Assisterande einingsleiar - Knarvik sjukeheim avdeling 2
Om stillinga
Assisterande einingsleiar er ei dagtidsstilling med 37,5timers arbeidsuke. Stillinga inneber å vera ein tett støttespelar for einingsleiar og ha eit medansvar for dagleg drift, fagansvar og delegert personalansvar i heile avdelinga. Stillinga kombinerer operativ leiing med fagleg nærvær i avdelinga.
Du bidrar saman med einingsleiar til å sikre god kvalitet i tenestene, følgjer opp tilsette i det daglege og medverkar i planlegging og gjennomføring av endringar og utviklingsarbeid. Rolla inneber også deltaking i sjukefråværsoppfølging og implementering av rutiner og tiltak ved behov for det.
Ass. einingsleiar er ein viktig ressurs for både tilsette og leiinga. Du vil bidra til eit trygt og godt arbeidsmiljø, eit trygt pasientforløp og ei effektiv drift.
Ass.einigsleiar rapporterer direkte til einingsleiar.
Om oss
Avdeling 2 er ei sjukeheimsavdeling med 29 pasientrom. Vi har todelt pasientgruppe, ei korttidsgruppe med pasientar som er her på tidsavgrensa og målretta opphold, og ei langtids- somatisk pasientgruppe som bur her fast. Det er naturleg å variere mellom begge gruppene når ein er tilsett her. Avdelinga har mange flotte fagpersoner i sving kvar dag, og det er ei aktiv avdeling med eit godt fleirfagleg samarbeid.
Arbeidsoppgåver
- Sikre forsvarleg drift.
- Vere pådrivar for fagleg utvikling.
- Utøve delegert personalansvar.
- Ha ansvar for lærlingar, studentar og elevar.
- Vere pådrivar for eit godt arbeidsmiljø.
- Ha medansvar for implementering og vedlikehald av ulike kartleggingsverktøy.
- Rettleie tilsette i utøving av fag og utviklingsarbeid.
- Samarbeide med verneombod og tillitsvalde, og delta i arbeidsmiljøgruppa sitt arbeid.
- Vere stedfortredar for einingsleiar ved ferie eller anna fråvær.
- Utføre andre delegerte oppgåver etter nærare avtale.
Kvalifikasjonskrav
- Norsk autorisasjon som sjukepleiar
- Beherske norsk språk, munnleg og skriftleg tilsvarande B2 nivå
- God digital kompetanse og forståing
- Erfaring fra liknande stilling eller arbeid
I tillegg ønskjer vi at du:
- har hatt personalansvar tidlegare
- har erfaring som leiar frå kommunale helse - og omsorgstenester
- erfaring med endrings- og utviklingsarbeid
Kven er du?
Vi ser etter deg som har:
- Gode samarbeidsevner.
- Førebiletleg god arbeidsmoral.
- God relasjonskompetanse.
- Evne til å handtere endringar på kort varsel.
- Evne til å sjå løysingar framfor problem.
- Evne til å arbeide strukturert.
- Evne til å halde tidsfristar.
- Evne til å ta ansvar og følgje opp saker.
- Evne til å ta avgjerder.
Me tilbyr
- Ein meiningsfull jobb der du møter mange ulike mennesker kvar dag; tilsette i eiga og andre tenester, pasientar og pårørande
- Opplæring og oppfølging som nytilsett
- God pensjonsordning
- Tilsetjing i samsvar med gjeldande lov- og avtaleverk
Me er ein organisasjon i læring!
Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling. Vi arbeider med å utvikle vår digitale kompetanse, og nyttar mellom anna teams i vår informasjonsflyt. Bidrag til å løysa arbeidsoppgåver med ny teknologi eller anna vert godt motteke.
Vi er Alver
Vi får vere der frå aller fyrste stund, og vi får følgje deg gjennom livet!
Video: https://www.youtube.com/watch?v=_xHE9zF24G4&ab_channel=AlverkommunePolitiattest
I tråd med helse- og omsorgstenestelova § 5-4 ,vert det stilt krav om tilfredsstillande politiattest ved tiltrede.