Vågå Sokn

Vågå

Erik Lillebråten

Leiar, Vågå kyrkjelege råd

Vågå kyrkjelege råd har ledig stilling som KYRKJETENAR/ KYRKJEGARDSARBEIDAR i Vågå sokn. - 2. gongs utlysing
Du vil ha ei viktig rolle i staben vår, med ei anslått fordeling på omlag 30% kyrkje og 70% kyrkjegard, avhengig av behov og årstider.
Du må like å møte folk i ulike livssituasjonar og samanhengar, og ha evne til å hjelpe og veilede dei besøkjande. Dei som kjem til kyrkja eller kyrkjegarden vår skal oppleve at dei er velkomne, at ein møter dei som kjem med forståelse for det dei står i, anten dei kjem i sorg, undring eller glede.
Du skal ivareta ansvaret for kyrkjerom, inventar og utstyr, samt sørge for at leigetakarar for arrangement overheld retningsliner for bruk av kyrkja. God orden i kyrkja og på kyrkjegarden er viktig.
Arbeidsoppgåver
<ul><li>
Sørge for at kyrkja og kyrkjegarden til ei kvar tid er presentabel.
</li><li>
Hovudansvar for praktisk tilrettelegging i forbindelse med kyrkjelege handlingar og anna aktivitet i kyrkja og på kyrkjegarden.
</li><li>
Du blir kyrkjetenar i alle kyrkjelege handlingar som gravferd, vigsel og gudstenester.
</li><li>
Rapportering.
</li><li>
Ansvar for at brann- og HMS-rutinar blir fulgt. Gjennomføre fastlagte tilsyn og internkontrollar.
</li><li>
Vera del av staben i kyrkja, ved blant anna å delta i møter.
</li></ul>
Kvalifikasjonar/krav
<ul><li>
Du må pårekne arbeid dag, kveld og helg.
</li><li>
I Vågå så er det gudsteneste tre sundagar i månaden og ei frihelg. Enkelte laurdagar i løpet av året, fortrinnsvis om sommaren, er det vigsel. Det er og enkelte konsertar (kveld/ helg). Arbeid på sundagar og heilagdagar blir kompensert med fridag på vekedagar.
</li><li>
Viktig med gode samarbeidsevner, forståelse for kyrkjas verdiar, vera fleksibel, og ha evne til å kunne jobbe både sjølvstendig og i team.
</li><li>
Erfaring med, interesse for praktisk arbeid, enkle vedlikehalds- og reparasjonsarbeid.
</li><li>
Førarkort klasse BE.
</li><li>
Erfaring med minigraver og traktor, samt maskinførarbevis er ein fordel.
</li><li>
Relevant arbeidserfaring og personleg egnethet vil bli tillagt stor vekt.
</li></ul>
Om stillinga elles:
<ul><li>
Ein triveleg arbeidsplass der dei tilsette arbeider for at både kontor og kyrkje skal vera ein god arena for både kyrkjelyden og dei tilsette.
</li><li>
Lønns- og arbeidsvilkår etter gjeldande avtaleverk i Hovedorganisasjonen KA.
</li><li>
Pensjonsordning i KLP med 2 % pensjonstrekk.
</li></ul>
Før tilsetting skal det leggast fram tilfredsstillande politiattest (jf. KL.§29)
Tiltredelse: Snarast mogleg eller etter avtale.
Nærare opplysningar kan rettast til leiar i Vågå kyrkjelege råd/Vågå sokneråd, Erik Lillebråten, på mobil 909 71 257.
Søknad med attester og vitnemål skal sendast til: Vågå kyrkjelege råd, postboks 78, 2684 VÅGÅ - E-post: post.vaga&#64;kyrkja.no
Søknadsfrist: 17. juni 2025

Kyrkjetenar/Kyrkjegardsarbeidar i 100% fast stilling