Universitetet I Bergen

Bergen

HR/KMD

Gustav Kvaal

Fungerande instituttleiar

<h2>UiB - Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p>Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Universitetslektor</h2><p>Ved Institutt for design, Fakultet for kunst, musikk og design er det ledig ei åremålsstilling for 6 år som universitetslektor (50 %) i visuell kommunikasjon, med vekt på typografi og programvare. Tilsetjing er ønska så snart som mogleg. </p><br /><h2>Arbeidsoppgåver:</h2><p>Vi søkjer etter ein universitetslektor som kan undervise i visuell kommunikasjon hovudsakleg på bachelornivå, med moglegheit for å bidra på masternivå. Den ideelle søkjaren er ein god formidlar og har god kunnskap og kompetanse i både analoge og digitale verktøy. Det kan også bli aktuelt med emneansvar og programvareundervisning, samt vere med å bidra til å sikre kvalitet innen relevant software for fagområdet.</p><ul><li>Undervisning, rettleiing og eksamensarbeid hovudsakleg på BA-nivå, evt. også MA-nivå.</li><li>Bidra til å utvikle og styrke typografiens rolle i visuell kommunikasjon, i tett samarbeid med fagmiljøet.</li><li>Organisere og legge til rette for undervisning og faglege aktivitetar i samarbeid med fagstab. </li><li>Studentrekruttering og opptaksarbeid.</li><li>Styrke fagfeltets relevans og posisjon. </li></ul><p>Arbeidsstad for stillinga er på campus i Bergen, og det vert forventa jamleg nærvær etter nærare avtale med instituttleiar.</p><br /><h2>Kvalifikasjonar og eigenskapar:</h2><ul><li>Søkjarar må ha oppnådd mastergrad eller tilsvarande i visuell kommunikasjon. Mastergrad må vere oppnådd ved søknadsfrist.</li><li>Søkjaren må ha høg kompetanse innan typografi, og erfaring frå arbeid innan redaksjonell design og/eller visuell identitet.</li><li>Søkjaren må ha erfaring med skriftdesign/font-system, webdesign og/eller web-programmering</li><li>Søkjarar må kunne dokumentere designfagleg praksis av eit visst omfang og nivå. </li><li>Søkjarar med brei visuell og konseptuell kompetanse, og god evne til kontekstualisering vil bli prioriterte. </li><li><a href="https://regler.app.uib.no/regler/Del-3-Personal-og-HMS/3.1-Personalforvaltning/3.1.2-Regler-om-tilsetting/Regler-for-vurdering-av-utdanningsfaglig-kompetanse-ved-UiB/#universitetslektor" rel="nofollow">Pedagogisk basiskompetanse</a> er eit krav, men den som vert tilsett vil få tilbod om opplæring dersom kravet ikkje er oppfylt før tilsetjing.</li><li>Det er eit ønskje at søkjar har relevant undervisningserfaring, samt engasjement og interesse for undervisning.</li><li>Det er eit ønskje at søkjar har administrativ erfaring, samt erfaring med formidling av kunstnarisk/designfagleg praksis i offentlege eller faglege kontekstar.</li><li>Gode samarbeidsevner, med vekt på dialog og inkluderande fagleg kommunikasjon.</li><li>Evne til å arbeide sjølvstendig og strukturert, vere ansvarsfull, fleksibel og imøtekomande.</li><li>Personlege eigenskapar vil bli vektlagt.</li></ul><p> Undervisningsspråket er i hovudsak norsk. Det blir kravd at den som blir tilsett har ferdigheiter i norsk eller eit anna skandinavisk språk på nivå B2 ved tilsetjing.</p><p> Den faglege kompetansen vil bli vurdert av ein fagleg vurderingskomité. Dei best kvalifiserte søkarane vil bli kalla inn til intervju med ei intern intervjugruppe, og for å halde ei open prøveførelesning for instituttet sin stab og studentar. </p><br /><h2>Vi tilbyr:</h2><ul><li>Spennande og utviklande arbeidsoppgåver i eit sterkt fagmiljø.</li><li>Faglege utfordringar med gode høve for personleg utvikling og kompetanseutvikling.</li><li>Stilling som universitetslektor (kode 1009) vert løna med årsløn tilsvarande 625 500 – 690 000kr i 100% stilling. Det vert trekt 2 % pensjonsinnskot til Statens pensjonskasse. For særleg kvalifiserte søkjarar kan det bli aktuelt å vurdere høgare løn.</li><li>Medlemsskap i Statens pensjonskasse </li><li>Gode <a href="https://www.uib.no/foransatte/17399/velferd" rel="nofollow">velferdsordningar</a></li></ul><br /><h2>Søknaden skal innehalde:</h2><ul><li>Ei kort utgreiing om søkjaren sin motivasjon for å søkje stillinga</li><li>CV.</li><li>Vitnemål, attestar og pedagogiske kvalifikasjonar, inkl. dokumentasjon på oppnådd mastergrad.</li><li>Materiale som dokumenterer kunstnarleg utviklingsarbeid og/eller designfagleg verksemd.</li><li>Liste over designfaglege produksjonar som har relevans for stillinga.</li></ul><p>Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge. Dokumentasjon som ikkje er lasta opp ved søknadsfrist vert ikkje vurdert. </p><br /><h2>Generell informasjon:</h2><p>Utfyllande opplysningar om stillinga kan ein få ved å vende seg til: Fungerande instituttleiar Gustav Kvaal, tlf.: &#43;47 93861689 , e-post: gustav.kvaal&#64;uib.no.</p><p>For tekniske spørsmål knytt til søknadsprosessen ta kontakt med HR ved KMD på <a href="mailto:hrkmd&#64;uib.no" rel="nofollow">hrkmd&#64;uib.no</a>. </p><p> </p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p> <p>Universitetet i Bergen nyttar meirinnsyn ved tilsetjing i vitskaplege stillingar.</p><p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.</p><br />

Universitetslektor (50 %) i visuell kommunikasjon ved Institutt for design