Universitetet I Bergen

Bergen

<h2>UiB - Kunnskap som formar samfunnet</h2>Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.Vil du vere med å forme framtida?. Video: https://youtu.be/vtJLmcUJ3-w<h2>Stipendiat (8 stillingar)</h2>Ved Det medisinske fakultet er det ledig fire (4) opne stipendiatstillingar, fire (4) forskarlinestillingar frå 1. februar 2026.Stipendiatar vert tilsett i 100 % stilling for ein periode på tre (3), eller til maksimalt fire (4) månader etter fullført doktorgrad dersom graden er fullført før tre (3) år.Høve til 50 % stilling:Det er mogleg å kombinere 50 % stipendiatstilling med anna 50 % stilling. Samla tilsetjingsperiode for kombinert stilling er seks (6) år. Det må opplysast at ein ønskjer 50/50 stilling i søknaden, og dette må vere klarert skriftleg med begge arbeidsgjevarar før tilsetjing.Stillingane vil verte knytte opp mot det instituttet som det er naturleg at prosjekta høyrer inn under.Fire (4) stillingar er opne stipendiatstillingarStillingane er opne for søkjarar med masterutdanning relevant for fakultetets forskingsfelt.Fire (4) stillingar er øyremerkte for kandidatar med bakgrunn frå forskarlina:Stillingane er kvoterte for søkjarar med bestått cand.med. og fullført forskarlina under studiet. Det er eit vilkår at du startar i stipendiatstillinga direkte etter studiet.Dei som vert uteksaminert hausten 2025 startar i stillinga 1. februar 2026. Dei som vert uteksaminert våren 2026 startar i stillinga 1. september 2026.Dei som får stillingane vert tilsette i 100 % stilling i ein periode på tre (3) år, med fråtrekk av tid for gjennomført opplæringsdel i ph.d.-programmet, eller til seinast fire (4) månader etter at stillingsperioden er ute eller etter fullført doktorgrad. Dei som får stillingane pliktar å arbeide i inntil 20 timar årleg ved forskarlina. Dette arbeidet er knytt til rekruttering, informasjonsarbeid og liknande, etter avtale med leiinga ved forskarlina.<h2>Vurdering av søkjaren:</h2>Søknadene vert vurderte ut frå følgjande kriteria:<ul><li>Kandidat: Søkjarens kompetanse, karaktergrunnlag og relevant fagleg aktivitet. Krav er fullført og godkjent mastergrad.</li><li>Prosjekt: Den vitskaplege verdien til prosjektet, samt om det er mogleg å gjennomføre det innafor rammene til ph.d.-programmet og stipendiatstillinga.</li><li>Forskingsmiljø: Miljøet si evne til å utvikle kandidaten, relevant publikasjonsaktivitet.</li><li>Opphald ved utanlandske institusjonar frå 6-12 månader vert normalt tillagt vekt. Det må gå klart fram frå prosjektomtalen korleis utanlandsopphaldet er integrert i prosjektet og gjev det ein meirverdi.</li></ul>Retningslinjer for vurdering av kandidat, prosjekt og forskingsmiljø finn du <a href="https://www.uib.no/med/65433/ledige-stillinger" rel="nofollow">her</a>.<h2>Kvalifikasjonar og eigenskapar:</h2><ul><li>Stillingane er opne for søkjarar med profesjonsutdanning eller masterutdanning relevant for fakultetets forskingsfelt.</li><li>Sjå også krav om dokumentasjon av <a href="https://www.uib.no/med/115525/krav-til-engelskkunnskaper-ved-opptak-til-phd-programmet" rel="nofollow">engelsk-kunnskapar</a></li></ul><h2>For stillinga gjeldt følgande:</h2>Forskarutdanning:Stilling som stipendiat har fullført forskarutdanning fram til doktorgrad som mål. Stipendiaten skal gjennomgå et godkjend opplegg, fastlagt i fakultetet sitt ph.d.-program, for ein doktorgrad innafor den fastlagde tidsramma. Endeleg plan for gjennomføring av forskarutdanninga skal vere godkjent av fakultetet innan tre (3) månader etter start i stillinga.Stipendiatstilling:Stipendiatstillinga er ei åremålsstilling. Ingen kan vere tilsett som stipendiat i meir enn ein åremålsperiode ved same institusjon. Du kan heller ikkje tilsetjast i stipendiatstilling dersom du tidlegare har hatt slik tilsetjing ved ein annan institusjon i regionen. Undervisningsspråket er til vanleg norsk. På ph.d.-utdanninga er undervisningsspråket engelsk. God skriftleg og munnleg <a href="https://www.uib.no/med/115525/krav-til-engelskkunnskaper-ved-opptak-til-phd-programmet" rel="nofollow">engelsk</a> er eit krav.<h2>Vi tilbyr:</h2><ul><li>Spanande og utviklande arbeidsoppgåver i eit sterkt fagmiljø</li><li>Løn for tida kr 570 000 (kode 1017) i lønsregulativet til staten.</li><li>For søkjarar med minst eitt års tilsetjing i lege- eller tannlegestilling er løn for tida kr 585 000 (kode 1017).</li><li>For søkjarar med spesialistutdanning er løna for tida kr 605 000 (kode 107)</li><li>Medlemsskap i Statens pensjonskasse</li><li><a href="https://www.uib.no/foransatte/17399/velferd" rel="nofollow">Gode velferdsordningar</a></li></ul><h2>Søknaden skal innehalde føljande vedlegg, nummererte som vist under:</h2><ol><li>Søknadsbrev. Søknadsbrevet skal innehalde tittel på prosjektet og namn på rettleiarar, forskingsgruppe og instituttet der prosjektet skal gjennomførast. Her skal det òg komme fram kven som er hovudrettleiar og medrettleiar(ar). I søknadsbrevet skal det greiast ut om søkjars motivasjon til å gjennomføre eit ph.d.-løp med det aktuelle prosjektet. Du kan søkje både open og øyremerkt stilling. Dette må komme fram i søknadsbrevet.</li><li>Prosjektskisse på maksimalt seks sider, inkludert samandrag og referansar etter <a href="https://www.uib.no/med/65433/ledige-stillinger" rel="nofollow">mal</a>. Prosjektskissa skal innehalde tema, problemstillingar og val av teori og metode.</li><li>CV: (maksimalt 3 sider) etter <a href="https://www.uib.no/med/65433/ledige-stillinger" rel="nofollow">mal</a>.</li><li>Stadfesta kopi av vitnemål og karakterutskrifter av all høgare utdaning på originalspråket. Søkjarar med utanlandsk utdanning må i tillegg legge ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg legge ved HK-dir si generelle vurdering om utdanninga samsvarar med norsk mastergrad. Sjå <a href="https://hkdir.no/utdanning-fra-utlandet/jeg-har-utdanning-fra-utlandet/sok-godkjenning-av-hoyere-utdanning-bachelor-master-ph-d/slik-soker-du-om-godkjenning-av-hoyere-utdanning" rel="nofollow">https://hkdir.no/</a> for meir informasjon om generell vurdering av høgare utdanning.  Me gjer merksam på at søknad om vurdering frå HK-dir kan ta tid og søknaden bør sendast så tidleg som mogleg når du veit du vil søkje stipendiat stillinga. Dersom du ikkje har fått svar innan søknadsfristen, legg du ved dokumentasjon frå HK-dir om at dei har mottatt søknaden din. Merk at den automatiske godkjenningsordninga til HK-dir ikkje er tilstrekkeleg. Legg ved dokumentasjon av engelsk-kunnskapar i tråd med følgjande <a href="https://www.uib.no/med/115525/krav-til-engelskkunnskaper-ved-opptak-til-phd-programmet" rel="nofollow">Krav til engelskkunnskaper ved opptak til ph.d.-programmet | Det medisinske fakultet | UiB</a></li><li>Liste over eventuelle vitskapelege arbeider med en kort beskriving av innhald og eiget bidrag for kvart arbeid.</li><li>Eventuelle vitskapelege arbeider</li><li>Rettleiarerklæring (maksimalt 1 side)</li><li>Hovudrettleiar sin CV (maksimalt 4 sider) etter <a href="http://www.uib.no/med/65433/ledige-stillinger" rel="nofollow">mal</a>, med:Kandidatproduksjon. Hovudrettleiar sin rettleiarerfaring (master- og ph.d.). Dokumentet skal innehalde ei oversikt over ph.d.- og postdoktor-kandidatar som hovudrettleiar er hovudrettleiar/mentor for, og som er finansiert av Det medisinske fakultet. Oversikta skal innehalde namn på kandidat, startdato og forventa sluttdato for alle kandidatane. Dersom du ikkje er hovudrettleiar eller mentor for kandidatar som er finansiert av Det medisinske fakultet for tida, må du opplyse om det. Det er etablert <a href="https://www.uib.no/med/65433/ledige-stillinger" rel="nofollow">retningslinjer</a> for kor mange kandidatar av fakultetet sine rekrutteringsstillingar ein person kan rettleie samtidig. </li><li>Liste over hovudrettleiar sine publikasjonar siste sju år.</li><li>Omtale av forskingsgruppa (maksimalt 1 side).</li><li>Invitasjon frå utanlandsk institusjon (når eit utanlandsopphald er del av prosjektet), der det klart går fram kva oppgåver søkjar skal utføre.</li><li>Eventuelle andre vedlegg.</li></ol>Vi gjer merksam på at vi ikkje vil kunne vurdere deg som søkjar dersom vedlegg og etterspurt informasjon manglar i søknaden.Vesentleg ny informasjon (til dømes aksept av innsendte artiklar) kan ettersendast til <a href="mailto:selina.hausberg&#64;uib.no" rel="nofollow">Selina Hausberg</a> fram til 30.oktober 2025.Merk at kursa <a href="https://mitt.uib.no/courses/1061" rel="nofollow">rettleiarkurs</a> og <a href="https://mitt.uib.no/courses/23681" rel="nofollow">Behandling av personopplysninger i medisinsk og helsefaglig forskning</a> er obligatoriske for alle rettleiarar og mentorar ved Det medisinske fakultet og må være gjennomført før opptak.Andre opplysningar:Hovudrettleiar må ha hovudstilling ved Det medisinske fakultet. Unntak kan bli gjort for personar som har bistilling ved fakultetet og hovudstilling i helseføretak i Helse Vest, i NORCE eller i primærhelsetenesta på Vestlandet. Hovudrettleiar må vere tilsett ved fakultetet i heile stipendperioden. Unntaksvis kan det gjerast fråvik frå regelen om tilsetjing i heile perioden, men då må ein gjere greie for korleis rettleiinga skal ivaretakast av ein anna person tilsett ved fakultetet. En person kan ikkje være hovudrettleiar på søknadstidpunktet dersom han/hun blir pensjonert (inkludert emeritus) i løpet av stipendperioden.Berre ein søknad vil bli evaluert frå kvar hovudrettleiar innan kvar søknadskategori stipendiat og postdoktor.<h2>Generell informasjon:</h2>Utfyllande opplysningar om søknadstekniske høve kan du få ved å vende deg til HR-rådgjevar Selina Hausberg (e-post: selina.hausberg&#64;uib.no telefon: 55 58 52 89).Har du faglege spørsmål knytt til stillinga kan du vende deg til prodekan for forsking Silje Skrede (e-post:<a href="mailto:silje.skrede&#64;uib.no" rel="nofollow">silje.skrede&#64;uib.no</a> , telefon: &#43;4748 09 37 27).).Universitetet i Bergen er underlagt regelverket for eksportkontroll og regelverket gjeld ved behandling av søknader til stillinga.Den statlege arbeidsstyrken skal i størst mogleg grad spegle mangfaldet i folkesetnaden. Personar med innvandrarbakgrunn og personar med nedsett funksjonsevne vert oppmoda om å søkje stillinga.Universitetet i Bergen nyttar meirinnsyn ved tilsetjing i vitskaplege stillingar.Opplysningar om søkjaren kan verte gjort offentlege sjølv om søkjaren har oppmoda om ikkje å verte ført på søkjarlista. Dersom oppmodinga ikkje vert teken til følgje, skal søkjaren varslast om dette.Nærare om tilsettingsprosessen <a href="http://www.uib.no/poa/74251/tilsettingsprosessen" rel="nofollow">her</a>.<h2>Livet som ph.d.-kandidat ved UiB</h2>Astrid Nybø forteller om livet og arbeidshverdagen som ph.d.-kandidat ved UiB.. Video: https://www.youtube.com/watch?v&#61;Eo3Z63yzkKA&amp;list&#61;PLf8ZIYfAO0qjhROTj6SthDbSScg0lSO6G&amp;index&#61;5

Stipendiat (8 stillingar) ved Det medisinske fakultet