Austrheim Kommune

Austrheim

Britt Ystebø

Einingsleiar, Austrheim kystbarnehage

<h2>Om arbeidsplassen</h2><p>Austrheim kystbarnehage har ledig ei 100 % vikarstilling som barnehagelærar frå 01.08.2026 til 31.07.2027.</p><p>Austrheim kystbarnehage er ein av to kommunale barnehagar i Austrheim kommune. Barnehagen har i dag 85 barn fordelte på seks avdelingar. Vi er 31 tilsette, med ei jamn fordeling av barnehagelærarar, fagarbeidarar og assistentar.</p><p>Er du glad i friluftsliv og naturopplevingar, kan Austrheim kystbarnehage vere arbeidsplassen for deg. Barna er ute store delar av dagen, og vi legg vekt på å gi dei gode opplevingar og erfaringar i nærmiljøet. Gjennom leik og utforsking får barna bli kjende med det som gjer Austrheim til ein unik kystkommune – den vakre naturen, sjøen og dei mange moglegheitene for aktivitet utandørs.</p><p>Vi er stolte av barnehagebygget vårt, som har ei flott plassering og er utforma med tanke på både barn og tilsette. Lokala er lyse, funksjonelle og praktiske, og bidreg til ein god kvardag for alle.</p><p>Kvar avdeling har eit stort opphaldsrom og gode leikerom som gir rom for variert leik og aktivitet. Avdelingane har også eigen inngang med grov- og fingarderobe. Rundt barnehagen finn vi ein flott leikeplass, fine skogsområde, turstiar og kort gangavstand til sjø og båtliv.</p><br /><h2>Arbeidsoppgåver</h2><ul><li>Ha ansvar for grupper av born, delta aktivt i og observere borna sin leik for å fremje utvikling, trivsel og læring.</li><li>Leggje til rette for eit trygt og inkluderande miljø som stimulerer til leik, læring og samarbeid.</li><li>Bidra til eit godt og tillitsfullt samarbeid med føresette, inkludert gjennomføring av foreldresamtalar.</li><li>Vere ein aktiv deltakar i det pedagogiske arbeidet på avdelinga og i leiarteamet saman med styrar og dei andre pedagogane.</li><li>Planleggje, gjennomføre, dokumentere og evaluere pedagogiske aktivitetar og prosjekt på eiga avdeling, samt samarbeide med relevante instansar og fagpersonar når det er nødvendig.</li><li>Ha oversikt over både pedagogiske og praktiske oppgåver på avdelinga, og bidra på andre område ved behov.</li><li>Delegere oppgåver på ein tydeleg måte, samstundes som ein tek ansvar for heilskapen i arbeidet.</li><li>Bidra aktivt i utviklingsarbeid, prosjekt og arbeidsgrupper både internt i barnehagen og i samarbeid med eksterne aktørar.</li><li>Ta opp aktuelle saker til drøfting med styrar og vere ein aktiv deltakar i leiarteamet.</li><li>Delta aktivt og engasjert i avdelingsmøte, pedagogmøte, leiarmøte og personalmøte.</li><li>Bidra til å utvikle eit godt arbeidsmiljø og eit fagleg sterkt fellesskap i barnehagen.</li></ul><br /><h2>Kven ser vi etter?</h2><p>Vi ser etter deg som ønskjer å byggje gode relasjonar til barn, føresette og kollegaer. Du samarbeider godt med andre og bidreg til å finne gode løysingar saman med medarbeidarar, pedagogar og leiar. Du trivst med å vere ute og har glede av friluftsliv og naturopplevingar saman med barna.</p><p>Du er ein fagleg trygg og engasjert pedagog som har barnet og barnegruppa i sentrum, og som ser verdien av både det pedagogiske og praktiske arbeidet på avdelinga.</p><p>For deg er barna det viktigaste. Du skaper eit trygt og godt barnehagemiljø, er til stades i leiken og møter barna med varme, spontanitet og omsorg. Du ser og løftar fram dei positive eigenskapane til kvart enkelt barn, lyttar med heile deg og byggjer relasjonar som gir barna tryggleik, støtte og eit fang når dei treng det. Samstundes hjelper du barna med å finne balansen mellom omsyn til andre og det å ta vare på seg sjølve.</p><p>Du observerer, reflekterer og finn gode løysingar saman med barna og kollegaene dine, både inne og ute i naturen.</p><br /><h2>Kvalifikasjonskrav</h2><ul><li>Godkjend barnehagelærarutdanning</li><li>Tilfredsstillande politiattest må leggjast fram ved tilsetting</li></ul><br /><h2>Vi tilbyr</h2><ul><li>Løn etter gjeldande tariffavtale</li><li>Gode pensjonsordningar gjennom KLP</li><li>Gode moglegheiter for fagleg utvikling og kompetanseheving</li><li>Eit engasjert personale som støttar og lærer av kvarandre</li><li>Ein arbeidsplass der vi ser framover og utviklar barnehagen saman</li></ul><br /><h2>Heim til Austrheim</h2><p>Vi bygger framtida i opne landskap med eit ope sinn. Her får du moglegheita til å jobbe i eit inspirerande miljø, omkransa av natur og engasjerte kollegaer. Bli ein del av eit fellesskap som verdset trivsel, samarbeid og utvikling - både for innbyggjarane og for deg som arbeidstakar.</p><p>Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Austrheim.</p>Video: <a href="https://www.youtube.com/watch?v&#61;cAPEqSQlYUg" rel="nofollow">https://www.youtube.com/watch?v&#61;cAPEqSQlYUg</a>

Barnehagelærar -100 % vikariat