Vestland Fylkeskommune Opplæring Og Kompetanse

Lars Arne Nilssen

avdelingsleiar

<p>Os vidaregåande skule tilbyr fem yrkesfaglege utdanningsprogram: bygg- og anleggsteknikk, elektro- og datateknologi, helse- og oppvekstfag, sal, service og reiseliv og teknologi- og industrifag. I tillegg har vi landsliner innan anleggsteknikk og yrkessjåfør, påbygg til generell studiekompetanse og særskilt tilrettelagt opplæring. Skulen har om lag 500 elevar og 105 tilsette.</p><p>Skulens elevsyn er å møta eleven med respekt, fleksibilitet og ei positiv innstilling. Vår visjon byggjer på formålsparagrafen til opplæringslova:<br />Vi jobbar med samfunnets viktigaste verdi og bidreg til ei god framtid gjennom å utvikla sosialt kompetente og fagleg dyktige elevar og lærlingar for vidare liv, utdanning og yrke.</p><p>Gjennom skuleåret treng skulen ein eller fleire tilkallingsvikarar som kan arbeida som fagarbeidar i tilrettelagde elevgrupper. Vikarane vert tilkalla om fagarbeidarar vert borte frå arbeid eller om skulen mellombels må auke bemanninga i korte periodar. Fagarbeidarane skal arbeida i mindre grupper med inntil åtte elevar og i samarbeid med fleire fagarbeidarar og lærarar.</p><br />
<h3>Arbeidsoppgåver</h3><ul><li>Støtta faglærar i undervisinga av elevar med trong for særskilte pedagogiske, sosiale og helsemessige tilpassingar<br /></li><li>Delta i opplæringsaktivitetar i klasserom, gymsal, på kjøkken, i verkstader og utandørs eller på andre arenaer.<br /></li><li>Gjennomføra og/eller ta ansvar for sosiale eller helserelaterte tenester for elevane i skuletida, i tråd med elevane si trong<br /></li><li>Samarbeida med andre fagarbeidarar og lærarar om å planleggja og gjennomføra undervising i tråd med individuelle opplæringsplanar.</li></ul><h3>Kvalifikasjonar</h3><ul><li>Ynskjeleg med utdanning innan helsefag, barne- og ungdomsfag, miljøarbeid eller anna relevant utdanning<br /></li><li>Ynskjeleg med erfaring knytta til arbeid med ungdom og/eller menneske med nedsett funksjonsevne</li></ul><h3>Personlege eigenskapar</h3><ul><li>Søkjaren må vera fleksibel og ha høve til å arbeida i heile eller deler av veka.<br /></li><li>Søkjaren må ha ei god evne til samarbeid og vera personleg eigna til arbeid med ungdom.<br /></li><li>Søkjaren trivst i eit hektisk arbeidsfellesskap med elevar og lærarar.</li></ul><h3>Vi tilbyr</h3><ul><li>Eit aktivt og stimulerande profesjonsfellesskap<br /></li><li>Nært samarbeid med kollegaer<br /></li><li>Ein god delingskultur og ei positiv innstilling<br /></li><li>Løns- og arbeidsvilkår fastsett i lova og avtaleverket<br /></li><li>Gode forsikrings- og pensjonsordningar</li></ul><p>Skulen tek atterhald om at trongen ikkje vert endra fram mot skulestart. Vi gjer merksam på at i følgje offentleglova §25.2.ledd kan opplysningar om søkjaren verta offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort.<br /><br />Administrasjonsmålet i Vestland fylkeskommune er nynorsk.<br /><br />Alle nytilsetjingar i Vestland fylkeskommune blir gjort med ei prøvetid på 6 månadar. Den som skal tilsetjast i vidaregåande skule må leggje fram godkjent politiattest.</p><h3>Kontaktinformasjon</h3>Lars Arne Nilssen, avdelingsleiar, 93897988<br />
<h3>Arbeidsstad</h3>Kolskogheiane 14<br />
5210 Os<br />
<h3>Nøkkelinformasjon:</h3>Arbeidsgivar: Vestland fylkeskommune<br />
<br />
Referansenr.: 5006766935<br />
Stillingsprosent: 0%<br />
Vikar<br />
Søknadsfrist: 28.09.2025<br />
<br />


Tilkallingsvikariat som miljøarbeidar/fagarbeidar/miljørettleiar i tilrettelagde grupper hjå Os vgs