Giske Kommune

Valderøya

Oddfrid Reinlund

Rektor

Ragnhild Hauge Steffenssen

avdelingsleiar

<p>Vi søkjer engasjerte og kompetente spesialpedagogar, eller pedagogar med relevant vidareutdanning, til ei fast 100 % stilling og eit vikariat i 100 % stilling i den forsterka avdelinga vår i Giske kommune, Basen. Begge stillingane er ledige frå 01.08.2026 og vikariatet gjeld ut skuleåret 2026/2027. Du må oppgi i søknaden dersom du ikkje er aktuell for begge stillingane. </p><p>Basen har 11 elevar med ulik grad og type funksjonsnedsetting. Du vil arbeide saman med eit tverrfagleg personale med høg kompetanse og stort engasjement.</p><p>Avdelinga er lokalisert ved Valderøy barneskule og starta opp hausten 2025. Vi har elevar frå 1.–10. trinn. Mange av elevane våre er knytte til ordinære klassar ved skulen, og vi er ein aktiv del av fellesaktivitetar på skulen.</p><p>Våre satsingsområde er kommunikasjon, fellesskap og læring. Vi arbeider målretta for å gi elevane størst mogleg sjølvstende og meiningsfull deltaking på livets ulike arenaer. Vi er opptekne av å sjå moglegheiter – ikkje avgrensingar.</p><p>I tillegg til formell kompetanse blir personlege eigenskapar og at ein er skikka for stillinga vektlagt.<br /><br />Det er krav om politiattest av ny dato.<br /><br />Dokumentasjon på utdanning og praksis skal sendast i lag med søknaden.</p><br />
<h3>Arbeidsoppgåver</h3><ul><li>Ansvarleg for opplæringa til elevar      på forsterka avdeling</li><li>Utarbeide og følgje opp Individuelt      tilpassa opplæringsplanar</li><li>Planlegge, gjennomføre og evaluere undervisningsopplegg, også arbeid utført av andre</li><li>Samarbeide tett med heimen</li><li>Samarbeid med andre instansar (PPT, habilitering m.fl.)</li><li>Aktiv deltaking i      utviklingsarbeid på avdelinga</li><li>Tett samarbeid med andre pedagogar      og fagarbeidarar</li></ul><p>Arbeidsoppgåver kan bli endra ut frå behov.</p><h3>Kvalifikasjonar</h3><ul><li>Lærarutdanning med spesialpedagogikk. Anna relevant utdanning/kompetanse kan òg bli vurdert </li><li>God kompetanse og erfaring i bruk av ASK (alternativ og supplerande      kommunikasjon)</li><li>God digital      kompetanse</li><li>Erfaring med non-verbale barn er ønskjeleg</li><li>Erfaring frå arbeid med      elevar med samansette behov er ein fordel</li><li>Gode norskkunnskapar både skriftleg og munnleg, og kunne bruke nynorsk som kommunikasjonsspråk. </li></ul><h3>Personlege eigenskapar</h3><ul><li>Tydeleg og trygg i profesjonsrolla</li><li>Gode samarbeidsevner og evne til å arbeide i team</li><li>Strukturert, fleksibel og løysingsorientert</li><li>Kunne stå i krevjande arbeidsoppgåver</li><li>Engasjert i elevane si utvikling på alle områder</li><li>Leiken og byr på deg sjølv</li><li>Glad i nye utfordringar </li></ul><h3>Vi tilbyr</h3><ul><li>Eit sterkt fagmiljø med dyktige og engasjerte kollegaer</li><li>Ei nystarta avdeling der du i      stor grad kan vere med og påverke utviklinga av ei viktig og meiningsfull      verksemd</li><li>Ein variert og fagleg      utfordrande arbeidskvardag</li><li>Gode rammer for samarbeid og kompetansedeling </li></ul><h3>Kontaktinformasjon</h3>Ragnhild Hauge Steffenssen, avdelingsleiar, 40234503<br />
Oddfrid Reinlund, Rektor, &#43;47 48023464<br />
<h3>Arbeidsstad</h3>Øvstevegen 19<br />
6050 Valderøya<br />
<h3>Nøkkelinformasjon:</h3>Arbeidsgivar: Giske kommune<br />
<br />
Referansenr.: 5125188627<br />
Stillingsprosent: 100%<br />
Fast, Vikar<br />
Søknadsfrist: 21.05.2026<br />
<br />


Spesialpedagog, ledige stillingar ved Valderøy barneskule, Basen