Universitetet I Bergen

Bergen

HR/KMD

Viggo Krüger 

Prosjektleiar 

Randi Rolvsjord

Instituttleiar

<h2>Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p>Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Postdoktorstilling </h2><p>Ved Griegakademiet – Institutt for musikk er det ledig stilling som postdoktor (100 %) knytt til prosjektet Resonate, Reducing School Dropout and Enhancing Pupilsʼ Sense of Belonging and Participation through Co-created Music-based Activities innan fagområdet musikkterapi. Stillinga er for ein åremålsperiode på tre år, med ønska oppstart 01.08.2026</p><br /><h2>Om prosjektet/arbeidsoppgåver:</h2><p>Den som vert tilsett i stillinga, blir knytt til prosjektet <strong>RESONATE</strong>, finansiert av <strong>Noregs forskingsråd</strong>. Hovudmålet med prosjektet er å førebygge fråfall i vidaregåande opplæring og styrke kjensla av tilhøyrsle hjå elevar gjennom samskapt musikkbasert aktivitet. Prosjektet vert gjennomført i samarbeid med ni vidaregåande skular, forskarar frå Noreg, Finland og Danmark, samt kulturorganisasjonane Vestnorsk Jazz senter, Møhlenpris idrettslag og Give music a chance. Bergen bibliotek og NAV er også med som partnarar. RESONATE tek i bruk ein tverrfagleg tilnærming som kombinerer musikkterapi, psykologi og samfunnsvitskap.</p><p>Gjennom å engasjere elevar, lærarar og aktørar i lokalsamfunnet utviklar og gjennomfører prosjektet musikkaktivitetar som fremjar emosjonell helse, sosial inkludering og motstandskraft. Aktivitetane er i tråd med læreplanverket LK20 og byggjer på forskingsbasert kunnskap, mellom anna frå WHO og musikkterapifeltet. Gjennom deltaking i musikk, både som utøvarar og lyttarar, får elevane høve til å styrke sosial samhandling, sjølvuttrykk og emosjonell støtte – sentrale faktorar for å redusere risiko for fråfall.</p><p>Prosjektet nyttar ein samskapande prosess der både elevar og lærarar medverkar aktivt i utforminga av tiltaka. Ei kombinasjon av kvalitative og kvantitative forskingsmetodar vert brukt for å undersøkje korleis musikkaktivitetane påverkar elevengasjement og trivsel. Resultata skal delast med politikkutformarar, utdanningssektoren og velferdstenester, med mål om å utvikle ein overførbar modell som kan nyttast både nasjonalt og internasjonalt.</p><p>Postdoktoren skal ha ei sentral rolle i <strong>RESONATE-prosjektet</strong>, med ansvar for å utvikle, gjennomføre og evaluere samskapte musikkbaserte aktivitetar i vidaregåande skular. Arbeidet omfattar planlegging og leiing av samskapingsprosessar med elevar, lærarar og samarbeidspartnarar (WP1), implementering og oppfølging av musikkaktivitetar ved dei ni deltakar­skulane, samt innsamling og analyse av både kvalitative og kvantitative data (WP2). Vidare skal postdoktoren bidra til integrert analyse og teoretisk utvikling av prosjektet gjennom mixed-methods-tilnærmingar, som undersøker korleis musikk kan fremje deltaking, meistring og tilhøyrsle blant ungdom (WP3). I tillegg vil postdoktoren delta aktivt i formidling av forskingsresultat til forskarar, skulesektoren, politikkutformarar og allmenta, mellom anna gjennom vitskaplege publikasjonar, konferansar, podkastar og populærvitskaplege artiklar (WP4). Stillinga krev tett samarbeid med både nasjonale og nordiske partnarar, og postdoktoren vil fungere som eit bindeledd mellom forsking, praksis og deltakarane i prosjektet.</p><p>Ein mindre del av postdoktoren si tid vil bli dedikert til arbeid knytt til instituttet, som undervisning i det 5-årige integrerte masterprogrammet i musikkterapi, administrativt og/eller redaksjonelt arbeid.</p><br /><h2>Kvalifikasjonar og eigenskapar:</h2><ul><li>Søkjarar må ha oppnådd norsk ph.d.-grad innan musikkterapi eller tilsvarande utdanning, eller ha levert doktoravhandlinga si til vurdering innan søknadsfristen er ute. Det er ein føresetnad at doktorgraden er oppnådd før tilsetjing kan skje.</li><li>Erfaring frå, og god forståing av tverrfagleg samarbeid og arbeid med pårørande/familiar er eit krav.</li><li>Erfaring frå arbeid med ungdom er ein føremon.</li><li>Det er ynskjeleg med erfaring både med kvantitative og kvalitative forskningsmetodar</li><li>Søkjarar må kunne arbeide sjølvstendig på ein strukturert måte, men også kunne samarbeide med andre som ein del av ei integrert gruppe, med evne og entusiasme til å arbeide på ein interkulturell og tverrfagleg måte.</li><li>Du må ha gode kunnskapar i både norsk (eller eit anna skandinavisk språk) og engelsk, så vel munnleg som skriftleg.</li></ul><p>Personlege og mellommenneskelege eigenskapar vil bli lagt vekt på. Forskingsrøynsle, ambisjonar og potensial vil også telle ved vurdering av kandidatane.</p><br /><h2>Om postdoktorstillinga:</h2><p>Ei postdoktorstilling har som føremål at den tilsette skal utvikle ein forskarprofil og opparbeide seg kompetanse som gjer vedkomande kvalifisert til å søkje stilling som førsteamanuensis. Stillinga kan òg gi annan kompetanse som er relevant for postdoktorens vidare karriere. Åremålsperioden for denne stillinga er tre år. Ingen kan tilsetjast i meir enn ein åremålsperiode som postdoktor ved same institusjon.</p><p>Søkjarar skal ved tilsetjing kome med framlegg til plan for kvalifiseringsarbeidet som inneheld ein framdriftsplan. Ved postdoktorstilling knytt til eksternt finansierte prosjekter, vil fullføring av planen for kvalifikasjonsarbeidet skje i dialog med prosjektleiar. Det er ein føresetnad at den som blir tilsett gjennomfører prosjektet i løpet av tilsetjingsperioden. </p> <p>Det skal utarbeidast ein karriereplan for postdoktoren, som spesifiserer kva for kompetanse postdoktoren skal opparbeide seg. Institusjonen har ansvar for å følgje opp karriereplanen og for å sikre at postdoktoren har tilgang til karriererettleiing gjennom heile postdoktorperioden.</p><p>Dersom postdoktoren ikkje allereie har utdanningsfagleg kompetanse som oppfyller krava til ei stilling som førsteamanuensis, skal institusjonen leggje til rette for at postdoktoren opparbeider seg slik kompetanse i løpet av tilsetjingsperioden.</p><p>Tilsetjing i postdoktorstilling krev at ein har sin daglege arbeidsplass ved Universitetet i Bergen og rettar seg etter dei retningslinene som til ei kvar tid gjeld for stillinga.</p><br /><h2>Vi tilbyr:</h2><ul><li>Spennande og utviklande arbeidsoppgåver i et sterkt fagmiljø</li><li>Årsløn tilsvarande 657 000 kr. brutto per år før skatt (stillingskode 1352 i det statlege lønsregulativet). Vidare opprykk skjer etter stillingsansiennitet.</li><li>Medlemsskap i Statens pensjonskasse</li><li>Gode <a href="https://www.uib.no/foransatte/17399/velferd" rel="nofollow">velferdsordningar</a></li></ul><br /><h2>Søknaden skal innehalde:</h2><ul><li>Ei kort utgreiing om søkjaren sine forskingsinteresser og motivasjonen for å søkje stillinga</li><li>Ei kort oversikt over søkaren sine eigenskapar som er relevante for stillinga</li><li>CV</li><li>Karakterutskrifter og vitnemål for bachelor- og mastergrad, og vitnemål for doktorgraden eller stadfesting av at doktorgradsavhandlinga er levert.</li><li>Relevante attestar</li><li>Liste over vitskaplege arbeid (publikasjonsliste)</li><li>Eventuelle vitskaplege publikasjonar (inntil 5)</li><li>Eit kort samandrag av doktorgradsavhandlinga (inntil tre sider), som forklarer korleis det tek omsyn til den kunngjorde stillinga.</li><li>Namn og kontaktopplysningar til to referansar. Ein av desse bør vere hovudrettleiaren frå doktorgradsutdanninga.</li></ul><p>NB. Søknader vil bli vurderte basert på informasjonen som er tilgjengeleg i JobbNorge når søknadsfristen går ut. Dersom originale dokument ikkje er på engelsk eller eit skandinavisk språk, må stadfesta omsetjingar bli lagt ved på eitt av desse språka.</p><p>Søkjaren har sjølv ansvaret for å sjå til at all informasjon er lasta opp før fristen.</p><br /><h2>Generell informasjon:</h2><p>Utfyllande opplysningar om stillinga kan ein få ved å vende seg til: Instituttleiar Randi Rolvsjord, mob. &#43;47 97514878, e- post: <a href="mailto:randi.rolvsjord&#64;uib.no" rel="nofollow">randi.rolvsjord&#64;uib.no</a> eller <br />prosjektleiar Professor Viggo Krüger tel. &#43;47 99534628, e- post: <a href="mailto:viggo.kruger&#64;uib.no" rel="nofollow">viggo.kruger&#64;uib.no</a>.</p><p>For tekniske spørsmål knytt til søknadsprosessen ta kontakt med HR ved KMD på: hrkmd&#64;uib.no  </p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p> <p>Universitetet i Bergen nyttar meirinnsyn ved tilsetjing i vitskaplege stillingar.</p><p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.</p><br />

Postdoktorstilling i musikkterapi (RESONATE)