Brønnøysundregistrene

Brønnøysund

Elin Kristine Olsen 

underdirektør 

Torgeir Kruke

prosjekteier

<h2>Om stillinga</h2><p>Vi treng ein senior prosjektleiar med solid erfaring og relevant utdanning til å drive fram teknologiprosjekt.</p><p>Du blir ein viktig del av avdelinga for forretningsutvikling, som initierer, etablerer og gjennomfører store prosjekt innan forenkling og digitalisering for næringslivet og det offentlege Noreg.</p><p>Felles for prosjekta våre er at dei er synlege, har samfunns- og forretningskritisk verdi og bygger på moderne teknologi.</p><br /><h2>Du får ansvar for å</h2><p> </p><ul><li>sikre god bruk og vidareutvikling av prosjektmetodikk</li><li>planlegge og gjennomføre større prosjekt</li><li>sikre god leveranse til drift og vidareutvikling (blant anna produktteam)</li><li>bidra til deling av kompetanse i organisasjonen og på tvers av offentlege etatar</li></ul><br /><h2>Kvalifikasjonar</h2><p><strong>Du må</strong></p><ul><li>ha 3–5 års utdanning innan organisasjon, leiing og/eller teknologiutvikling. Relevant erfaring kan kompensere for delar av utdanningskravet.</li><li>ha solid erfaring med eigarstyring, porteføljestyring, program- og/eller prosjektleiing, gjerne frå større offentlege, tverrsektorielle eller private IT-prosjekt</li></ul><p><strong>Det er ein fordel om du også</strong></p><ul><li>kan dokumentere prosjektresultat</li><li>kan dokumentere erfaring som prosjektleiar eller assisterande prosjektleiar</li><li>har sertifiseringar som prosjektleiar, for eksempel PRINCE2, PMP eller tilsvarande</li><li>har god kjennskap til prosjektmetodikkar som blir brukte i offentleg sektor, som staten sin prosjektmodell og Prosjektvegvisaren</li><li>meistrar dokumentasjon, planlegging og rapportering</li><li>kommuniserer klart og tydeleg på norsk, både munnleg og skriftleg</li></ul><br /><h2>Personlege eigenskapar</h2><ul><li>du har interesse for behova til brukarane og legg stor vekt på desse i utviklingsarbeidet</li><li>du set deg raskt inn i nye problemstillingar, er løysingsorientert, strukturert og analytisk</li><li>du liker å drive fram arbeid, engasjere andre og jobbe i eit hektisk miljø med varierte arbeidsoppgåver</li><li>du jobbar sjølvstendig og bidrar med nytenking og innspel</li><li><p>du har gode samarbeidsevner, jobbar godt i team og kommuniserer godt med både interne og eksterne fagressursar</p><p>Personleg dugleik blir tillagd stor vekt.</p></li></ul><br /><h2>Dette får du hos oss</h2><ul><li>fast stilling som seniorrådgivar med årslønn frå kr 750 000 til 900 000, avhengig av kvalifikasjonane dine. For særleg kvalifiserte kandidatar kan høgare lønn vurderast.</li><li>interessante og utfordrande oppgåver innan digitalisering og forenkling av Noreg</li><li>høve til å leie og drive IT-prosjekt i eit godt arbeidsmiljø, med uformell tone hvor me alle er på hels</li><li>gode moglegheiter for fagleg utvikling og ei raus stipendordning </li><li>fleksibel arbeidstid med god balanse mellom arbeidsliv og privatliv</li><li>gode velferdsordningar i alle livsfasar og moglegheit for trening i arbeidstida </li><li>medlemskap i <a href="https://www.spk.no/" rel="nofollow">Statens pensjonskasse</a> som har ei av landet sine beste pensjonsordningar, med gunstig bustadlån og gode forsikringsordningar</li><li>moderne kontorlokale med fantastisk utsikt over Helgelandskysten. <a href="https://jobb.brreg.no/" rel="nofollow">Les meir</a> om vår flotte arbeidsplass og byen vi bor i.</li></ul><p>Arbeidsstad for stillinga er primært Brønnøysund, men det kan også vere mogleg å jobbe frå andre stader i landet. Ved flytting til Brønnøysund tilbyr vi hjelp til å skaffe bustad, og vi kan dekke flyttekostnader etter nærare avtale.</p><p>Vi har eit rekrutteringssamarbeid med Brønnøy kommune og Digitaliseringsdirektoratet. Har du ein partnar som har behov for jobb kan vi formidle kontakt med dei.</p><br /><h2>Bu i Brønnøysund</h2><p>Brønnøysund er ein triveleg liten kystby sør på Helgeland. Vi har korte avstandar til det meste og masse vêr – uansett årstid! Er du glad i naturopplevingar har vi eit utal moglegheiter. Moglegheitene er mange også for deg som heller føretrekk ein tur på kafe eller restaurant, er opptatt av kultur eller ulike treningsmoglegheiter innandørs.</p><p>Har du studielån og bur i Brønnøy kommune kan du få nedskrive lånet kvart år til det er nedbetalt. Les meir om https://www.regjeringen.no/no/aktuelt/vil-innfore-ny-ordning-for-sletting-av-studielan/id3121673/</p><p>(Avsnitt utgår ved andre arbeidsteder)</p><br /><h2>Inkludering og mangfald er viktig for oss</h2><p>Vi ønsker å vere ein inkluderande arbeidsplass, der vi speglar mangfaldet i befolkninga. Vi treng medarbeidarar med ulik erfaring, bakgrunn, kompetanse og kvalifikasjonar for å løyse samfunnsoppdraget vårt. </p><p>Har du hol i CV-en, nedsett funksjonsevne eller innvandrarbakgrunn oppfordrar vi deg til å krysse av for det når du søker stilling hos oss. Vi kallar inn minst ein kvalifisert søkar frå kvar av desse gruppene til intervju. Vi legg til rette for medarbeidarar som har behov for det.  </p><br /><h2>Korleis er det å jobbe hos oss sånn eigentleg?</h2><p> Vi vil du skal føle deg trygg på valet når du takkar ja til å jobbe hos oss. Dersom du er aktuell for stillinga, tilbyr vi deg ein omvend referansesjekk. Det betyr at du får ringe nokre av våre medarbeidarar og stille dei spørsmåla du måtte ønske for å finne betre ut om vi er ein god match.</p><br /><h2>Verd å merke seg før du søker</h2><p>Når du søker jobb hos oss, vil namnet ditt stå på ei offentleg søkarliste. Ønsker du å bli unntatt frå den offentlege søkarlista, må du grunngi kvifor. Vi tar kontakt med deg dersom vi ikkje tar ønsket ditt til følgje, og du får moglegheit til å trekke søknaden din. </p> <p>For å bli vurdert som søkar, må du legge ved relevante attestar og vitnemål. Vitnemål frå utdanning tatt i Noreg lastar du opp frå Vitnemålsportalen. Har du utdanning frå utlandet legg du ved godkjenning frå <a href="https://hkdir.no/utdanning-fra-utlandet" rel="nofollow">Direktoratet for høgare utdanning og kompetanse/NOKUT</a>. </p><br />

Senior prosjektleiar