Fjaler Kommune

Dale I Sunnfjord

Marita Jacobsen

Styrar

<p>Yksnebjør barnehage har to ledige vikariat som barne- og ungdomsarbeidar for barnehageåret 2026/2027 – eitt i 100 % stilling og eitt i 50 % stilling. Ynskjer du å vere med og skape gode kvardagar fylt med leik, læring og omsorg? Då vil vi gjerne høyre frå deg!</p><p>Hos oss får du ein variert og kjekk arbeidskvardag saman med barna, og du blir del av eit godt arbeidsmiljø med ei fin aldersblanding i kollegiet. Du vil vere ein viktig del av eit engasjert fagmiljø som jobbar for at barna skal oppleve tryggleik, meistring og glede i kvardagen.</p><p>Vi tilbyr introduksjonsprogram for nytilsette, løn etter sentralt løns- og stillingsregulativ, samt svært gode pensjons- og forsikringsordningar.</p><p>Yksnebjør barnehage har i frå hausten 73 barn og 19 tilsette fordelt på 6 avdelingar. Vi held til i to bygg, der eitt er eit nybygg frå 2016. Vi legg stor vekt på å vere mykje ute og bruke nærområdet aktivt. Små og store er glade i å gå på tur og utforske dei ulike årstidene.</p><p>Ta gjerne kontakt dersom du har spørsmål om stillingane.</p><p> </p><h2>Kvalifikasjonar:</h2><ul><li>Vi søkjer primært barne- og ungdomsarbeidar med fagbrev. Søkjarar med relevant erfaring frå arbeid med barn kan bli vurderte, men søkjarar med fagbrev vil bli prioriterte.</li><li>Gode norskkunnskapar - både skrifteleg og munnleg.</li><li>Grunnleggande digital kompetanse</li><li>Den som vert tilsett må legge fram godkjend politiattest og MRSA- og tuberkulin eigenerklæring</li></ul><h2> </h2><h2>Personlege eigenskapar:</h2><p>Vi ser etter deg som:</p><ul><li>Har godt samspel med både barn og vaksne</li><li>Er ein trygg, tydeleg og omsorgsfull vaksen med god relasjonskompetanse</li><li>Har gode kommunikasjons- og samarbeidsevner</li><li>Jobbar løysingsorientert i eit travelt miljø – og held på humøret</li><li>Er personleg eigna for stilling</li></ul><p>Kommunen er oppteken av kjønnsbalanse i kollegiet, og <strong>menn vert føretrekte</strong> under elles like føresetnader.</p><p> </p><p>Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje ligg føre særlege grunnar for unntak, vil søkjaren bli kontakta og få høve til å trekke søknaden før lista vert gjort offentleg.</p><div> </div> <br /> Link til søknadsskjema: <a href="https://fjaler.easycruit.com/vacancy/application/3632235/178067?channel&#61;NavRest&amp;iso&#61;nn" rel="nofollow">Søk her</a>

Yksnebjør barnehage har ledige vikariat fore barnehageåret 2026/27