Er du sjukepleiar?

Og vil du vere med og gjere ein forskjell - kvar einaste dag? Då må du bli ein del av vårt engasjerte team ved barne- og ungdomsavdelinga.

Vi søkjer en engasjert og fagleg sterk sjukepleiar til 80% vikariat frå 01.02.2027 til 13.02.2028. Her får du ein meiningsfull arbeidskvardag med små pasientar og store augeblikk.

Barne- og ungdomsavdelinga ved Haugesund sjukehus tilbyr medisinsk og kirurgisk behandling for barn og ungdom frå 0 til 18 år. Vi legg stor vekt på heilskapleg omsorg, tverrfagleg samarbeid og eit varmt møte med pasientar og familiar. Hos oss møter du engasjerte kollegaer med høg fagleg kompetanse, og eit godt arbeidsmiljø prega av samarbeid, openheit og humor. 

Arbeidet går føre seg i turnus med dag-, kveld-, og nattevakter, og gir deg varierte og utfordrande oppgåver innan både akutt og planlagd behandling. Her får du høve til å bruke både fagkunnskap og omsorgsevne og delta i vidareutvikling av eit kompetent og framtidsretta fagmiljø.

Hos oss får du ein arbeidskvardag som er både utfordrande og meiningsfull - og full av små augeblikk som gjer ein stor forskjell.

 👉 Vil du bli ein del av vårt gode team? Då gler vi oss til å høyre frå deg!

Kva går jobben ut på?

• Samarbeid med foreldre, pårørande og tverrfagleg team rundt enkelte pasient grupper
• Planlegging og gjennomføring av pasientforløp
• Sjukepleie til barn og ungdom med  medisinske, kirurgiske og psykiske tilstandar
• Dokumentasjon i journalsystema DIPS og Meona
• Rettleiing av studentar og nytilsette
• Bidra til fagutvikling, internundervisning og kvalitetsarbeid

Kva kompetanse er viktig i denne rolla?

• Norsk autorisasjon som sjukepleiar.
• Gode norskkunnskapar, både skriftleg og munnleg
• Erfaring frå barneavdeling, nyføddintensiv eller liknande er ønskjeleg, men ikkje eit krav.
• Gode kommunikasjonsferdigheiter og evne til å skape tryggleik for barn og familiar.

Personlege eigenskaper vil bli vektlagde

Kva ser vi etter hos deg?

Hos oss er det viktig at du:

• Bidreg positivt til arbeidsmiljøet og bryr deg om kollegaene dine
• Ser etter løysingar og tek initiativ i ein aktiv og tidvis hektisk kvardag
• Er profesjonell og omsorgsfull i møte med pasientar og familiar, og skaper tryggleik
• Er fagleg trygg, strukturert og nøyaktig
• Kan handtere akutte situasjonar og gi sjukepleie til alvorleg og akutt sjuke barn

Kvifor skal du velje oss?

• Eit varmt og inkluderande arbeidsmiljø med høg fagleg kompetanse.
• Varierte og meiningsfulle arbeidsoppgåver.
• Systematisk opplæring, rettleiing og faste fagdagar i turnus.
• Gode moglegheiter for fagleg og personleg utvikling.
• Aktivt VO og TV
• Løn etter gjeldande tariffavtale.
  

Kontaktinformasjon

Charlotte Rugtveit, Funksjonsleiar, +47 52732520

Arbeidsstad

Karmsundgata 120
5528 HAUGESUND

Nøkkelinformasjon:

Arbeidsgivar: Helse Fonna HF

Referansenr.: 5204759625
Stillingsprosent: 80%
Vikariat
Startdato: 01.02.2027
Sluttdato: 13.02.2028
Søknadsfrist: 24.11.2026