Alver kommune

Lindås

Signe Korsøen Tofting 

Avdelingsleiar 

<h2>Velkommen til oss!</h2><p><strong>Skrenten bu- og treningsbustad</strong> er eit nyetablert tilbod i Alver kommune. Her skal ungdom med nedsett funksjonsevne få ein trygg, forutsigbar og gradvis veg inn i vaksenlivet –<strong> </strong>med fokus på sjølvstende, meistring og livsferdigheiter i realistiske omgjevnader. </p><p>Skrenten ligg idyllisk til på Lindås, med leilegheiter og fellesareal som gjer det mogleg å kombinere individuell butrening med sosialt fellesskap. Vi jobbar tett på tenestemottakarane for å styrke ADL-ferdigheiter, sosial kompetanse, kommunikasjon (inkludert ASK), fysisk og psykisk helse, samt bruk av velferdsteknologi. Målet er å fremje livskvalitet gjennom mest mogleg sjølvstende.</p><p>Hos oss får du ikkje «berre ein jobb» – du får vere med å skape ein trygg base der ungdom kan ta ekte steg mot eit meir sjølvstendig liv.</p><p>No ser vi etter fleire engasjerte medarbedare som vil vere med å forme, byggje og utvikle dette unike tilbodet frå start, og har ledig eit årsvikariat i 100% stilling som Miljøterapeut med helse- og sosialfagleg høgskuleutdanning, pedagogisk utdanning m/spes.ped og bachelor i psykologi med erfaring med tenestemottakare med same behov kan vurderast. </p><p>Ledig med oppstart frå: 15. juni  </p><br /><h2>Om avlasningstenesta</h2><p>Alver kommune tilbyr avlastning for familiar med særleg tyngande omsorgsoppgåver, der born og unge har psykiske eller fysiske funksjonsnedsetjingar. Avlastninga kan skje både i heimen og på institusjon, og vert tilpasse individuelt etter behov og ønske frå familien.</p><p>Avlastningsbustadene er ein del av kommunens habiliteringstilbod, og gjev born og unge eit trygt og tilrettelagt miljø med aktivitetar og omsorg. I tillegg til nyoppretta Skrenten bu- og treningsbustad har eininga avdelingane Kvasten og Røsvikrenen. </p><br /><h2>Arbeidsoppgåver</h2><p>Som ansatt ved Skrenten bu- og treningsbustad vil du ha ei viktig rolle i å støtte ungdom med nedsett funksjonsevne i overgangen til vaksenlivet. Arbeidet er variert og inneber mellom anna:</p><ul><li>Målretta miljøterapeutisk arbeid med fokus på meistring, sjølvstende og tryggleik</li><li>Tverrfagleg samarbeid med kommunale helse- og omsorgstenestar, andre hjelpeinstansar, pårørande og verge. </li><li>Ansvar for legemiddelhandtering i tråd med gjeldande rutinar</li><li>Utføring av vedtak etter kapittel 9 i helse- og omsorgslova</li><li>Dokumentasjon og evaluering av tiltak i tråd med faglege og juridiske krav</li><li>Dagleg oppfølging og rettleiing i ADL-ferdigheiter som matlaging, økonomi, reinhald, transport og struktur i kvardagen</li><li>Bidra til utvikling av sosial kompetanse, kommunikasjon (inkludert ASK) og deltaking i fellesskap</li><li>Skape og halde ved like trygge og stabile relasjonar</li><li>Oppfølging av fysisk og psykisk helse</li><li>Bidra til fagleg utvikling og eit godt arbeidsmiljø</li></ul><br /><h2>Kompetansekrav </h2><p><strong>Du må ha: </strong></p><ul><li>Relevant 3-årig bachelor innan helse- og sosialfag. </li><li>Pedagogisk utdanning m/spes.ped og bachelor i psykologi med erfaring med tenestemottakare med same behov kan vurderast. </li><li>Erfaring med arbeid innan habilitering og miljøarbeid</li><li>Vilje og evne til å arbeide i tråd med helse- og omsorgstenestelova kapittel 9 (rettstryggleik ved bruk av tvang og makt), inkludert førebygging, dokumentasjon og gjennomføring av vedtak der dette er aktuelt.</li><li>Trygg på bruk av digitale verktøy og dokumentasjonssystem</li><li>Gode norskkunnskapar, både munnleg og skriftleg</li><li>Førarkort i klasse B</li></ul><p><strong>Det er ønskjeleg om du har:</strong></p><ul><li>Interesse for og gjerne erfaring med arbeid retta mot ungdom i overgang til vaksenlivet, med fokus på sjølvstende og meistring. </li><li>Kjennskap til og gjerne erfaring med vedtak etter kapitel 9 jf. Helse- og omsorgslova</li><li>Kompetanse i alternativ og supplerande kommunikasjon (ASK), og evne til å tilpasse kommunikasjon til den enkelte brukar. </li><li>Erfaring med brukarmedverknad, tverrfagleg samarbeid og god evne til å samarbeide med føresette og fagpersonar.</li><li>Menn oppfordras til å søkje</li><li>Evne til å skape tryggleik, vise respekt og arbeide personsentrert.</li><li>Erfaring og tryggleik til å handtere uforutsette situasjonar og tilpasse seg individuelle behov.</li></ul><br /><h2>Kven er du?</h2><p>Vi søkjer deg som har eit genuint engasjement for å støtte ungdom i å finne eigen styrke og ta steg mot eit meir sjølvstendig vaksenliv. <strong>Du:</strong></p><ul><li>Har gode relasjonelle ferdigheiter og evne til å byggje tillit over tid</li><li>Ser potensialet i kvar ungdom og jobbar aktivt for å skape meistring, håp og motivasjon</li><li>Er trygg i deg sjølv og handterer krevjande situasjonar med ro, klokskap og tydelegheit under press. </li><li>Har gode kommunikasjonsevner og er merksam på både små og store augeblinkar som byggjer relasjon og utvikling</li><li>Er tolmodig, støttande og uthaldande, og forstår at utvikling tek tid</li><li>Er initiativrik, ansvarsbevisst, fleksibel og løysingsorientert, og ser moglegheiter der andre ser utfordringar</li><li>Er endringsvillig og positiv. </li><li>Kan reflektere etisk og fagleg rundt komplekse val og balansegangen mellom støtte og sjølvstende</li><li>Trivst med både samarbeid i team og sjølvstendig ansvar i kvardagen</li></ul><p>Personleg eignaheit vil bli tillagt stor vekt.</p><br /><h2>Me tilbyr</h2><p>Dette er ei sjeldan moglegheit for deg som trivst med utviklingsarbeid og ønskjer å vere med og setje retning frå dag éin.</p><p><strong>Hos oss får du:</strong></p><ul><li>Ein meiningsfull jobb der du får vere med å etablere, forme og utvikle eit tilbod som gjer ein forskjell i liva til mange. </li><li>Faglege utfordringar i eit miljø som vektlegg kvalitet, etikk og utvikling</li><li>Moglegheit for kompetanseheving og fagleg vekst</li><li>Tilsetjing og løn i samsvar med gjeldande lov- og avtaleverk</li><li>Årsturnus med moghegheit for innspel på arbeidstid</li><li>God pensjonsordning i KLP</li><li><p>Gratis parkering</p><p> </p></li></ul><br /><h2>Me er ein organisasjon i læring! </h2><p>Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling. I Habiliteringstenesta arbeider me med vår digitale kompetanse, og nyttar teams i vår informasjonsflyt. Bidrag til å løysa arbeidsoppgåver med ny teknologi eller anna vert godt motteke. </p><br /><h2>Me er Alver</h2><p>Me får vere der frå aller fyrste stund, og vi får følgje deg gjennom livet!</p>Video: <a href="https://www.youtube.com/watch?v&#61;_xHE9zF24G4&amp;ab_channel&#61;Alverkommune" rel="nofollow">https://www.youtube.com/watch?v&#61;_xHE9zF24G4&amp;ab_channel&#61;Alverkommune</a><h2>Politiattest </h2><p>I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede</p><br /><h2>Om Habiliteringstenesta </h2><p>Habiliteringstenester i Alver kommune gjev tenester til personar med nedsett funksjonevne/<br />utviklingshemming. Tenestene vert gitt i den einskilde sin heim, ved arbeids- og aktivitetsenter, </p> <p>og som ulike former for avlasting for familiar med born/unge med omfattande behov for omsorg. Inn under habiliteringstenestene finn ein også støttekontaktteneste og koordinatorar for Individuell Plan. </p><br />

Miljøterapeut - vikariat 100%