Tilkallingsvikarar i bu- og miljøtenesta

Me treng tilkallingsvikarar i bu- og miljøtenesta som har høve til å ta ekstravakter ved behov i vekedagar og helgar. Det er ynskjeleg at tilkallingsvikarane er stabile over tid.

Arbeidet består i praktisk bistand og opplæring i bufellesskapa. Som tilkallingsvikar hjå oss skal du følgje brukaren i alle daglege gjeremål, gje rettleiing og omsorg. Me ynskjer personar som har erfaring og/eller interesse for å arbeide med menneske med nedsett funksjonsevne. Tilkallingsvikar må pårekna seg å kunne jobbe med åtferd som utfordrar. God opplæring vil bli gitt.

Det er ulike turnusordningar i avdelingane. Nokre arbeider i kombinasjonsturnus med korte og lange vakter, medan andre arbeider lange vakter med utvida arbeidstid. Søkjarane bør helst vera over 18 år, da det er turnusarbeid.

Alle som skal arbeide hjå oss må ta kurset: «Dette må eg kunne – gode tenester til personar med utviklingshemming» før du startar opplæring.

I nokre av tiltaka er det ein fordel å ha førarkort klasse B, skriv om du har førarkort.

Søkjarane vert vurdert fortløpande, og me tilset kontinuerleg etter behov.

Stillingane er løna etter utdanning og praksis jamfør HTA.

Ta kontakt med Marit Njøs Natvik på telefon 47641854 dersom du har spørsmål.