Universitetet I Bergen

Bergen

Gustav Kvaal 

Fungerande instituttleiar

<h2>UiB - Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p>Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Universitetslektor</h2><p>Ved Institutt for design er det ledig ei 20 % åremålsstilling/ekstraerverv i fire år som universitetslektor i interiørarkitektur.Tilsetjing etter avtale.</p><br /><h2>Arbeidsoppgåver:</h2><p>Vi søker ein universitetslektor i interiørarkitektur for undervisning og rettleiing innan fagområdet. Den ideelle kandidaten har brei erfaring som interiørarkitekt, med prosjekt i ulike skalaer. God innsikt i bruk av programvare for teikning, visualisering og prosjektering er ein føresetnad. Erfaring med rettleiing og undervising på universitetsnivå er ynskjeleg. Vi søker en kandidat som kan undervise primært på BA-nivå.</p><p>Interiørarkitektur som fagfelt er i spennande utvikling og vi søker ein kandidat som kan inspirere studentane til å utforske fagfeltets grenser, samtidig som kandidaten kan tilføre studentane fagleg kjernekompetanse innan materialkunnskap, ferdigheiter innan programvare, samt forståing for prosjektering og dei ulike fasane i eit byggeprosjekt. </p><ul><li>Undervisningsoppgåver hovudsakleg på BA-nivå</li><li>Rettleiing av praksis og oppgåver hovudsakleg på BA-nivå</li></ul><p>Arbeidsstad for stillinga er på campus i Bergen, og det vert forventa jamleg nærvær etter nærare avtale med instituttleiar.</p><br /><h2>Kvalifikasjonskrav:</h2><ul><li>Søkjarar må ha oppnådd mastergrad eller tilsvarande i interiørarkitektur. Mastergrad må vere oppnådd ved søknadsfrist.</li><li>Søkjarar må kunne vise til designpraksis og relevant erfaring.</li><li>Søkjar må ha dokumentert erfaring og kompetanse frå prosjekt i ulik skala innan interiørarkitektur.</li><li>Søkjar bør ha erfaring med og kunne undervise i programvare relevant for fagfeltet blant anna Archicad.</li><li>Det er eit ønskje at søkjar har relevant undervisningserfaring, samt engasjement og interesse for undervisning.</li><li>Det er ønskeleg at søkjar har administrativ erfaring, samt erfaring med formidling av designpraksis i offentlege eller faglege kontekstar.</li><li>Det vert lagt vekt på dokumentert vilje og evne til samarbeid</li><li>Personlege eigenskapar vil bli vektlagt.</li></ul><p>Undervisningsspråket er i hovudsak norsk. Det blir kravd at den som blir tilsett har ferdigheiter i norsk eller eit anna skandinavisk språk på nivå B2 ved tilsetjing.</p><p>Dei best kvalifiserte søkarane vil bli kalla inn til intervju med ei intern intervjugruppe, og for å halde ei open prøveførelesning for instituttet sin stab og studentar. </p><br /><h2>Vi kan tilby:</h2><ul><li>Spennande og utviklande arbeidsoppgåver i et sterkt fagmiljø</li><li>Faglege utfordringar med gode høve for personleg utvikling og kompetanseutvikling</li><li>Stilling som universitetslektor (kode 1009) vert løna med årsløn tilsvarande 625 500– 690 000 kr i 100% stilling. Det vert trekt 2 % pensjonsinnskot til Statens pensjonskasse. For særleg kvalifisert søkjar kan det bli aktuelt å vurdere høgare løn.</li><li>Medlemsskap i Statens pensjonskasse </li><li>Gode <a href="https://www.uib.no/foransatte/17399/velferd" rel="nofollow">velferdsordningar</a></li></ul><br /><h2>Søknaden skal innehalde:</h2><ul><li>Ei kort utgreiing om søkjaren sin motivasjon for å søkje stillinga</li><li>CV</li><li>Vitnemål, attestar og pedagogiske kvalifikasjonar, inkl. dokumentasjon på oppnådd mastergrad.</li><li>Materiale som dokumenterer kunstnarleg utviklingsarbeid og/eller designfagleg verksemd.</li><li>Liste over kunstnarlege/designfaglege produksjonar som har relevans for stillinga.</li></ul><p>NB. Søknader vil bli vurderte basert på informasjonen som er tilgjengeleg i JobbNorge når søknadsfristen går ut. Dersom originale dokument ikkje er på engelsk eller eit skandinavisk språk, må stadfesta omsetjingar bli lagt ved på eitt av desse språka.<br />Søkjaren har sjølv ansvaret for å sjå til at all informasjon er lasta opp før fristen.</p><br /><h2>Generell informasjon:</h2><p>Utfyllande opplysningar om stillinga kan ein få ved å vende seg til: Fungerande instituttleiar Gustav Kvaal, e-post: <a href="mailto:gustav.kvaal&#64;uib.no" rel="nofollow">gustav.kvaal&#64;uib.no</a></p><p>For tekniske spørsmål knytt til søknadsprosessen ta kontakt med HRved KMD på <a href="mailto:hrkmd&#64;uib.no" rel="nofollow">hrkmd&#64;uib.no</a>. </p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.<strong> </strong></p> <p>Universitetet i Bergen nyttar meirinnsyn ved tilsetjing i vitskaplege stillingar.</p><p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.</p><br />

Universitetslektor II i interiørarkitektur (20 %) ved Institutt for design