Vil du vera vikar som fagsjukepleiar i avdeling 2?

Vår fagsjukepleiar skal ha permisjon, me søkjer difor etter vikar.
Vikariatet er frå 01.12.2026 - 31.12.2027 med moglegheit for forlenging.
Me søkjer ein engasjert og fagleg sterk fagsjukepleiar som er oppteken av kvalitet, pasientsikkerheit og fagutvikling. Du har gode samarbeids- og kommunikasjonsevner, arbeider strukturert og sjølvstendig, og trivst med rettleiing og kompetanseheving av kollegaer. Du er løysingsorientert, fleksibel og bidreg til eit godt arbeidsmiljø.

Arbeidsoppgåver

• Fagleg ansvar i avdelinga i tillegg til ordinære sjukepleiaroppgåver
• Tett dialog og samarbeid med avdelingsleiar 
• Dokumentasjon og oppfølging av faglege oppgåver
• Ansvar for internopplæring og oppfølging av legemiddeldelegasjonar
• Koordinering av pasientbehandling og tilbod til bebuarar i samarbeid med kollegaer og avd.leiar
• Delegering av arbeidsoppgåver innanfor ansvarområde, slik at oppgåver samsvarar med dei tilsette sin kompetanse
• Rettleiar for medarbeidarar, bebuar og pårørande
• Medansvar for eit godt arbeidsmiljø og fagleg utvikling i avdelinga

Kvalifikasjonar

• Autorisasjon som sjukepleiar
• Ønskeleg med videreutdanning innan geriatri
• God digital kompetanse
• Gode norskkunnskaper både munnleg og skriftleg

Eigenskapar

• Fagleg sterk og engasjert
• Strukturert og sjølvstendig
• Gode samarbeids- og kommunikasjonsevner
• Initiativrik og løysingsorientert
• Oppteken av kvalitet og fagutvikling
• Bidreg til eit positivt arbeidsmiljø
• Pasientfokusert og ansvarsbevisst

Me tilbyr

Stillinga er 100 % arbeidstid er dagtid mandag - fredag og ni arbeidshelger per.år. Stillinga har 40% tid som er fastsett til fag og 60% tid til ordinære sjukepleiaroppgåver.

Annan informasjon

Me ønskjer eit arbeidsmiljø prega av mangfald, og at våre tilsette skal gjenspegla folkesetnaden. Me oppfordrar alle som er kvalifisert til å søkja jobb hos oss uansett alder, funksjonsevne, kjønn, eller minoritetsbakgrunn. Me legg vekt på å tilretteleggja arbeidsforholda dersom du har behov for det.

Etter utløpet til søknadsfristen, vil det setjast opp ei offentleg søkarliste innehaldande namn, alder, stilling eller yrkestittel og bustads- eller arbeidskommune for kvar søkar. Det kan gjerast unntak frå innsyn for opplysningar om ein søkar dersom vedkomande sjølv ber om det. Opplysningar om ein søkar kan verta offentlege sjølv om søkaren har bede om ikkje å førast opp på søkarlista. Dersom anmodningen ikkje vert teke til følgje vil søkaren varslast om dette.