Volda Kommune

Volda

Line Homberset

fagkonsulent oppvekst

I Volda kommune kan det for skuleåret 2026/2027 verte fleire ledige heiltid/deltids stillingar, både i fast stilling og i vikariat. Det kan vere behov ved fleire skular. Søkarane i denne runden vil vere aktuelle for behov som også måtte oppstå heilt fram mot skulestart.  Skulane i kommunen er som følgjer:  * Hornindal skule, 1.-10.årssteg. ca 165 elevar  * Folkestad skule, 1.-10.årssteg. Ca 70 elevar  * Dalsfjord skule, 1.-10.årssteg. Ca 30 elevar  * Mork skule, 1.-7.årssteg. Ca 90 elevar  * Øyra skule, 1.-7.årssteg. Ca 380 elevar  * Bratteberg skule, 1.-7.årssteg. Ca 180 elevar  * Volda ungdomsskule, 8.-10.årssteg. ca 290 elevar  Det kan verte aktuelt med intervju, både gruppe- og individuelle intervju. Førebels aktuelle datoar for dette er 18. mars, 24. mars, 27. mars og 28. april. Andre datoar kan og verte aktuelle utover våren. Dersom du krev stillinga etter arbeidsmiljølova § 14-3, utviding av stilling for deltidstilsett, må du opplyse om dette i søknaden.    Dersom du krev stillinga etter arbeidsmiljølova § 14-2, fortrinnsrett ved tilsetjing, må du opplyse om dette i søknaden.   
<h3>Arbeidsoppgåver</h3>Førebu, gjennomføre og etterarbeide undervisning. Anna tid med elevane, som til dømes elevsamtalar og tilsyn i friminutt. Legge til rette for og leie eit trygt og godt læringsmiljø, i nært samarbeid med elevar, føresette og kollegaer. Samarbeid med naturlege faginstansar, til dømes helsestasjon, PPT, BUP og barnevern. Volda er ein BTI-kommune (betre tverrfagleg innsats). BTI er ein modell for tverrfagleg samhandling, og skal bidra til at barn og unge og familiane deira får naudsynt hjelp så tidleg som mogeleg. Som tilsett i Volda kommune er det forventa at ein forstår og arbeider etter prinsippa i BTI-modellen.Deltaking i skulen sitt pedagogiske utviklingsarbeid. Alle lærarar i grunnskulen i Volda må vere budde på å ta kontaktlæraransvar. Fleire av skulane er praksisskular, noko som gjer at alle lærarar må vere budde på å bidra inn mot lærarstudentar og praksis. Sektor oppvekst arbeider etter visjonen om at &#34;Volda kommune har trygge barn, unge og vaksne som deltek, meistrar og lærer&#34;. Alle våre tilsette skal ha dette som ei leiestjerne i sitt daglege arbeid.<h3>Kvalifikasjonar</h3>Godkjent lærarutdanning, ved høgskule eller universitet. Dette inneber godkjent pedagogisk utdanning, og minimum 180 stp i relevante undervisningsfag. Volda kommune etterspør særleg lærarar som oppfyller kompetansekrava om 60 stp/30 stp i faga norsk, matematikk og engelsk (høvesvis ungdomssteget og barnesteget). Vi ser det som ein fordel at lærarane har breiast mogleg fagkompetanse, då kompetansekrava for lærarar i ungdomssteget er at ein også har 30 stp i dei andre faga ein skal undervise i.  Tidlegare erfaring viser at behovet for fagkompetanse kan endre seg utover våren. Vi søkjer etter lærarar som har gode kunnskapar i faga dei skal undervise i, er autoritative vaksne som er gode klasseleiarar og har evne til å bygge gode relasjonar med elevane. CV må fyllast ut i søknaden. Søkarane må og spesifisere i søknaden kva fag dei har 30, 60 eller meir studiepoeng i, og kva slags skuleslag søkarane ser på som aktuell for sin del.<h3>Personlege eigenskapar</h3>Vi forventar at den som vert tilsett har god evne til å bygge relasjonar med elevar, føresette, kollegaer og andre samarbeidspartar. Vi forventar og at ein syner god evne til samarbeid og sjølvstende i arbeidet, og er med på å ta initiativ i skulen sitt faglege utviklingsarbeid. Vi legg vekt på at våre lærarar skal ha god klasseleiingskompetanse.<h3>Vi tilbyr</h3>- gode moglegheiter for å utvikle seg i eit fagmiljø som legg vekt på kvalitet- fagleg kompetanseutvikling mellom anna i form av fagdagar med pedagogisk utviklingsarbeid for alle tilsette- kompetanseheving og fagleg utvikling gjennom Volda kommune- skular med fokus på gode, trygge og inkluderande opplæringsmiljø for elevane- skular som er opptekne av å gi medarbeidarane ansvar, tillit og høve til å påverke kvardagen sin i samarbeid med leiing og team Tilsetjing skjer etter gjeldande lov, forskrift og avtaleverk. Dei som vert tilsette må legge fram gyldig politiattest, jf opplæringslova § 17-11. Prøvetida i Volda kommune er 6 månader. Volda kommune har god, offentleg pensjonsordning i SPK. Stillinga er plassert i kap 4, lønsplassering og stillingskode vert fastsett ved tilsetjing. Dei som er nyutdanna lærarar deltek på kommunen sitt mentorprogram &#34;Nytt på nytt&#34;, der ein får jamleg oppfølging gjennom første arbeidsår som lærar. Dette skjer gjennom rettleiing ved skulen ein er tilsett og på regionale samlingar, der Høgskulen i Volda og er samarbeidspart. Aktuelle søkarar vert kalla inn til intervju. Det vert og innhenta referansar i etterkant av intervju. <h3>Kontaktinformasjon</h3>Line Homberset, fagkonsulent oppvekst, 70058870, line.homberset&#64;volda.kommune.no 
<h3>Arbeidsstad</h3>Stormyra 2 
6100 Volda 
<h3>Nøkkelinformasjon:</h3>Arbeidsgivar: Volda kommune 
 
Referansenr.: 5064388448 
Stillingsprosent: 100% 
Fast 
Søknadsfrist: 28.02.2026

Lærar skuleåret 2026-2027