Finanstilsynet

Oslo

May Camilla Bruun-Kallum

Avdelingsdirektør

Vi søkjer ein leiar til nyoppretta seksjon for styring og kvalitet. Seksjonen skal bidra til at Finanstilsynet løyser samfunnsoppdraget, gjennom effektive prosessar og med god risikostyring, internkontroll og styringsinformasjon. Du inngår i leiargruppa i avdelinga for verksemdsstyring og rapporterer til direktør for verksemdstyring. <br /><br />Du vil leie ei gruppe med fagleg dyktige menneskje, og arbeide tett med leiinga i Finanstilsynet og dei andre fagavdelingane. Rolla gir gode moglegheiter til å påverke både arbeidsmåtar og vidare utvikling av styring og kontroll i verksemda.<br />
<h3>Ansvarsområde</h3><ul><li>leggje til rette for heilskapleg og strukturert risikostyring og internkontroll i verksemda </li><li>utvikle og forvalte ei strukturert og formålstenleg tilnærming til kvalitetsstyring og forbetringsarbeid</li><li>vidareutvikle prosessar, metodar og system for mål- og resultatstyring, og følgje opp risiko og avvik </li><li>leiarrapportering og rapportering av styringsinformasjon </li><li>støtte leiinga og seksjonsleiarar i spørsmål om styring og kontroll </li></ul><p>Som leiar har du personal- og budsjettansvar for seksjonen.  </p><h3>Kompetanse og erfaring som er viktig i rolla</h3><ul><li>relevant høgare utdanning på masternivå (til dømes innan økonomi eller jus). Lang og relevant erfaring kan kompensere for manglande utdanning  </li><li>minst 10 års erfaring med risikostyring og internkontroll, gjerne frå fleire verksemder <br /></li><li>erfaring frå statleg verksemd, og det er ein fordel om du har erfaring med tilsynsprosessar </li><li>god kjennskap til Finanstilsynet si verksemd og føretaka vi har tilsyn med <br /></li><li>god kjennskap til relevant regelverk, rammeverk og standardar  </li><li>god kjennskap til digitale verktøy, som M365-appar. Kjennskap til bruk av kunstig intelligens er ein fordel </li><li>svært god skriftleg og munnleg framstillingsevne på norsk </li></ul><h3>Personlige egenskaper</h3><p>For å lukkast i rolla må du kunne samarbeide og kommunisere godt, og byggje gode relasjonar på ulike nivå i organisasjonen. Du skapar tillit ved å motivere, engasjere og gje andre ansvar, og trivst med å veksle mellom strategiske og operative oppgåver. Du er engasjert og tek initiativ til utvikling og forbetring når det trengst. </p><p>Det vil bli lagt stor vekt på at du er personleg eigna og motivert for stillinga.</p><h3>Kvifor skal du velje oss?</h3><ul><li>eit viktig samfunnsoppdrag og spennande oppgåver  </li><li>eit godt arbeidsmiljø med kunnskapsrike og engasjerte kollegaer </li><li>eit godt fagmiljø og gode utviklingsmoglegheiter</li><li>fleksibel arbeidstid og gode velferdsordningar</li><li>moglegheit for heimekontor (per i dag inntil to dagar i veka), men som personalleiar er det venta høg grad av nærvær </li><li>sentrale lokale i Oslo sentrum  </li><li>medlemskap og moglegheit for lån i Statens pensjonskasse  </li></ul><p>Stillinga blir lønt som seksjonssjef (kode 1211) frå kr 1 150 000 til kr 1 250 000, avhengig av erfaring og kvalifikasjonar. For særleg kvalifiserte søkjarar kan høgare løn vurderast. </p><p> </p><p>Annet</p><p><strong>Vi ønskjer oss ulike menneske </strong><strong></strong></p><p>Finanstilsynet skal vere ein arbeidsplass med mangfald, og vi oppmodar difor alle kvalifiserte kandidatar til å søkje jobb hos oss, uavhengig av alder, kjønn, funksjonsevne, etnisk bakgrunn eller hol i CV. For positiv særbehandling, sjå: <br /><a href="http://arbeidsgiver.difi.no/positivsaerbehandling" rel="nofollow">http://arbeidsgiver.difi.no/positivsaerbehandling</a> </p><p><strong> Informasjon til deg som søkjer stillinga </strong></p><ul><li>Stillinga er ei leiande stilling, jf. arbeidsmiljølova § 10-12 </li><li>For å bli vurdert må du leggje ved vitnemål og relevante attestar </li><li>Søknaden kan skrivast på nynorsk eller bokmål </li><li>Etter søknadsfristen vil vi utarbeide ei offentleg søkjarliste, jf. offentleglova § 25 </li><li>Vi gjennomfører bakgrunnssjekk av den som blir tilsett </li><li>Alle tilsette i Finanstilsynet må følgje dei etiske retningslinjene våre, sjå: <br /><a href="https://www.finanstilsynet.no/jobb-hos-oss/#Etiskeretningslinjer" rel="nofollow">https://www.finanstilsynet.no/jobb-hos-oss/#Etiskeretningslinjer</a>  </li><li>Les meir om Finanstilsynet på nettstaden vår – <a href="http://www.finanstilsynet.no" rel="nofollow">www.finanstilsynet.no</a> </li></ul><h3>Kontaktinformasjon</h3>May Camilla Bruun-Kallum, Avdelingsdirektør, &#43;47 22 93 99 35<br />
<h3>Arbeidssted</h3>Revierstredet 3<br />
0151 Oslo<br />
<h3>Nøkkelinformasjon:</h3>Arbeidsgiver: Finanstilsynet<br />
<br />
Referansenr.: 5132395399<br />
Stillingsprosent: 100%<br />
Fast<br />
Søknadsfrist: 03.06.2026<br />
<br />


Vi søkjer seksjonsleiar for styring og kvalitet