Universitetet I Bergen

Bergen

<h3 class="navds-heading navds-heading--small navds-typo--spacing">UiB - Kunnskap som formar samfunnet</h3><p>Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.</p><p>Vil du vere med å forme framtida?</p>. Video: https://youtu.be/M5n6RnScNgA<br><h3 class="navds-heading navds-heading--small navds-typo--spacing">Stipendiat i standardisering av programmeringsspråk</h3><p>Ved <a href="https://www.uib.no/ii" rel="nofollow">Institutt for informatikk</a> er det ledig ei stilling som ph.d.-stipendiat i standardisering av programmeringsspråk. Stillinga er for ein åremålsperiode på tre år, med høve til eit fjerde år som består av karrierefremmande arbeid (til dømes undervisning). Stillinga er finansiert av Universitetet i Bergen.</p><br><h3 class="navds-heading navds-heading--small navds-typo--spacing">Om prosjektet/arbeidsoppgåver</h3><p>Den rette kandidaten skal arbeide med utforming og implementering av eit verktøy for språkutvikling som støttar spesifikasjon og vidareutvikling av større programmeringsspråk. Verktøyet skal leggje til rette for ulike aspekt ved språkutvikling, som utarbeiding og vedlikehald av formelle spesifikasjonar, validering og vidareutvikling av grammatikk, samt betre navigasjon i spesifikasjonsdokument. Kandidaten vil vere involvert i både den konseptuelle utforminga og den tekniske realiseringa av desse funksjonalitetane.</p><p>Alle tilsette vert forventa å bidra til framifrå forsking og undervisning av høg internasjonal kvalitet. Alle stipendiatar ved instituttet vert medlem av <a href="https://www.uib.no/ii/62786/forskerskole-i-ikt" rel="nofollow">forskarskulen vår i IKT</a> som gjev moglegheit å treffe stipendiatar på tvers av forskingsretningane. Skulen har årlege samlingar, månadlege lunsjar og tilbod om kurs innan vitskapeleg skriving og søknadsskriving. I tillegg til å arbeide mot å oppnå ph.d.-graden i løpet av tilsetjingsperioden, kan du bidra innan undervisning, formidling og andre oppgåver for instituttet i 25% av arbeidstida di som eit<br>karrierefremjande tiltak.</p><br><h3 class="navds-heading navds-heading--small navds-typo--spacing">&nbsp;Kvalifikasjonar og eigenskapar</h3><ul><li>Søkjarar må ha oppnådd mastergrad eller tilsvarande utdanning i informatikk. Masterstudentar kan søkje dersom dei fullførar den endelege mastereksamen før 31.12.2025. Det er ein føresetnad at mastergraden er oppnådd før tilsetjing kan skje.</li><li>Praktisk erfaring med å bruke språkutviklingsverktøy (f. eks. JetBrains MPS, Langium, Xtext) er eit krav</li><li>Erfaring med formelle grammatikker og parsingsmetodar er eit krav. Dette kravet kan mellom anna fyllast ved at søkjarar har tatt emnar som dekker dette i løpet av studiet.</li><li>Gode programmeringsferdigheiter (for eksempel i Python, Java og JavaScript) og praksis i programvareutvikling er eit krav.</li><li>Kjennskap til spesifikasjonar for reelle programmeringsspråk og analyse av desse er ein fordel.</li><li>Erfaring med programmeringsspråket Scala er ein fordel.</li><li>Interesse for språk-teori, språkutforming og standardisering av programmeringsspråk er ein fordel.</li><li>Søkjarar må kunne arbeide sjølvstendig og strukturert og ha gode samarbeidsevner.</li><li>Søkjarar må ha gode skriftlege og munnlege engelskkunnskapar</li></ul><p>Personlege og mellommenneskelege eigenskapar vil bli lagt vekt på. Ambisjonar og potensial vil også telje ved vurdering av kandidatane.<br>&nbsp;</p><p><strong>Særeigne krav for stillinga</strong><br>UiB er underlagd regelverket for eksportkontroll og regelverket gjeld ved behandling av søknadar til stillinga.</p><br><h3 class="navds-heading navds-heading--small navds-typo--spacing">For stillinga gjeldt følgande</h3><p><strong>Om stipendiatstillinga: </strong>Samla stipendperiode er 3 år, med høve til eit 4. år som består av karrierefremmande arbeid (til dømes undervisning) fordelt med 25 % over tilsetjingsperioden. Dette avheng av kandidaten sine kvalifikasjonar og instituttet sitt behov for undervisning, og vert avgjort av instituttleiar ved tilsetjing. Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden.</p><p><strong>Om forskarutdanninga:</strong>&nbsp;Som ph.d. stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Frist for å søkje om opptak til ph.d.-programmet ved Fakultet for naturvitenskap og teknologi er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du fyller<a href="http://www.uib.no/matnat/52560/opptak-til-forskerutdanningen-ved-det-matematisk-naturvitenskapelige-fakultet" rel="nofollow"> krava for opptak til ph.d.- studiet</a> ved Universitetet i Bergen.</p><br><h3 class="navds-heading navds-heading--small navds-typo--spacing">Vi tilbyr</h3><ul><li>Spennande og utviklande arbeidsoppgåver i et sterkt fagmiljø</li><li>Løn som stipendiat (kode 1017) i samsvar med det statlege lønsregulativet. Dette utgjer ei brutto årsløn på kr. 568 700. Vidare opprykk skjer etter stillingsansiennitet</li><li>Medlemsskap i Statens pensjonskasse&nbsp;</li><a href="https://www.uib.no/foransatte/17399/velferd" rel="nofollow">Gode velferdsordningar</a></ul><br><h3 class="navds-heading navds-heading--small navds-typo--spacing">Søknaden skal innehalde</h3><ul><li>ei kort utgreiing om forskingsinteresser og motivasjonen for å søkje stillinga</li><li>namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve.</li><li>CV</li><li>karakterutskrifter og vitnemål for bachelor- og mastergrad. Dersom du enno ikkje har fullført mastergraden din, må du sende inn ei stadfesting frå institusjonen på forventa dato for oppnådd mastergrad. Mastergraden må vere dokumentert med karakterutskrift og/eller vitnemål innan tilsetjing.</li><li>relevante attestar</li><li>godkjend dokumentasjon på at du oppfyller krav til engelskkunnskapar (dersom påkravd, jfr. Krav til engelskkunnskaper ved opptak til ph.d.-programmet)</li><li>eventuell liste over vitskaplege</li></ul><p>Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.</p><br><h3 class="navds-heading navds-heading--small navds-typo--spacing">Generell informasjon</h3><p>Utfyllande opplysningar om stillinga kan ein få ved å vende seg til: <a href="https://www4.uib.no/en/find-employees/Mikhail.Barash" rel="nofollow">Førsteamanuensis Mikhail Barash</a>, <a href="https://www4.uib.no/finn-ansatte/Jaakko.Timo.Henrik.Järvi" rel="nofollow">professor II Jaakko Järvi</a> eller <a href="https://www4.uib.no/finn-ansatte/Anya.Helene.Bagge" rel="nofollow">førsteamanuensis Anya Bagge</a>.<br>For HR-relaterte spørsmål ta kontakt med HR rådgjevar Karoline Christiansen på <a rel="nofollow" href="mailto:karoline.christiansen@uib.no">karoline.christiansen@uib.no</a> og +47 55 58 47 70.</p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p><strong>Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.&nbsp; &nbsp; &nbsp;&nbsp;</strong> <p>Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.&nbsp; &nbsp; &nbsp; &nbsp;</p><br><h3 class="navds-heading navds-heading--small navds-typo--spacing">Livet som ph.d.-kandidat ved UiB</h3><p>Astrid Nybø forteller om livet og arbeidshverdagen som ph.d.-kandidat ved UiB.</p>. Video: https://www.youtube.com/watch?v=Eo3Z63yzkKA&amp;list=PLf8ZIYfAO0qjhROTj6SthDbSScg0lSO6G&amp;index=5<br>