Universitetet I Tromsø - Norges Arktiske Universitet

Tromsø

Philipp Conzett

førstebibliotekar 

Mariann Løkse

seksjonssjef

<h2>Om stillinga</h2><p>Ved <a href="https://uit.no/ub" rel="nofollow">Universitetsbiblioteket i Tromsø</a>, UiT Noregs arktiske universitet (UB) er det ledig ei mellombels stilling som prosjektmedarbeidar i prosjektet «Next-generation research infrastructure for language and linguistics: TROLLing 2030». </p><p>Tromsø Repository of Language and Linguistics (<a href="https://info.trolling.uit.no/" rel="nofollow">TROLLing</a>) er eit fagspesifikt arkiv for forskingsdata frå lingvistikk og språkfag, tilgjengeleg for forskara verda over. Arkivet blei lansert i 2014 og er gjennom den nasjonale <a href="https://clarin.w.uib.no/" rel="nofollow">CLARINO-noden</a> ein del av den europeiske <a href="https://www.clarin.eu/" rel="nofollow">CLARIN-infrastrukturen</a>. Det overordna målet med TROLLing 2030-prosjektet er å styrkja og vidareutvikla TROLLing, slik at det kan tilby det språkfaglege forskingsmiljøet, både nasjonalt og internasjonalt, eit moderne, påliteleg og fagspesifikt arkiv for forskingsdata. Forankra i <a href="https://uit.no/om/strategi2030" rel="nofollow">Eallju – Drivkraft i nord: UiTs strategi mot 2030</a> og i <a href="https://uit.no/publisering#innhold_887171" rel="nofollow">UiTs overordna politikk for open vitskap</a> er TROLLing eit viktig ledd i UiT sitt strategiske arbeid med å fremja open vitskap og utvikla feltet i nært samarbeid med nasjonale og internasjonale partnarar.</p><p>Den ledige stillinga vil vera ein del av TROLLing 2030-prosjektgruppa ved UiT, som består av tilsette frå UB, Institutt for språk og kultur, og IT-avdelinga. Saman med dei andre medlemene i prosjektgruppa vil prosjektmedarbeidaren ha ei sentral rolle i gjennomføringa av dei fire arbeidspakkane («WP») i prosjektet:</p><ul><li>WP1 Future User Needs Analyses skal sikra at den oppgraderte infrastrukturen dekkjer dei viktigaste behova til sluttbrukarar og støttepersonell.</li><li>WP2 Service Enhancement and Development skal utvikla og forbetra funksjonane i tråd med resultata frå WP1.</li><li>WP3 Engagement and Outreach skal sikra at den nye infrastrukturen får brei aksept og blir teken i bruk i dei relevante brukargruppene.</li><li>WP4 Governance and Sustainability skal sikra at den oppgraderte infrastrukturen blir forvalta og utvikla på ein open, tillitsvekkjande, inkluderande og berekraftig måte.</li></ul><p>Vi søkjer ein resultatorientert og omgjengeleg pådrivar med ambisjonar om å bidra til å vidareutvikla TROLLing til eit påliteleg og framtidsretta arkiv for språkdata i verdsklasse.</p><p><strong>Den ledige stillinga er ei mellombels stilling i 2 år, med moglegheit for forlenging. Ønskt oppstart er januar 2026. Arbeidsstad er UiT i Tromsø.</strong></p><br /><h2>Arbeidsoppgåver</h2><p><strong>Arbeidsoppgåver kan til dømes vera:</strong></p><ul><li>kartlegging og analyse av brukarbehov og relevante krav, standardar og tilrådingar</li><li>utforming av krav- og behovsbeskrivingar og tekniske kravspesifikasjonar</li><li>utvikling og validering av testmetodar, (prototype)modellar</li><li>utvikling og oppdatering av forvaltningsmodellar, policyar, retningsliner og andre rettleiings- og informasjonsressursar på nettsider og andre kanalar</li><li>involvering av og samarbeid med forskingsmiljø</li><li>utvikling og oppdatering av opplærings- og rettleiingsressursar</li><li>førebuing, gjennomføring og evaluering av opplæringsøkter for støttepersonell og forskarar</li><li>formidling og promotering av prosjektaktivitetar og -resultat</li><li>administrative prosjektoppgåver</li></ul><p>Stillinga er plassert på Avdeling for forskings- og utdanningsstøtte. </p><p>Universitetsbiblioteket er i stadig utvikling og arbeidsoppgåver og/eller ansvarsområde og organisasjonstilhøyrsle vil kunna endra seg over tid. Dette stiller store krav til omstilling. Den som blir tilsett, må vera villig til å tilpassa seg slike endringar.</p><br /><h2>Kvalifikasjonar</h2><p><strong>Nødvendige kvalifikasjonar</strong></p><ul><li>høgare utdanning på minimum masternivå</li><li>gode digitale kunnskapar og dugleikar. Vi ber søkjar om å beskriva sin digitale kompetanse i søknadsbrevet.</li><li>erfaring frå prosjektarbeid</li><li>god munnleg og skriftleg framstillingsevne på norsk eller eit anna skandinavisk språk og på engelsk</li></ul><p><strong>Ønskte kvalifikasjonar</strong></p><ul><li>bakgrunn frå språkvitskap</li><li>erfaring frå drift og utvikling av forskingsdataarkiv eller liknande støttetenester for forskingsdatahandtering</li><li>erfaring frå forskingsarbeid</li><li>erfaring frå formidling og undervisning/opplæring innan høgare utdanning</li></ul><p><strong>Ønskte eigenskapar</strong></p><p>I vurderinga av søkjarane vil vi vektleggja i kva grad dei er motiverte og personleg skikka til stillinga. Vi søkjer kandidatar som</p><ul><li>jobbar strukturert og sjølvstendig og er løysings- og resultatorienterte</li><li>har gode samarbeidsevner og kommuniserer og samhandlar godt med kollegaer og andre prosjektdeltakarar og sluttbrukarar frå ulike land og med ulik bakgrunn</li><li>set seg raskt inn i nye oppgåver</li><li>er positive og bidreg til eit godt arbeidsmiljø</li></ul><br /><h2>Vi tilbyr</h2><ul><li>eit uformelt og godt arbeidsmiljø med dedikerte kollegaer</li><li>gode moglegheiter for fagleg utvikling</li><li>fleksibel arbeidstid</li><li>gode pensjons-, forsikrings-, og låneordningar i Statens pensjonskasse</li><li>gode velferdsordningar, t.d. trening i arbeidstida</li><li>nødvendig opplæring</li></ul><p>Stillinga blir lønt som rådgjevar (kode 1434) eller seniorrådgjevar (kode 1364) etter statens lønnsregulativ avhengig av kvalifikasjonar. Frå bruttolønn blir det trekt 2 % pliktig innskot til Statens pensjonskasse.</p><p>Du vil bli medlem i Statens pensjonskasse, som gir deg mange gode fordelar i tillegg til livsvarig alderspensjon og AFP. Les meir om tilsettgoda dine på <a href="http://spk.no/medlemskap-i-spk" rel="nofollow">spk.no</a>.</p><br /><h2>Søknaden</h2><p>Send søknad elektronisk på søknadsskjema. Søknaden skal innehalde:</p><ul><li>søknadsbrev</li><li>CV (fullstendig oversikt over utdanning, praksis og fagleg arbeid)</li><li>vitnemål og attestar</li><li>dokumentasjon på formell kompetanse</li><li>dokumentasjon på språkdugleikar</li><li>2-3 referansar med kontaktinformasjon</li></ul><p>All dokumentasjon som skal vurderast må vere på eit skandinavisk språk eller engelsk.</p><br /><h2>Inkluderande arbeidsliv og mangfald</h2><p>UiT Noregs arktiske universitet har eit personalpolitisk mål om å vera ein arbeidsgjevar som speglar att mangfaldet i samfunnet og som tek i bruk potensialet i den samla kompetansen til befolkninga. Vi meiner at inkludering og mangfald er ein styrke og ønskjer oss medarbeidarar med ulik kompetanse, fagkombinasjonar, livserfaring og perspektiv.</p> <p>Har du funksjonsnedsetjing, hòl i CV-en eller innvandrarbakgrunn, oppmodar vi deg som søkjar til å kryssa av for dette i jobbsøkjarportalen. Er det kvalifiserte søkjarar, kallar vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velja ut riktige kandidatar bruker vi ikkje avkryssingane til noko anna enn anonymisert statistikk. Les meir i <a href="https://arbeidsgiver.difi.no/positivsaerbehandling" rel="nofollow">Statens arbeidsgiverportal</a>.</p><br /><h2>Generelle opplysningar</h2><p>Tilsetjinga skjer i samsvar med reglar og vilkår som til ei kvar tid gjeld for statstilsette, og retningsliner ved UiT. På nettsidene våre finn du meir <a href="https://uit.no/om/jobbeveduit" rel="nofollow">informasjon for søkjarar til stillingar ved UiT</a>. </p><p><strong>Mellombels engasjerte </strong>eller vikarar som har vore samanhengande tilsett ved UiT over tre år, skal reknast som fast tilsette; jf. <a href="https://lovdata.no/lov/2017-06-16-67/§9" rel="nofollow">statsansatteloven, § 9</a> (3). </p> <p>Ved UiT legg vi vekt på mangfald og oppmodar difor kvalifiserte søkjarar til å søkja utan omsyn til alder, kjønn, funksjonsevne, nasjonal eller etnisk bakgrunn og personar som har stått utanfor arbeid og utdanning i ein lengre periode (hòl i CV-en). </p><p>UiT legg vekt på å leggja til rette arbeidsforholda for tilsette med redusert funksjonsevne. Førespurnader om korleis arbeidsmiljøet er tilrettelagt, helseteneste, høve for fleksitid, deltid o.l. kan rettast til kontaktperson for stillinga. </p><p>Personopplysningar som søkjar fører opp, blir behandla i samsvar med lov om behandling av personopplysningar. Søkjarar kan be om å ikkje bli oppført på den offentlege søkjarlista, men universitetet kan likevel vedta at namnet på søkjaren skal offentleggjerast. Søkjaren vil då bli varsla før offentleggjering. </p><br />

Toårig prosjektstilling - «Next-generation research infrastructure for language and linguistics:»