Vestland fylkeskommune

Kleppestø

Hillevi Elizabeth Runshaug

regionleiar

<p>Er du ein leiar som tek vare på mangfaldet blant elevane, og vil utvikle profesjonsfellesskapet i skulen? Vil du setje retning og bidra med å utvikle framtidsretta vidaregåande opplæring?<br /><br />Vestland fylkeskommune søkjer ein engasjert, utviklingsorientert og tydeleg rektor til Askøy vidaregåande skule. Rektor må ha evne og vilje til å vidareutvikle skulen og kvaliteten i opplæringa. Vi har som ambisjon og målsetjing at alle elevar som tar til i vidaregåande skule skal fullføra, og at opplæringstilbodet heile tida vert forbetra.</p><p>Det er forventa at rektor er ein aktiv bidragsytar og vil medverke til å oppfylle samfunnsoppdraget: Vi set retning, engasjerer og samhandlar for å utvikle gode tenester og eit framtidsretta Vestland. </p><p>Askøy vidaregåande skule har studiespesialiserande og yrkesfaglege utdanningsprogram som bygg-og anleggsteknikk, elektro- og datateknologi, helse- og oppvekstfag, teknologi- og industrifag, tilrettelagt opplæring og påbygging til generell studiekompetanse. </p><p>Skulen samarbeider tett med kommunen, lokalt næringsliv og organisasjonar for å kunne gje elevane erfaringar i praksis. På same tid som vi ønskjer å ha ein lokal tilknytning, så er vi også opptatt av å sjå ut i verda. Skulen har lang tradisjon for internasjonalt arbeid.</p><p>Askøy vidaregåande skule er MOT-skule og arbeider for at alle elevar skal ha ein trygg og god skulekvardag, samstundes som skuletida skal gje rom for nye opplevingar og utfordringar. </p><p>Askøy vidaregåande skule har om lag 700 elevar og i overkant av 100 tilsette. Skulebygget på Søre Myrane 13, 5300 Kleppestø, er nytt og moderne frå 2023. Det tek 15 minutt å gå til skulen frå Kleppestø terminal. </p><br />
<h3>Arbeidsoppgåver</h3><ul><li>Utvikle skulen i samsvar med mål og visjon for skuleeigar</li><li>Sikre eit trygt og godt skulemiljø og god medverknad frå elevane </li><li>Sikre eit godt arbeidsmiljø for dei tilsette, fagleg utvikling, god medverknad og kulturbygging </li><li>Vidareutvikle leiargruppa som eit samla og effektivt team </li><li>Leie strategi- og utviklingsprosessar </li><li>Leie skulen sitt pedagogiske utviklingsarbeid og kompetanseutvikling  </li><li>Personalleiing  </li><li>Utvikle samhandling med rettleiingstenesta  </li><li>Ivareta medverknad mot arbeids- og næringsliv, opplæringskontor og andre samarbeidspartar </li><li>Økonomistyring </li></ul><h3>Kvalifikasjonar</h3><p>Den som vert tilsett må stette dei formelle krava i Opplæringslova § 17-2. Leiing <br />Skolen skal ha ei leiing som er fagleg, pedagogisk og administrativt forsvarleg. Ein skole skal leiast av ein rektor. Rektoren skal ha pedagogisk kompetanse, ta del i den daglege verksemda og arbeide med utviklinga av verksemda. Ein rektor kan leie fleire skolar. <br />Det er ønskjeleg at du:  </p><ul><li>har gode leiareigenskapar, relevant leiarerfaring og leiarutdanning</li><li>set elevane si læring og deira utvikling i sentrum for skulen sitt arbeid </li><li>byggjer eit sterkt fagleg profesjonsfellesskap og ein verdibasert kultur som heile tida søkjer vidare utvikling</li><li>vidareutviklar godt arbeidsmiljø og ytringsklima for tillit og samhandling</li><li>har god kjennskap til vidaregåande opplæring og relevant erfaring</li><li>markerer skulen som ein sentral utdanningsinstitusjon i lokalmiljøet og arbeider heilskapleg og forpliktande saman med lokalt arbeidsliv  </li><li>opptrer tydeleg som arbeidsgivar og gjennomfører politiske og administrative vedtak </li><li>har praksis frå utviklingsarbeid og god gjennomføringsevne </li><li>forståing for god økonomistyring</li></ul><p>Erfaring utanfor opplæringssektoren kan òg vektleggjast. </p><h3>Personlege eigenskapar</h3><p>Din leiingspraksis er kjenneteikna av at du er:<br /></p><ul><li>open, nytenkjande og byggjer relasjonar prega av tillit </li><li>har evne til å skape tryggleik i krevjande situasjonar  </li><li>har gode samarbeidsevner og er samlande, sosial og inkluderande  </li><li>har evne til å arbeide målretta, systematisk og løysingsfokusert </li></ul><h3>Vi tilbyr</h3><ul><li>givande arbeid med ungdom og vaksne i vidaregåande opplæring i eit arbeidsmiljø med høg fagleg kompetanse </li><li>ein raus organisasjonskultur der vi vil kvarandre vel, ser kvarandre og bidrar til fellesskapet </li><li>deltaking og fellesskap i rektorkollegiet og leiarutviklingsprogram </li><li>løn etter avtale <br /></li><li>fylkeskommunale tilsetjingsvilkår med gode pensjons- og forsikringsordningar </li></ul><p>Vestland fylkeskommune legg vekt på godt samarbeid, tett dialog og oppfølging mellom rektorane og avdelingsdirektøren for opplæring og kompetanse. <strong></strong></p><br />Tilsetting skjer på grunnlag av lov- og avtaleverk og føreset godkjent politiattest.<h3>Kontaktinformasjon</h3>Hillevi Elizabeth Runshaug, regionleiar, 48045397<br />
<h3>Arbeidsstad</h3>Søre Myrane 13<br />
5300 Kleppestø<br />
<h3>Nøkkelinformasjon:</h3>Arbeidsgivar: Vestland fylkeskommune<br />
<br />
Referansenr.: 4993341057<br />
Stillingsprosent: 100%<br />
Fast<br />
Søknadsfrist: 24.08.2025<br />
<br />


Rektor Askøy vidaregåande skule