Helsefagarbeidar 65% vikariat

Om oss 

Kvassnesvegen bufellesskap ligg sentralt i Knarvik og er heimen til ni bebuarar. Me har no ledig eit vikariat for deg som er helsefagarbeidar og ønskjer å bidra til trygge netter for bebuarane våre. Oppstart er 01.01.2027 med varighet til 01.12.2027.

Bufellesskapet er bemanna heile døgnet. Hos oss arbeider vernepleiarar, miljøterapeutar, helsefagarbeidarar og assistentar. På natt er det alltid to vakne nattevakter på jobb.

Arbeidsoppgåver

• Føre tilsyn med bebuarane og bidra til ei trygg og roleg natt
• Observere og følgje opp bebuarane sine behov, mellom anna med omsyn til epilepsi
• Gje nødvendig hjelp og støtte gjennom natta
• Dokumentere observasjonar og tiltak Profil
• Rapportere og samarbeide med kollegaer ved vaktskifte
• Følgje rutinar for brannvern og handtere uventa situasjonar

Kompetanse

• Autorisasjon som helsefagarbeidar
• Praktisk erfaring med målretta miljøarbeid
• Gode digitale ferdigheiter og kjennskap til digitale dokumentasjonsverktøy
• Førarkort klasse B
• Gode norskkunnskapar, både munnleg og skriftleg

Minimum fem års relevant arbeidserfaring frå helsearbeid er eit føremon

Kven er du?

Me søkjer deg som trivst med å arbeide om natta og forstår kor viktig det er å vere til stades når bebuarane treng deg.

• Du er trygg og roleg, også i krevjande situasjonar
• Du har gode kommunikasjonsevner og byggjer tillit over tid
• Du er tolmodig, engasjert og møter bebuarane med respekt
• Du tek initiativ og finn løysingar når utfordringar oppstår
• Du arbeider godt både sjølvstendig og saman med andre
• Du reflekterer over faglege og etiske problemstillingar

Me tilbyr

• Ein meiningsfull jobb i ein organisasjon med eit viktig samfunnsoppdrag
• Oppfølging og rettleiing
• Årsturnus 
• Gratis parkering
• God pensjonsordning i KLP
• Løn i samsvar med tariff og ansiennitet: 
  475 300 - 551 100

Me er ein organisasjon i læring! 

Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling. I Habiliteringstenesta arbeider me med vår digitale kompetanse, og nyttar teams i vår informasjonsflyt. Bidrag til å løysa arbeidsoppgåver med ny teknologi eller anna vert godt motteke. 

Me er Alver

Me får vere der frå aller fyrste stund, og vi får følgje deg gjennom livet!

Politiattest 

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede

Om Habiliteringstenesta 

Habiliteringstenester i Alver kommune gjev tenester til personar med nedsett funksjonevne/
utviklingshemming. Tenestene vert gitt i den einskilde sin heim, ved arbeids- og aktivitetsenter, 

og som ulike former for avlasting for familiar med born/unge med omfattande behov for omsorg. Inn under habiliteringstenestene finn ein også støttekontaktteneste og koordinatorar for Individuell Plan.