Er du vår nye teamleiar for teknisk avdeling i Eide Brandasund?

Eide er eit familieeigd selskap, og ein av pionerane i havbruksnæringa. Me har ein visjon om å setje standarden for framtidas havbruk. Slakteriet i Brandasund skal bidra til dette gjennom å vera eit føregangsslakteri innan kvalitet, HMS, berekraft og bruk av restråstoff. For å nå visjonen vår er me avhengige av dyktige kollegaer med på laget.

Me søkjer deg som er motivert for å leie et team i eit innovativt og framtidsretta miljø, der kvalitet står i sentrum i alle ledd. I Eide kjem du inn i ei verksemd som tør å satse og som er under sterk utvikling. Me ønskjer at du utviklar deg saman med oss.

Du vil leie teamet som bidreg til å sikre stabil drift av verksemda sit tekniske anlegg ved vår fabrikk i Brandasund, og rapporterer til Teknisk leiar. Teknisk avdeling er ei viktig støttefunksjon for heile produksjonen. Som teamleiar planlegg og prioriterer du det daglege arbeidet, og følgjer opp den enkelte medarbeidar.

Eksempel på arbeidsoppgåver:

• Overordna oppfølging og vedlikehald av teknisk anlegg og bygningsmasse
• Personalansvar for teknikarar, herunder bemanningsplanlegging for sikker drift
• Delegering av arbeidsordrar, bestilling av utstyr, servicetenester m.m.
• Dokumentasjonskrav i vedllikehaldssystem
• Tett kontakt med leverandørar
• HMS- og kontinuerleg forbetringsarbeid
• Støtte produksjonsavdelinga, vera serviceinnstilt og løysningsorientert

For oss er motivasjon, haldningar og verdiar viktig. Me ønskjer å ha deg med på laget som er ein tydeleg leiar, samarbeidsvillig, bevisst i eigne handlingar og som tek ansvar både for menneska rundt deg og arbeidet du utfører. Du trivst med å jobbe i team, deler kunnskap og bidreg positivt til kulturen.

Verdiane våre er kompasset i alt vi gjer:

**Uredd.**Vi tør å satse på visjonar og på folk.

**Nytenkjande.**Vi utfordrar etablerte sanningar og gjer ting på nye måtar.

**Bevisst.**Vi tek ansvar for fisk, folk, fjord og framtid.

• Teknisk fagskule, fagarbeidar/maskinist/styrmann og/eller erfaring innan eit eller fleire av desse fagfelta:
• Automasjon/Elektro
• Mekanikk/Produksjonsteknikk/Industriteknologi
• Maskin/Naustik
• Kuldeanlegg, kjøl/frys
• Leiarerfaring, og evne til å vera eit godt førebilete for dine kollegaer
• Strukturert, sjølvstendig og løysningsorientert
• Bidreg til god HMS

I Eide tør me å satse - både på visjonar og på folk. Me bryr oss om kvarandre, fisken vår og miljøet me driv i. Som Teamleiar teknisk avdeling hos oss blir du heilt sentral for verksemda sin suksess i framtida

Hos oss får du:

• Jobb i ei framtidsretta og spennande næring
• Varierte og meiningsfulle arbeidsoppgåver
• Et arbeidsmiljø der både tryggleik og arbeidsglede står sterkt
• Moglegheiter for fagleg og personleg utvikling
• Konkurransedyktige vilkår

Me ynskjer deg velkomen til å sende inn søknad, cv, og relevante dokument. Har du spørsmål knytt til stillinga, ta kontakt med: Teknisk Leiar, Håkon Stensen: hakon.urangseter.stensen@efb.no / 909 54 274

For meir informasjon om selskapet, sjå våre nettsider og sosiale medium www.efb.no.

Søk i dag og bli ein viktig del av vår spanande reise for å sette standarden for framtidas havbruk.