Universitetet i Oslo

Oslo

Dordi Stavik

HR-rådgivar

Jostein Peter Eikrem Koløen

Administrativ studieleiar

<h2>Om stillinga og instituttet</h2><p>Det samfunnsvitskaplege fakultet, Psykologisk institutt, søkjer ein ryddig, nøyaktig og omgjengeleg eksamenskonsulent i fast stilling som Førstekonsulent SKO 1408 / Seniorkonsulent SKO 1363. Den som blir tilsett vil få ansvaret for eksamensadministrasjon knytt til bachelor- og masterprogramma innan psykologi. </p><p>Stillinga vil inngå i instituttet si studieavdeling med 10 dyktige tilsette og føreset tett samarbeid om eksamensavvikling med emneansvarlege, programleiing og administrasjon ved både institutt og fakultet. Studieavdelinga jobbar med eit breitt spenn av oppgåver innanfor studiefeltet, har tidvis høgt tempo, eit kjekt arbeidsmiljø og god samarbeidskultur. </p> <p><strong>Meir om Psykologisk institutt (PSI)</strong></p><p>Psykologisk institutt har høg aktivitet og er Norge sitt høgast rangerte miljø for psykologi. Våre forskarar hevdar seg med fagleg sterke forskingsmiljø med høg søknadsaktivitet og ein innhaldsrik prosjektportefølje inkludert fleire ERC-prosjekt. Instituttet har stor aktivitet og eit internasjonalt miljø som stiller høge krav til vår administrasjon. Studietilbodet er eit av Noreg sine mest populære og omfattar nær 2000 studentar fordelt på bachelorprogram, masterprogram og årseining i psykologi, profesjonsstudiet i psykologi, i tillegg til forskarutdanninga (Ph.d.-grad), etter- og vidareutdanningstilbod. <br /> </p><br /><h2>Arbeidsoppgåver</h2><ul><li>Sakshandsamingsoppgåver knytt til eksamen på bachelor- og masterprogrammet i psykologi, inkludert registrering av eksamensresultat og obligatorisk aktivitet, klagebehandling, plagiatkontroll og oppfølging ved mistanke om fusk. </li><li>Eksamensplanlegging for fellesemne, årseining, bachelor- og masterprogram.</li><li>Organisering av seminar på innføringsemne, manuell oppmelding og søknader om seminarbytter i samarbeid med studiekonsulent.</li><li>Tilrettelegging i studiekvardagen og bistand med tildeling av rettleiarar på masterprogrammet. </li><li>Registrering av timerekneskap og oppretting av oppdragskontrakt.</li><li>Noko rettleiing av studentar.<br /> </li></ul><p>Andre oppgåver kan bli lagt til stillinga dersom omsynet til instituttet si verksemd tilseier dette. Vi ynskjer difor en person som er fleksibel og løysningsorientert som kan hjelpe til med å løyse instituttets oppgåver når det trengs. Ved tilsetting som seniorkonsulent vil ein til stillinga kunne leggja til oppgåver som krever større grad av sjølvstende samt noe utviklings- og koordinerande oppgåver. </p><br /><h2> Kvalifikasjonar</h2><p><strong>Nødvendige kvalifikasjonar:</strong></p><ul><li>Høgare utdanning på minimum bachelornivå. Dokumentert relevant realkompetanse for dei aktuelle oppgåvene kan i særskilte tilfelle kompensere for utdanningskravet.</li><li>Gode IT-kunnskapar og evne til ta i bruk nye digitale verktøy og system.</li><li>Relevant erfaring med administrative arbeidsoppgåver. </li><li>God skriftleg og munnleg framstillingsevne på norsk og engelsk.<br /> </li></ul> <p><strong>Kompetanse og erfaring som vil vere ein fordel:</strong></p><ul><li>Erfaring frå offentleg forvalting, særleg frå UH-sektoren.</li><li>Kjennskap til lover og regelverk for høgare utdanning.</li><li>Erfaring med relevante system og arbeidsverktøy, mellom anna Felles Studentsystem (FS), EpN, Inspera, TP, DFØ, arkivsystem m.m.<br /> </li></ul><br /><h2>Personlege eigenskapar</h2><ul><li>Du er strukturert, nøyaktig og har god gjennomføringsevne.</li><li>Du er flink til å planlegge og kan handtere perioder med høgt arbeidspress.</li><li>Du er god til å samarbeide, er serviceinnstilt og profesjonell i din kommunikasjon med ulike aktørar.</li><li>Det vil bli lagt vekt på at ein er personleg eigna til stillinga<br /> </li></ul><p>Stillinga får hovudansvar for gjennomføring av eksamen på bachelor- og masterprogrammet ved instituttet og vi ser derfor etter ein serviceinnstilt, nøyaktig og sjølvgåande kollega.</p><p>Tilsetjing i stillinga bygger på ei samla vurdering av alle kvalifikasjonskrav som ligg til utlysinga og det vil bli lagt vekt på at personen er eigna og motivert for stillinga ved vurdering av søkjarane.</p><p>Plassering i stilling som seniorkonsulent eller førstekonsulent avheng av kompetanse og erfaring. For å tilsettast som seniorkonsulent krevst det meir relevant erfaring og særlig spisskompetanse tilpassa stillingas funksjoner. </p><br /><h2>Vi treng ulike perspektiv i arbeidet vårt</h2><p>UiO er eit ope og internasjonalt breiddeuniversitet, og ønskjer å vere ein inkluderande og mangfaldig arbeidsplass og studiestad. Les meir om UiOs arbeid for likestilling, inkludering og mangfald på <a href="https://www.uio.no/om/strategi/likestilling/" rel="nofollow">uio.no</a>.</p><p>Vi løyser samfunnsoppdraget vårt best når vi tek i bruk dei ulike erfaringane, bakgrunnane og perspektiva våre. Vi ønskjer oss fleire gode kollegaer – kanskje den neste er deg?</p><p>Vi vil leggje til rette dersom du har behov for det. Aktuell tilrettelegging kan til dømes vere endring av arbeidstid, tilpassing av arbeidsoppgåver, digital, teknisk eller fysisk tilrettelegging, eller andre praktiske tilpassingar.</p> <p>Har du innvandrarbakgrunn, funksjonsnedsetjing eller hol i CV-en, oppmodar vi deg til å krysse av for dette i jobbsøkarportalen. Vi kallar alltid inn minst éin kvalifisert søkjar frå kvar gruppe til intervju. Med funksjonsnedsetjing meiner vi her ein søkjar som oppgjer å ha ei funksjonsnedsetjing som vil medføre tilrettelegging på arbeidsplassen eller i arbeidsforholdet. Les meir om krava på <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">Arbeidsgivarportalen</a>. </p><p>Avkryssingane i jobbsøkarportalen blir brukte til anonymisert statistikk som alle statlege verksemder rapporterer i årsrapportane sine.</p><p>Vi håpar du søkjer på stillinga hos oss.</p><br /><h2>Kvifor skal du velje oss?</h2><ul><li>Spennande og meiningsfulle arbeidsoppgåver i ei verksemd med eit viktig samfunnsoppdrag, som bidreg til kunnskapsutvikling, utdanning og opplysing som fremjar ei berekraftig, rettferdig og kunnskapsbasert samfunnsutvikling.</li><li>Ein spanande arbeidsplass med hyggelege kollegaer, både administrativt og vitskapleg tilsette </li><li>Gode <a href="https://www.uio.no/for-ansatte/ansettelsesforhold/ansattgoder/" rel="nofollow">velferdsordningar.</a></li><li>Moglegheit for inntil 1,5 time i veka med <a href="https://www.uio.no/for-ansatte/ansettelsesforhold/ansattgoder/trening/" rel="nofollow">trening i arbeidstida.</a></li><li>Ein arbeidsplass med gode utviklings- og karrieremoglegheiter.</li><li>Medlemskap i <a href="https://www.spk.no/" rel="nofollow">Statens Pensjonskasse</a>, som er ein av Noregs beste pensjonsordningar med gunstige bustadlån og gode forsikringsordningar.</li><li>Lønn som førstekonsulent, stillingskode 1408 i lønnsspenn fra kr 540 000 - 610 000/Seniorkonsulent stillingskode 1363 i lønnsspenn frå kr. 590.000 - 670.000, avhengig av kompetanse og erfaring. Frå lønna vert det trekt 2 prosent i lovfesta innskot til Statens Pensjonskasse.</li></ul><p>Les meir om fordelane med å jobbe i staten i <a href="http://arbeidsgiver.difi.no/lonn-goder-og-reise" rel="nofollow">Arbeidsgjevarportalen.</a></p><br /><h2>Søknad</h2><p>Søknaden skal innehalde:</p><ul><li>Fullstendige svar på screeningspørsmåla</li><li>CV</li><li>Vitnemål og attestar</li><li>Kontaktinformasjon til 2-3 referansar</li></ul><p>Søknad med vedlegg må sendast inn via vårt rekrutteringssystem Jobbnorge, klikk “Søk stillinga”.</p><p>Vi gjer merksem på at vi ikkje ber om at du leverer eit søknadsbrev, men vi tek i bruk screeningspørsmål, og svara på desse vil bli en del av vurderinga av kandidatane.</p><p>Når du søker på stillinga, ber vi deg hente utdanningsresultata dine frå <a href="https://www.vitnemalsportalen.no/" rel="nofollow">Vitnemålsportalen.no</a>. Om utdanningsresultata dine ikkje er tilgjengelege via Vitnemålsportalen, ber vi deg laste opp kopiar av vitnemåla eller karakterutskriftene dine. All dokumentasjon må vere på engelsk eller eit skandinavisk språk.</p><br /><h2>Generell informasjon</h2><p>Aktuelle søkjarar vil bli invitert til intervju.</p><p>Søkerlister kan bli offentleggjort iht. <a href="https://lovdata.no/dokument/LTI/lov/2006-05-19-16" rel="nofollow">Offentleglova</a> § 25 andre ledd. Når du søker jobb hos oss, vil namnet ditt stå på den offentlege søkarlista. Det er mogleg å be om å bli unntatt denne lista. Du må grunngje kvifor du ønskjer unntak frå offentleggjering, og vi tek deretter stilling til om vi kan innvilge ønsket ditt. Kan vi ikkje det, vil du høyre frå oss.</p><br />

Eksamenskonsulent ved Psykologisk institutt