Vindafjord Kommune

Ølen

Vindafjord kallar -- er du vår nye sjukepleiar?
Vindafjord kommune søkjer engasjerte og fagleg trygge sjukepleiarar til institusjonstenestene våre, som omfattar Ølen omsorgssenter og Vindafjordtunet med somatiske avdelingar, demensavdelingar, korttid og nattteneste.
På grunn av auka behov og komande pensjoneringar styrkjer me både fagmiljø, arbeidsmiljø og interne strukturar. Du blir tilsett ved eitt hus og i ei avdeling, men samarbeider på tvers av avdelingane. Natttpatruljen kan samarbeide på tvers av husa ved behov.
Arbeidsoppgåver
Hos oss får du ein variert og meiningsfull arbeidskvardag med ansvar for heilskapleg pasientomsorg. Du vil:
<ul><li>
Gjere systematiske observasjonar og kartleggingar (inkl. NEWS)
</li><li>
Utarbeide og følgje opp pleieplanar og tiltak, med fokus på pasientforløp og kvalitet
</li><li>
Sikre trygg legemiddelhandtering
</li><li>
Samarbeide tett med lege, kollegaer og pårørande
</li><li>
Bidra i palliasjon og heilskapleg omsorg
</li><li>
Rettleie studentar og kollegaer, og dele kunnskap i det daglege
</li><li>
Delta i kvalitetsforbetring og fagutvikling i avdelingane
</li><li>
Jobbe tett saman med fysioterapeut og ergoterapeut
</li><li>
Ha ansvar for legevisitt og sørgje for god pasientflyt . På korttidsavdelinga deltek du òg på inntaksmøte
</li></ul>
Slik jobbar me
Me legg stor vekt på pasientsikkerheit, struktur og samarbeid. Kvardagen er forankra i kliniske vurderingar og tidleg innsats, der NEWS blir brukt systematisk for å følgje med på vitale parameter og fange opp endringar tidleg.
Arbeidet blir planlagt og gjort synleg på IKOS‑tavler, som gir god oversikt over prioriteringar, tiltak og ansvar -- slik at alle veit kva som skal gjerast og når.
Me jobbar i moderne lokale med takheisar og pasientvarslingssystem som gjer pleien trygg, effektiv og skånsam. Tverrfagleg samarbeid er ein naturleg del av kvardagen: sjukepleiarar, helsefagarbeidarar, lege og andre fagpersonar koordinerer pasientforløp, palliasjon og utskrivingsklare pasientar.
Særleg på korttidsavdelinga er strukturert arbeid med inntaksmøte, legevisitt og koordinering av pasientflyt viktig.
Kompetanse blir bygd kontinuerleg gjennom rettleiing, faglege drøftingar og fagdager kvar sjette veke -- du bidreg aktivt, og me legg til rette for at du skal utvikle deg.
Rolla som sjukepleiar hos oss er tydeleg: du er trygg i faget, tek initiativ og leiar praksis når det trengst, med støtte frå prosedyrar, kollegaer og leiinga.
Kvalifikasjonar
<ul><li>
Autorisasjon som sjukepleiar (nyutdanna er hjarteleg velkomne!)
</li><li>
Gode ferdigheiter i norsk -- skriftleg, munnleg og forståing (skandinaviske språk blir godtekne)
</li><li>
Førarkort klasse B ved nattarbeid
</li><li>
Grunnleggande digital kompetanse
</li><li>
Personlege eigenskapar
</li></ul>
Me søkjer deg som er:
<ul><li>
Trygg og ansvarsmedviten
</li><li>
Tiltaksretta og komfortabel med å ta leiarskap i praksis
</li><li>
God på samarbeid og relasjonsbygging
</li><li>
Engasjert, fleksibel og løysningsorientert
</li><li>
Oppteken av fag, kvalitet og eit godt arbeidsmiljø
</li></ul>
Kva me tilbyr
Hos oss får du ikkje berre ein trygg arbeidsplass med gode utviklingsmoglegheiter og fleksible ordningar -- du får òg høve til å bu og leve i naturskjønne Vindafjord. Her kan du kombinere jobb med eit aktivt liv, anten du liker fjellturar, fjordliv, kultur eller familievenlege aktivitetar.
Me tilbyr mellom anna:
<ul><li>
Nedbetaling av studielån, inntil 25 000 kr per år
</li><li>
Fast stilling i turnus med ønskjeplan / årsturnus
</li><li>
Minst 8 års ansiennitet i løn frå første dag
</li><li>
25 000 kr over garantiløn (dag/kveld)
</li><li>
40 000 kr over garantiløn (natt)
</li><li>
Stimuleringsordning for langvakter laurdag og søndag: 500 kr per vakt
</li><li>
Rimeleg barnehage
</li><li>
Tilskot til dekking av eigedomsskatt for dei under 35år
</li><li>
Støtte- og stipendordningar for vidareutdanning
</li><li>
Offentleg tenestepensjon og gode forsikringsordningar
</li><li>
Gratis parkering, treningsrabatt og gunstig mobilabonnement
</li><li>
Bedriftskunstlag og kommunekor
</li></ul>
Vindafjord gir deg rom for både jobb og fritid -- med over 100 merka turløyper, populære turmål som Olalia Fjellstove og Skomakarnibba, fjordaktivitetar, lokale kulturarrangement og eit levande bygdemiljø. Her får du rett og slett mykje plass -- til livet, naturen og moglegheitene.
Klar for å bli med på laget?
Me vurderer søknader fortløpande og tek gjerne ein uforpliktande prat.
Send søknad og CV via vårt elektroniske søknadssystem.
👉 Velkommen som søkjar til Vindafjord kommune!

Sjukepleiar til Vindafjord kommune