Alver kommune

Isdalstø

Bjørg Konglevoll Lunde

Einingsleiar

<h2>Kort om stillinga</h2><p>Kvernhusmyrane bufellesskap søkjer to engasjerte og motiverte medarbeidar i 100 % faste stillingar!</p><p>Bufellesskapet ligg sentralt i Knarvik og er heim for seks personar med ulike funksjonsnedsetjingar. Bustaden er døgnbemanna, og vi arbeider for å gje tenester av høg kvalitet og ein best mogleg kvardag for kvar einskild bebuar.</p><p>Stillinga inneber arbeid kvar fjerde helg, med kortvakt fredag og langvakter på 12,5 timar laurdag og sundag.</p><br /><h2>Arbeidsoppgåver</h2><ul><li>Direkte miljøarbeid og bidra til at tenestemottakarane får ein trygg, meiningsfull og føreseieleg kvardag.</li><li>Gje individuell oppfølging og rettleiing i tråd med behov, mål og vedtak.</li><li>Handtere og dokumentere legemiddel i samsvar med gjeldande rutinar og regelverk.</li><li>Følgje opp vedtak etter helse- og omsorgstenestelova kapittel 9 og pasient- og brukarrettslova kapittel 4.</li><li>Utføre praktiske gjeremål i bustaden</li><li>Dokumentere tiltak, observasjonar og oppfølging i fagsystemet Profil.</li><li>Samarbeide tett med kollegaer, pårørande og andre aktuelle samarbeidspartnarar.</li><li>Bidra til eit godt omdømme gjennom respektfull kommunikasjon, god service og tenester av høg kvalitet til tenestemottakarane.</li></ul><br /><h2>Kompetanse</h2><ul><li>Autorisasjon som helsefagarbeidar</li><li>Førarkort klasse B</li><li>God norsk skriftleg og munnleg formidlingsevne</li><li>Gode digitale ferdigheiter og kjennskap til digitale dokumentasjonsverktøy</li></ul><p> </p><br /><h2>Ønska kompetanse</h2><ul><li>Kurs i legemiddelhandtering er ein føremon</li><li>Kjennskap til autisme og teikn til tale er ønskjeleg</li><li>Relevant erfaring med åtferd som utfordrar</li><li>Praktisk erfaring med målretta miljøarbeid</li><li>Erfaring frå arbeid med den aktuelle brukargruppa er ønskjeleg</li></ul><br /><h2>Kven er du?</h2><ul><li>Du har gode relasjonelle ferdigheiter og evne til å skapa tillit over tid</li><li>Du er trygg i deg sjølv, handterer krevjande situasjonar med ro og tydelegheit, og tek kloke avgjerder under press</li><li>Du har gode kommunikasjonsevner og ser betydninga av både små og store augneblinkar i relasjonsbygging</li><li>Du kan reflektera etisk og fagleg over komplekse problemstillingar </li><li>Du er fleksibel og løysingsorientert</li></ul><p>Vi søkjer etter deg som er tolmodig og engasjert, motiverande og positiv. Du er initiativrik og har engasjement for brukargruppa. Du har gode samarbeidsevner, men kan og arbeide sjølvstendig.</p><br /><h2>Vi tilbyr</h2><ul><li>Ein variert arbeidskvardag med interessante faglege utfordringar i eit godt arbeidsmiljø</li><li>Årsturnus </li><li>Tilsetjing i samsvar med gjeldande lov- og avtaleverk:<br />Helsefagarbeidar: kr. 475 300 - 551 100</li><li>Gratis parkering</li><li>God pensjonsordning i KLP</li></ul><br /><h2>Politiattest</h2><p>I tråd med helse- og omsorgstenestelova § 5-4 vert det stilt krav om tilfredsstillande politiattest ved oppstart.</p><br />

Helsefagarbeidar 100% x 2 i Kvernhusmyrane Bufellesskap