgåver

  • Leie og koordinere BTI-arbeidet i Haram kommune og følgje opp innføringa av BTI-modellen i tenestene. Dette inneber å samarbeide med leiarar og ressurspersonar om opplæring og om å ta modellen i bruk i det daglege arbeidet.
  • Følgje opp tenesteområda i Livsløp, handsame saker og utføre forvaltningsoppgåver.
  • Utarbeide saksframlegg og andre avgjerdsgrunnlag og bidra til planarbeid, rapportering og oppfølging av vedtak.
  • Leggje til rette for samhandling og samskaping i og på tvers av kommunalområda.
  • Følgje opp SLT-arbeidet med samordning av lokale rus- og kriminalitetsførebyggjande tiltak.
  • Andre oppgåver kan bli lagde til stillinga.

Kvalifikasjonar

  • Relevant høgare utdanning, minimum bachelorgrad, til dømes innan helse- og sosialfag, pedagogikk, samfunnsfag eller offentleg administrasjon.
  • God skriftleg og munnleg framstillingsevne på norsk og evne til å skrive klart og presist på nynorsk.
  • God digital kompetanse og evne til å setje deg inn i nye system og arbeidsverktøy.

Det er ein fordel med erfaring frå offentleg forvaltning, sakshandsaming eller utviklingsarbeid på tvers av tenester. Kjennskap til BTI eller erfaring med å innføre nye arbeidsmåtar i ei verksemd er òg ein fordel.

Personlege eigenskapar

  • Du tek initiativ, arbeider sjølvstendig og følgjer opp oppgåver til dei er ferdige.
  • Du får med deg leiarar og medarbeidarar når nye arbeidsmåtar skal takast i bruk.
  • Du samarbeider godt med ulike fagmiljø og får fram perspektiva deira.
  • Du set deg raskt inn i nye problemstillingar og formidlar komplekse saker på ein forståeleg måte.

Vi legg vekt på at du er personleg eigna for stillinga.

Vi tilbyr

  • Varierte oppgåver innan forvaltning, samhandling og tenesteutvikling.
  • Tett samarbeid med kommunalsjef, tenesteleiarar og fagmiljø i Livsløp og resten av kommunen.
  • Høve til å påverke korleis tenestene samarbeider om tidleg innsats for barn, unge og familiar.
  • Løn etter gjeldande avtaleverk.

Kontaktinformasjon

Frode Bøe Hatlelid, Kommunalsjef, 92243788, frode.boe.hatlelid@haram.kommune.no

Arbeidssted

Strandgata 40
6270 Brattvåg

Nøkkelinformasjon:

Arbeidsgiver: Haram kommune

Referansenr.: 5208367593
Stillingsprosent: 100%
Vikar
Sluttdato: 31.08.2027
Søknadsfrist: 29.11.2026

Kontaktpersoner
Drømmejobben din venter. Vi vet hvor den er.
Lag en profil og få personlige jobbforslag.
Relaterte bedrifter