Direktoratet For Samfunnssikkerhet Og Beredskap (dsb)

Tønsberg

Janniche Lim Cramer

<div> Direktoratet for samfunnstryggleik og beredskap (DSB) søkjer ein rådgjevar som vil bidra til å forstå framtidas risikobilete og utvikle kunnskapsgrunnlaget for viktige avgjerder innan samfunnstryggleik. Du får arbeide med mellom anna strategiske analysar og nasjonale planleggingsgrunnlag, samstundes som du bidreg til å gjere Noreg betre rusta for framtidige utfordringar. Dette er ei unik moglegheit for deg som vil bruke fagkompetansen din til å gjere ein skilnad.     Du skal:  <ul><li>utarbeide analysar og utgreiingar innan ansvarsområda til fagavdelinga</li><li>formidle kunnskap om risiko og sårbarheit gjennom rettleiing, kommunikasjon og rådgjeving på tvers av forvaltningsområde og i heile krisespekteret</li><li>vidareutvikle og forvalte metodikk for evaluering av øvingar og hendingar</li><li>vidareutvikle bruken av digitale verktøy for analyse, presentasjon og formidling innan fagområda til seksjonen, inkludert kunstig intelligens (KI)</li><li>vidareutvikle tilsyn som verkemiddel, samt planleggje, gjennomføre og følgje opp tilsyn med departementa sitt arbeid med samfunnstryggleik og rettleie statsforvaltarane i oppfølginga av kommunal beredskapsplikt</li><li>samarbeide tett med aktørar i offentleg, privat og frivillig sektor, mellom anna relevante aktørar i totalforsvaret</li><li>bidra i DSB si kriseorganisasjon ved behov</li></ul>     Kvalifikasjonar   Du må ha:  <ul><li>relevant høgare utdanning på masternivå eller tilsvarande. Relevant bachelorgrad kombinert med særleg relevant erfaring kan kompensere for kravet om mastergrad. Utdanning frå utlandet må vere godkjend av Direktoratet for høgare utdanning og kompetanse</li><li>erfaring med større analysar og utgreiingsarbeid</li><li>svært god skriftleg og munnleg framstillingsevne på norsk</li><li>følgjande personlege eigenskapar:<ul><li>strukturert og analytisk – du ser samanhengar, heilskapen og har strategisk forståing</li><li>initiativrik – du bidreg med konkrete løysingar</li><li>gode kommunikasjonsevner – du skaper tillit og god dialog med andre fagmiljø</li><li>lagspelar – du samarbeider godt og deler kunnskap, erfaring og informasjon</li></ul></li></ul>     Vi ønskjer at du har:<ul><li>studieretning eller kurs som omfattar faga samfunnstryggleik, beredskap, risikostyring, kommunikasjon og formidling</li><li>erfaring frå arbeid med samfunnstryggleik, kritiske samfunnsfunksjonar, risiko- og sårbarheitsanalysar, kommunikasjon og formidling og/eller sivil-militært samarbeid</li><li>erfaring frå offentleg forvaltning eller privat næringsliv</li><li>erfaring med rettleiing og presentasjon av komplekst datamateriale, inkludert bruk av KI</li><li>god skriftleg og munnleg framstillingsevne på engelsk</li></ul>     Vilkår  Fast stilling som rådgjevar (stillingskode 1434) med årsløn frå kr 630 000 til 740 000, eller som seniorrådgjevar (stillingskode 1364) med årsløn frå kr 700 000 til 840 000.   Sikkerhetsklarering Den som får tilbod om stillinga, må kunne sikkerhetsklareras for HEMMELEG før tiltreding.    <div> Om avdelinga, seksjonen og stillinga Avdeling for totalforsvar og analyse (TAN) har 60 tilsette og tek vare på DSB si samordningsrolle ved å støtte Justis- og beredskapsdepartementet sitt samordningsansvar innan samfunnstryggleik og beredskap. Dette inneber mellom anna å ha oversikt over utviklinga i risiko og sårbarheit, vidareutvikle totalforsvaret, gjennomføre tverrsektorielle øvingar, koordinere planverk og bidra i arbeidet med å byggje robuste samfunn. Avdelinga har eit omfattande samarbeid med aktørar på kommunalt, regionalt og sentralt nivå, samt med frivillige organisasjonar og næringsliv. Avdelinga er òg pådrivar og koordinator for DSB sitt internasjonale arbeid, slik at DSB følgjer opp sine forpliktingar på relevante internasjonale arenaer.   Seksjon for strategisk analyse og evaluering (SAN) består av 16 medarbeidarar. Seksjonen har ei samordnings- og pådrivarrolle for samfunnstryggleik i samfunns- og arealplanlegginga. Vi skal bidra til eit oppdatert kunnskapsgrunnlag om risiko og sårbarheit i samfunnet og driv med omfattande analyseverksemd og metodeutvikling. Seksjonen har òg ansvaret for å gjennomføre tilsyn med departementa sitt arbeid med samfunnstryggleik og beredskap, samt følgje opp og rettleie statsforvaltarane i deira tilsyn med kommunane innan kommunal beredskapsplikt. Seksjonen har eit særleg ansvar for å evaluere tverrsektorielle øvingar og hendingar, samt systematisere og analysere læringspunkt.   Stillingane har arbeidsstad ved hovudkontoret vårt i Tønsberg.   Her kan du få eit innblikk i arbeidskvardagen til nokre av DSB sine dyktige tilsette: Våre historier (<a href="https://www.dsb.no/intervjuer%29" rel="nofollow">www.dsb.no/intervjuer)</a>.</div>    </div> Om DSB Direktoratet for samfunnstryggleik og beredskap (DSB) skal ha oversikt over risiko og sårbarheit i samfunnet. Vi er pådrivar i arbeidet med å førebyggje ulukker og kriser, og bidreg til effektiv ulukkes- og krisehandtering. Hovudkontoret ligg i Tønsberg, og vi har einingar over heile landet. Til saman er vi ca. 800 tilsette. DSB er underlagt Justis- og beredskapsdepartementet.     Om å jobbe i DSB Risiko og sårbarheit i samfunnet er i stadig endring. Difor er DSB ein organisasjon i kontinuerleg utvikling. Vi treng medarbeidarar som er tillitskapande, kompetente og gode lagspelarar, og som aktivt bidreg til fornying og forbetring. Som tilsett i DSB er du med på å løyse eit viktig samfunnsoppdrag, saman med dyktige og dedikerte kollegaer. Vi ønskjer oss auka mangfald i organisasjonen, og håpar derfor at også kvalifiserte personar med innvandrarbakgrunn, hol i CV-en eller nedsett funksjonsevne vil søkje hos oss. DSB er ein stabil arbeidsgjevar med gode velferdsordningar. For å arbeida i DSB må du vera tryggleiksmessig skikka og medverke til ein god kultur for tryggleik. Les meir om tryggleik i DSB på <a href="http://www.dsb.no/sikkerhet-i-dsb" rel="nofollow">www.dsb.no/sikkerhet-i-dsb</a>     Hos oss får du<ul><li>medlemskap i Statens pensjonskasse (SPK). Som medlem får du verdifulle fordelar gjennom særs gode pensjons-, forsikrings- og boliglånordningar. Les meir om medlemsfordelane på <a href="https://www.spk.no/Medlemskap-i-SPK/" rel="nofollow">www.spk.no/Medlemskap-i-SPK/</a></li><li>fleksibel arbeidstid</li><li>bedriftshelseteneste</li><li>høve til å trene i arbeidstida</li><li>tilrettelagt for mobilt kontor når det er føremålstenleg</li></ul>      I Arbeidsgivarportalen kan du lese meir om goda ved å jobbe i staten: <a href="https://arbeidsgiver.dfo.no/lonn-goder-og-reise" rel="nofollow">https://arbeidsgiver.dfo.no/lonn-goder-og-reise</a>     Offentleg søkjarliste Det vil bli utarbeidd offentleg søkjarliste ved søknadsfristens utløp, jf. Offentleglova §25. Du har høve til å be om unntak frå offentleg innsyn. Dersom du ikkje får innvilga dette, vil du bli varsla om det før søkjarlistene blir utarbeidde. Sjølv om du har fått innvilga unntak frå offentlegheit, vil du framkomme på ei utvida søkjarliste. Denne er berre tilgjengeleg på førespurnad frå andre søkjarar til stillinga.     Praktisk informasjon om søknadsprosessen Det er viktig at du registrerer all relevant utdanning og erfaring i profilen du lagar i rekrutteringssystemet. Dette sikrar at vi har opplysningane vi treng. I tillegg er det naudsynt at du lastar opp både søknadsbrevet og CV-en som vedlegg i PDF-format. For alle stillingar som ikkje krev tryggleiksklarering, vil DSB gjennomføre bakgrunnssjekk. Interne søkjarar må sende inn søknaden i DFØ HR. Les meir om rekrutteringsprosessen i DSB på <a href="http://www.dsb/rekrutteringsprosessen" rel="nofollow">www.dsb.no/rekrutteringsprosessen</a>     Ikkje nøl med å ta kontakt dersom du har spørsmål! Kontaktperson er Janniche Lim Cramer, seksjonssjef: E-post: janniche.cramer&#64;dsb.no Telefon: 33 37 33 40   Du finn meir informasjon om å jobbe i DSB og oversikt over ledige stillinger på <a href="http://www.dsb.no/jobb" rel="nofollow">www.dsb.no/jobb</a>.   Velkomen som søkjar hos oss!

Vil du vere med og forme avgjerdene som styrkjer samfunnstryggleiken i Noreg?