Universitetet I Bergen

Bergen

Nele Meckler

Professor

<h2>Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p><p>Video: https://youtu.be/M5n6RnScNgA</p><h2>Postdoktor</h2><p>Ved <a href="https://www.uib.no/geo/" rel="nofollow">Institutt for geovitskap</a> er det ledig ei stilling som postdoktor i rekonstruksjon av paleoklima med væskeinklusjons-thermometri i speleothemar. Stillinga er for ein åremålsperiode på 3 år og finansiert av Universitetet i Bergen.</p><h2>Om prosjektet/arbeidsoppgåver:</h2><p>Speleothemar er et viktig terrestrisk klimaarkiv, og nye metodar for å rekonstruere paleoklima med dette arkivet er stadig i utvikling. I laboratoriet vårt rekonstruerer vi fortidstemperaturar basert på tettleiken av gammalt dryppvatn som er innkapsla i mikroskopiske væskeinklusjonar i speleothemars kalsitt matrix. Til dette formålet målar vi væske-damp-homogeniseringstemperaturen i væskeinklusjonane, også kalla mikrothermometri. Meir informasjon om metoden finn du i publikasjonane til Krüger et al. (Chemical Geology, 289, 2011) og eit eksempel på ein klimarekonstruksjon i Løland et al. (Nature Communications, 2022).</p><p>I forbindelse med ERC-prosjektet FluidMICS har vi dei siste åra fokusert på vidare utvikling og forbetring av metoden, teste bruk i speleothemar frå forskjellige klimasoner, og bruk av den for å rekonstruere paleoklima innan og utover kvartærtida. Vårt metodiske arbeid har fokusert på identifisering og karakterisering av ikkje-thermale faktorar og mekanismar som potensielt påverkar a) den opphavlege tettleiken av vatnet når inklusjonen blei danna, b) volumet av inklusjonen etter at den blei danna, c) kollapsen av dampbobla ved homogeniseringa, mediert av overflatespenning, d) tidspunktet til overgangen frå open porøsitet til hermetisk lukka væskeinklusjonar. Til dette formålet nyttar vi ei rekkje småskala bildegjevande teknikkar i 2D og 3D, ved bruk av fasilitetar tilgjengeleg i Bergen og i samarbeid med eksterne prosjektpartnarar.</p><p>Postdoktoren vil i byrjinga bli tilknytt FluidMICS-prosjektet og så vidareføre noko av forskinga utover prosjektperioden. Vektlegginga mellom vidareutviklinga av metoden og paleoklimarekonstruksjon kan diskuterast og avhenger av erfaring og preferansar. Vår arbeidsgruppe er del av eit breitt nettverk av samarbeidspartnar og vi har stadig gjester frå hele verda. Når postdoktoren har blitt kjend med metoden, er det venta at vedkomande bidreg til å drifte laboratoriet og rettleie gjester og studentar. I tillegg er det lagt opp for medrettleiing av doktorgradsstudentar og masterstudentar.</p><h2>Kvalifikasjonar og eigenskapar:</h2><ul><li>Søkjarar må ha oppnådd ein grad tilsvarande ein norsk doktorgrad (PhD) innanfor geovitskap, eller liknande fagområde. Ph.d.-studentar kan søkje dersom disputas er gjennomført innan 01.03.2026. Det er ein føresetnad at doktorgraden er oppnådd før tilsetjing kan skje.</li><li>Tidlegare erfaring innan speleothemforskning er eit krav.</li><li>Førstehandserfaring frå analyse og tolking av speleothem petrografi og/eller væskeinklusjonar er ein føremon.</li><li>Søkjarar må kunne arbeide sjølvstendig, strukturert og ha gode samarbeidsevner.</li><li>Søkjarar må ha gode engelskkunnskapar, skriftleg og munnleg.</li></ul><p>Personlege og mellommenneskelege eigenskapar vil bli lagt vekt på. Forskingserfaring, ambisjonar og potensial vil også telle ved vurdering av kandidatane.</p><p><strong>Særeigne krav for stillinga</strong></p><p>UiB er underlagd regelverket for eksportkontroll og regelverket gjeld ved behandling av søknadar til stillinga.</p><h2>Om postdoktorstillinga:</h2><p>Postdoktorstillinga er ei åremålsstilling og har som hovudmål å kvalifisere den som blir tilsett for arbeid i vitskaplege toppstillingar. 10 % av arbeidstida kan brukast på aktivitetar knytt til undervisning, formidling og kommunikasjon ved Institutt for geovitenskap. Stillinga vil kunne bli forlenga med inntil eitt år dersom kandidaten får innvilga forskingsopphald i utlandet frå eksterne kjelder (maks fire år totalt). Ingen kan tilsetjast i meir enn éin åremålsperiode som postdoktor ved same institusjon.</p><p>Søkjarar skal ved tilsetjing kome med framlegg til plan for kvalifiseringsarbeidet som inneheld ein framdriftsplan.</p><p>Det er ein føresetnad at den som blir tilsett gjennomfører prosjektet i løpet av tilsetjingsperioden.</p><h2>Vi tilbyr:</h2><ul><li>eit godt og fagleg stimulerande arbeidsmiljø.</li><li>medlemsskap i Statens pensjonskasse.</li><li>tilsetjing som postdoktor (kode 1352) i lønsregulativet til staten. Dette utgjer ei årsløn på kr. 657 000. Vidare opprykk skjer etter stillingsansiennitet. For særleg kvalifiserte søkjarar kan det verte aktuelt å vurdere høgare løn.</li><li>gode <a href="https://www.uib.no/foransatte/17399/velferd" rel="nofollow">velferdsordningar</a>.</li></ul><h2>Søknaden skal innehalde:</h2><ul><li>ei kort utgreiing om forskingsinteresser og motivasjonen for å søkje stillinga, som inneheldei utgreiing om og korleis du har oppnådd dei ovannemnte kvalifikasjonane<br />ei utgreiing om korleis erfaringa di kan gagne forskingsgruppa<br />ein kort skissering av eit mogleg prosjekt du ville gjennomføre<br /></li><li>namn og kontaktopplysningar til to referansar. Ein av desse bør vere hovudrettleiaren frå doktorgradsutdanninga.</li><li>CV</li><li>karakterutskrifter og vitnemål. Dersom du enno ikkje har fullført doktorgradendin, kan du sende inn ei stadfesting frå institusjonen på forventa dato for oppnådd doktorgrad.</li><li>relevante attestar</li><li>liste over vitskaplege arbeid (publikasjonsliste)</li></ul><p>Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.</p><h2>Generell informasjon:</h2><p>Utfyllande opplysningar om stillinga kan ein få ved å vende seg til:</p><p>Professor Nele Meckler, Institutt for geovitenskap: <a href="mailto:nele.meckler&#64;uib.no" rel="nofollow">nele.meckler&#64;uib.no</a>, &#43;47 55583530</p><p>For HR-relaterte spørsmål ta kontakt med rådgjevar Mathilde Høgalmen, <a href="mailto:Mathilde.hogalmen&#64;uib.no" rel="nofollow">Mathilde.hogalmen&#64;uib.no</a></p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p><p>Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.</p>

Postdoktor i speleothem-basert væskeinklusjons-thermometri