Universitetet I Bergen

Bergen

<h2>Kunnskap som formar samfunnet</h2><p>Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.</p><p>Vil du vere med å forme framtida?</p>. Video: https://youtu.be/M5n6RnScNgA?si&#61;Z2bA9kAwuFrIuBAA<br /><h2>Seniorkonsulent (studieadministrasjon)</h2><p>Bli ein del av vårt tverrfaglege studieadministrative miljø som jobbar for å utdanne framtidas juristar! Vi tilbyr eit inkluderande arbeidsmiljø med utviklingsmoglegheiter.</p><p>I studieseksjonen ved Det juridiske fakultet er det ledig to faste 100 % stillingar som seniorkonsulent.</p><p>Det er også ledig eit vikariat i 100 % stilling som seniorkonsulent med varigheit ut august 2026 med høve til forlenging. Tiltreding så raskt som mogleg. </p><p>Du blir del av eit engasjert og kompetent team som legg til rette for eit godt studieløp for studentane og bidrar til å ivareta fakultetet sitt samfunnsoppdrag. Vi er stolte av studiet fakultetet tilbyr, og masterprogrammet i rettsvitskap har vunne fleire prisar. Som ledd i det kontinuerlege kvalitetsarbeidet implementerte vi ny studieordning i 2021, og prosessen held fram ut vårsemesteret 2026.</p><br /><h2>Arbeidsoppgåver</h2><p>Stillinga inneber eit breitt spekter av studieadministrative oppgåver, til dømes</p><ul><li>Administrative oppgåver som støttar undervisningsaktivitetar for studentar og undervisarar</li><li>Koordineringsarbeid knytt til eksamenar og sensur</li><li>Saksbehandling av ulike typar studiesakar</li><li>Studentinformasjon</li></ul><p>Denne stillinga er ideell for deg som er fleksibel og trivst med variasjon. Du må kunne skifte fokus raskt og halde hovudet kaldt i hektiske periodar, og samstundes jobbe effektivt og nøyaktig. Vi ønskjer ein person som kan ta initiativ til forbetringar, og bidra positivt i både det faglege og det sosiale fellesskapet. </p><p>Som følgje av implementering av ny studieordning kan det bli endringar i arbeidsoppgåvene, men vi vil så langt det er mogleg tilpasse arbeidsoppgåver og ansvarsområde til din kompetanse og interessefelt. Alle tilsette i administrasjonen må, i tillegg til spesifikke funksjonar som ligg til stillinga, ivareta andre administrative oppgåver.</p><br /><h2>Kvalifikasjonar og eigenskapar</h2><p>Du har</p><ul><li>mastergrad. Bachelorgrad saman med lang, relevant administrativ erfaring kan i særskilte høve kompensere for manglande mastergrad. Kandidatar frå alle fagområde blir oppmoda til å søkje, og du treng ikkje ha juridiske emne i graden</li><li>erfaring frå studieadministrativt arbeid, og anna administrativt arbeid som t.d. saksbehandling og prosjektarbeid er ein føremon. Har du erfaring frå organisasjons- og servicearbeid kan dette også vere relevant</li><li>generelt god IT-kompetanse </li><li>gode kommunikasjons- og samarbeidsevner</li></ul><p>Du er</p><ul><li>ein gjennomførar som evnar å arbeide sjølvstendig</li><li>lærevillig, analytisk og effektiv </li><li>fleksibel, ansvarsbevisst og sjølvgåande</li><li>god til å prioritere, og trivst med å halde orden på fleire parallelle prosessar</li><li>dyktig til å formulere deg både skriftleg og munnleg på norsk (begge målformer) og engelsk</li></ul><p> </p><p>Vi legg særskild vekt på relevant erfaring og personlege eigenskapar som er naudsynte for stillinga.</p><br /><h2>Vi tilbyr</h2><ul><li>Sjølvstendig ansvar og varierte og utfordrande oppgåver </li><li>Hyggelege, engasjerte og dyktige kollegaer og eit godt og inkluderande arbeidsmiljø </li><li>Fleksibel arbeidstid og <a href="https://www.uib.no/foransatte/17399/velferd" rel="nofollow">gode velferdsordningar</a>, mellom anna trening i arbeidstida</li><li>Stillingskategori som seniorkonsulent 1363</li><li>Løn kr. 585 000 – 630 000 per år før skatt avhengig av tenesteansiennitet og kvalifikasjonar. For særleg godt kvalifiserte søkjarar kan ein vurdere høgare løn</li><li>Lån-, pensjons- og forsikringsordning i Statens pensjonskasse</li></ul><br /><h2>Generell informasjon</h2><p>Aktuelle kandidatar vil bli kontakta i slutten av veke 33, og vi planlegg å starte med intervjuar så raskt som mogleg veka etter. </p><p>Utfyllande opplysningar om stillinga får du ved å vende deg til assisterande fakultetsdirektør / leiar for studieseksjonen Christine Stoltz Olsvik, tlf. 911 47 401, e-post: <a href="mailto:christine.olsvik&#64;uib.no" rel="nofollow">christine.olsvik&#64;uib.no</a> </p><p>Den som blir tilsett må rette seg etter dei retningslinjene som til ei kvar tid gjeld for stillinga.</p> <p>Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetjing. Personar med innvandrarbakgrunn og personar med nedsett funksjonsevne blir oppmoda om å søkje stillinga.</p><p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.</p><p>Søknad og CV skal sendast elektronisk via lenka ”Søk stillinga”.</p><p>Nærare informasjon om tilsettingsprosessen finn du <a href="https://www.uib.no/hr/74251/ansettelsesprosessen" rel="nofollow">her</a>.</p><p><strong>Velkommen som søkjar! </strong></p><br />

Seniorkonsulent studieadministrasjon ved Det juridiske fakultet