Universitetet I Bergen

Bergen

<h2>Kunnskap som formar samfunnet</h2><p>Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.</p><p>Vil du vere med å forme framtida?</p>. Video: https://www.youtube.com/watch?v&#61;M5n6RnScNgA<br /><h2>Jurist (rådgjevar) </h2><p>Er du ein samfunnsengasjert jurist med interesse for høgre utdanning og forvaltningsrett?</p><p>Bli ein del av vårt tverrfagleg miljø som jobbar for å utdanne framtidas juristar. Vi tilbyr eit inkluderande arbeidsmiljø med gode utviklingsmoglegheiter.</p><p>Ved Det juridiske fakultet er det ledig eit vikariat i 100 % stilling som jurist (rådgjevar) med oppstart så snart som mogleg og varigheit ut august 2026, med høve til forlenging.</p><p>Som ein av to juristar i studieseksjonen vil du vere ein nøkkelperson i saksbehandling av studiesaker, førebu saker til klagenemnda, rettleie studentar og bidra i vidareutvikling av regelverk og rutinar. </p><p>Du blir del av eit engasjert og kompetent team som legg til rette for eit godt studieløp for studentane og bidrar til å ivareta fakultetet sitt samfunnsoppdrag. Vi er stolte av studiet fakultetet tilbyr, og masterprogrammet i rettsvitskap har vunne fleire prisar. Som ledd i det kontinuerlege kvalitetsarbeidet implementerte vi ny studieordning i 2021, og prosessen held fram ut vårsemesteret 2026. </p><br /><h2>Arbeidsoppgåver</h2><ul><li>Tolking av regelverk, utforming av nye reglar og juridisk kvalitetssikring av enkeltsaker</li><li>Fatte enkeltvedtak i ei rekke ulike typar studiesaker</li><li>Rettleie studentar, følgje opp studentar med behov for tilrettelegging og bidra i utviklinga av studentane sitt læringsmiljø</li><li>Førebu og skrive klagesaker</li><li>Gjere utgreiingar sjølvstendig og i team</li><li>Skrive saksframstillingar til utval og styret ved fakultetet</li><li>Bidra i arbeidet med å utvikle studieordninga for masterprogramma i rettsvitskap</li><li>Rettleie kollegaer i deira saksbehandling og gi dei juridisk støtte</li></ul><p>Vi ønskjer ein person som bidrar positivt i både det faglege og det sosiale fellesskapet. I samarbeid med dyktige kollegaer har du ei viktig rolle i arbeidet med å vidareutvikle utdanningsverksemda og å forbetre og effektivisere interne prosessar og rutinar. Du vil også ha kontakt med juristar og andre som arbeider med studiesaker og tilgrensande rettsområde andre stader ved UiB og nasjonalt.   </p><p>Alle tilsette i administrasjonen vil, i tillegg til spesifikke funksjonar lagt til kvar stilling, måtte ta del i andre administrative oppgåver. </p><br /><h2>Kvalifikasjonar og eigenskapar</h2><ul><li>Master i rettsvitskap </li><li>Solid juridisk vurderingsevne og god rettsleg forståing, særleg innanfor forvaltningsrett</li><li>Relevant erfaring er ein føremon</li><li>God skriftleg og munnleg formuleringsevne på norsk (begge målformer) og engelsk</li><li>Generelt god IT-kompetanse</li><li>Ansvarsbevisst, analytisk, effektiv, fleksibel og god gjennomføringsevne</li><li>Evne til å arbeide sjølvstendig, prioritere mellom oppgåver og trivst med å halde orden på parallelle arbeidsprosessar</li><li><p>Gode kommunikasjons- og samarbeidsevner </p><p>Vi legg særskild vekt på relevant erfaring og personlege eigenskapar som er naudsynte for stillinga. </p></li></ul><br /><h2>Vi kan tilby</h2><ul><li>Sjølvstendig ansvar og varierte og utfordrande oppgåver</li><li>Hyggelege, engasjerte og dyktige kollegaer og eit godt og inkluderande arbeidsmiljø</li><li>Fleksibel arbeidstid og <a href="https://www.uib.no/foransatte/17399/velferd" rel="nofollow">gode velferdsordningar</a>, mellom anna trening i arbeidstida</li><li>Stillingskategori som rådgjevar 1434 </li><li>Løn kr. 600 000 – 670 000 per år før skatt avhengig av tenesteansiennitet og kvalifikasjonar. For særleg godt kvalifiserte søkjarar kan ein vurdere høgare løn </li></ul><br /><h2>Generell informasjon</h2><p>Aktuelle kandidatar vil bli kontakta i starten av veke 33, og vi planlegg å gjennomføre førstegangsintervju i løpet av same veke. </p><p>Utfyllande opplysningar om stillinga får du ved å vende deg til assisterande fakultetsdirektør og leiar for studieseksjonen Christine Stoltz Olsvik, tlf. 911 47 401, e-post: <a href="mailto:christine.olsvik&#64;uib.no" rel="nofollow">christine.olsvik&#64;uib.no</a></p><p>Velkommen som søkjar!</p><p>Den som blir tilsett må rette seg etter dei retningslinjene som til ei kvar tid gjeld for stillinga og vere førebudd på at arbeidsoppgåver kan bli endra over tid.</p> <p>Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetjing. Personar med innvandrarbakgrunn og personar med nedsett funksjonsevne blir oppmoda om å søkje stillinga.</p><p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.</p><p>Søknad og CV skal sendast digitalt via lenka ”Søk stillinga”. </p><p>Nærare informasjon om tilsettingsprosessen finn du <a href="http://www.uib.no/poa/74251/tilsettingsprosessen" rel="nofollow">her</a>. </p><p>Søknadsfrist 10.08.2025</p><br />

Jurist (rådgjevar) ved Det juridiske fakultet