Vil du arbeide med rekneskap i Vestland fylkeskommune?
Vi er ein stor organisasjon med over 6000 tilsette over heile fylket. For 2027 har vi budsjettert med om lag 25 milliardar kroner i drifts- og investeringsutgifter.
Rekneskapseininga har desse oppgåvene: behandle og sende ut fakturaer, betale rekningar (remittering), avstemme og kontrollere rekneskapen og lage årsoppgjer
Vi gir òg råd, rettleiing og brukarstøtte til leiarar og tilsette i heile fylkeskommunen. Vi utviklar og forbetrar stadig rutinar, arbeidsmåtar og digitale løysingar, slik at kvaliteten er god og tid og pengar vert brukte godt.
Vi søkjer ein medarbeidar som skal støtte rekneskapsleiaren. Du skal hjelpe til med å sikre god kvalitet, riktig rekneskapsføring og at vi følgjer regelverket. Du får ei sentral rolle i rekneskapsavslutningar, årsoppgjer, avstemming, internkontroll og faglege vurderingar. Vi vil ha deg som kan rekneskapsfag og er oppteken av å utvikle, digitalisere og effektivisere arbeidet.
Arbeidsoppgåver
- utføre daglege driftsoppgåver i eininga
- kontrollere og kvalitetssikre rekneskapsdata
- avslutte periodar, lage årsoppgjer og rapportere rekneskap
- gi råd, fagleg støtte og brukarstøtte om rekneskap og ERP-systemet
- følgje opp og vidareutvikle rutinar og arbeidsmåtar
- gjere arbeidet enklare, meir digitalt og betre
Vi tilpassar ansvar og oppgåver til kompetansen din. Oppgåvene kan endre seg når eininga og behova i organisasjonen utviklar seg.
Kvalifikasjonar
- Du må ha høgare utdanning innan økonomi eller rekneskap på minimum bachelornivå. For å bli plassert som rådgjevar må du ha mastergrad.
- Du må ha god systemforståing og gode digitale ferdigheiter. Du må kunne bruke rekneskapssystem, Excel og nye teknologiske løysingar til å gjere arbeidet meir effektivt.
- Du må skrive godt på norsk.
Vi oppfordrar nyutdanna til å søke.
Personlege eigenskapar
- er strukturert, nøyaktig og opptatt av kvalitet
- arbeider sjølvstendig, tek ansvar og får ting gjort
- er analytisk og løysingsorientert, og ser heilskap og samanhengar
- samarbeider og kommuniserer godt, og vil gi god service
- tek initiativ til å forbetre og effektivisere arbeidet
- bidreg til eit godt arbeidsmiljø
Vi tilbyr
Hos oss får du:
- ein meiningsfull og samfunnsnyttig arbeidskvardag
- ei spanande stilling i eit arbeidsmiljø med høg fagleg kompetanse
- gode moglegheiter for fagleg utvikling
- løn etter avtale
- fleksibel arbeidstid
- inntil 2 dagar heimekontor i veka
- gode offentlege pensjons- og forsikringsordningar
Kontaktinformasjon
Helge Johan Flatebø, leiar, +47 99450150Arbeidsstad
Askedalen 26863 Leikanger
Nøkkelinformasjon:
Arbeidsgivar: Vestland fylkeskommuneReferansenr.: 5209546696
Stillingsprosent: 100%
Fast
Søknadsfrist: 10.12.2026