Er du teknikar eller bilmekanikar og nysgjerrig på nye moglegheiter?

Vi ser etter ein ny kollega som vil bli ein del av laget vårt.Enten du har mange års erfaring eller er relativt ny i faget, er vi opptekne av at du har interesse for bil og teknologi, er fagleg engasjert og har lyst til å utvikle deg vidare saman med oss.

Som forhandlar og merkeverkstad for Volkswagen, Volkswagen Nyttekøyretøy, Audi og Škoda får du hos oss jobbe med moderne teknologi og sterke merkevarer, saman med kollegaer som er stolte av faget sitt.

Vi satsar på kompetanseutvikling og legg til rette for kurs og opplæring, mellom anna gjennom Harald A. Møller kompetansesenter. Vi er også opptekne av å ha eit godt arbeidsmiljø der vi hjelper kvarandre, deler kunnskap og har det kjekt på jobb.

• Service og vedlikehald

• Feilsøking og diagnose

• Reparasjonar og mekanisk arbeid

• Periodisk køyretøykontroll (PKK)

• Montering av ekstrautstyr

Vi ser etter deg som har fagbrev som bilmekanikar og interesse for faget. Kanskje er du ein erfaren teknikar som ønskjer nye utfordringar, eller ein mekanikar som er tidleg i karrieren og har lyst til å lære meir?

Vi trur du vil trivast hos oss dersom du:

• Er nysgjerrig og løysingsorientert

• Jobbar nøyaktig og er oppteken av kvalitet

• Trivst med både sjølvstendig arbeid og samarbeid

• Er positiv, ansvarsbevisst og ønsker å bidra til eit godt arbeidsmiljø

• Er oppteken av god service og fornøgde kundar

Hos oss får du kombinere kvardagen i eit lokalt verkstadmiljø med fordelane ved å vere ein del av eit solid bilkonsern.

Kanskje freistar det også å bu og jobbe i Stryn? Med fjord, fjell og flotte naturopplevingar rett utanfor døra ligg mykje til rette for ein aktiv fritid.

• Eit inkluderande arbeidsmiljø med dyktige og hjelpsame kollegaer

• Gode moglegheiter for fagleg utvikling, kurs og vidare opplæring

• Konkurransedyktige vilkår og gode forsikringsordningar, inkludert helseforsikring

• Støtte til trening

• Tilgang til feriebustader på Geilo, Svolvær og Mallorca

Send oss gjerne søknaden din. Har du spørsmål eller ønsker å vite meir om stillinga og kva vi kan tilby, tek vi gjerne ein uforpliktande prat.

Servicemarknadssjef, Reidar Hunvik:

• Tlf.: 99205022

• E-post Reidar.Hunvik@moller.no

Søknadsfrist: Snarast. Vi vurderer søknader fortløpande.