Universitetet I Bergen

Bergen

Iain George Johnston

Professor

<h2>UiB - Kunnskap som formar samfunnet</h2><p>Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.</p><p>Vil du vere med å forme framtida?</p>. Video: https://youtu.be/M5n6RnScNgA<br /><h2>Stipendiat</h2><p>Ved <a href="https://www.uib.no/math" rel="nofollow">Matematisk institutt</a> er det ledig ei stilling som ph.d.-stipendiat i mitokondriedynamikk, som kombinerer eksperimentelt og berekningsbasert arbeid. Stillinga er for ein åremålsperiode på tre år, med høve til eit fjerde år som består av karrierefremmande arbeid (til dømes undervisning). Stillinga er knytt til NFR. </p><br /><h2>Om prosjektet/arbeidsoppgåver:</h2><ul><li>Mitokondria driv komplekst liv. Dei er svært dynamiske og beveger seg gjennom cella med rask og kompleks kollektiv rørsle – sjå gjerne <a href="http://www.mitochondriamove.com" rel="nofollow">www.mitochondriamove.com</a>. Mitokondriepopulasjonar i celler dannar «sosiale nettverk», der dei møtest og utvekslar biomolekyl i eit cellulært samfunn. Årsakene til denne åtferda er framleis lite forstått, og utanom nokre modellarartar er sjølve åtferda dårleg karakterisert.</li><li>Vi har nyleg utvikla ein tverr-eukaryotisk teori som knyter denne rørsla til vedlikehald og deling av essensielle biomolekyl på tvers av mitokondriepopulasjonen i cella (PMID 38043948). Teorien er allereie støtta av eksperiment i modellplantar, og føreslår at mitokondria i eit breitt spekter av artar kan stå overfor dei same evolusjonære pressa. Dette prosjektet vil utforske denne hypotesen ved å kombinere levande celleavbilding av mitokondria i plantar, algar og marine metazoa med databasert analyse for å finne universelle prinsipp for mitokondrierørsle på tvers av desse artane.</li><li>Prosjektet er ein del av det NFR-finansierte prosjektet «MitoPhyto», som kombinerer eksperimentelle og modellbaserte tilnærmingar for å utforske mitokondrieåtferd. Stillinga er knytt til Matematisk institutt, medan laboratoriearbeidet vil finne stad ved Michael Sars-senteret.</li></ul><br /><h2> Kvalifikasjonar og eigenskapar:</h2><ul><li>Søkjarar må ha oppnådd mastergrad eller tilsvarande utdanning innan cellebiologi, biomatematikk eller eit samanliknbart fagområde, eller ha levert masteroppgåve innan eit slikt tema til vurdering før søknadsfristen. Det er ein føresetnad at mastergraden er oppnådd før tilsetjing kan skje. </li><li>Søkjarar må kunne vise evne til å ta i bruk tverrfaglege tilnærmingar til biologi på høgt forskingsnivå, med kombinasjon av laboratoriearbeid og databasert analyse.</li><li>Erfaring med levande celle-konfokalmikroskopi er ein fordel.</li><li>Erfaring med kvantitativ cellebiologi og datamodellering, særleg ved bruk av R, er ein fordel.</li><li>Erfaring med anvend statistikk er ein fordel.</li><li>Søkjarar må kunne arbeide sjølvstendig og strukturert og ha gode samarbeidsevner. </li><li><p>Søkjarar må ha gode skriftlege og munnlege engelskkunnskapar.</p><p>Personlege og mellommenneskelege eigenskapar vil bli lagt vekt på. Ambisjonar og potensial vil også telje ved vurdering av kandidatane. </p><p><strong>Særeigne krav for stillinga</strong> </p></li><li>UiB er underlagd regelverket for eksportkontroll og regelverket gjeld ved behandling av søknadar til stillinga.  </li></ul><br /><h2>For stillinga gjeldt følgande:</h2><p>Stipendperioden er på 3 år, med høve for eit 4. år avhengig av kandidaten sine kvalifikasjonar og instituttet sitt behov for undervisning, og vert avgjort av instituttleiar ved tilsetjing. Dersom eit 4. år blir bestemt, vil éitt årsverk som består av karrierefremmande arbeid knytt til undervisning, formidling og forskingsinfrastruktur/tenester, bli fordelt over den samla tilsetjingsperioden og slik tilsvare 25 % av tida kvart år. </p><p>Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden. </p><p><strong>Om forskarutdanninga</strong> </p><p>Som ph.d. stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Frist for å søkje om opptak til ph.d.-programmet ved Fakultet for naturvitenskap og teknologi er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du <a href="http://www.uib.no/matnat/52560/opptak-til-forskerutdanningen-ved-det-matematisk-naturvitenskapelige-fakultet" rel="nofollow">fyller krava for opptak til ph.d.- studiet</a> ved Universitetet i Bergen. </p><br /><h2>Vi tilbyr:</h2><ul><li>eit godt og fagleg stimulerande arbeidsmiljø  </li><li>løn som stipendiat (kode 1017) i samsvar med det statlege lønsregulativet. Dette utgjer ei brutto årsløn på kr. 568 700. Vidare opprykk skjer etter stillingsansiennitet. </li><li>medlemskap i Statens pensjonskasse </li><li><a href="https://www.uib.no/foransatte/17399/velferd-og-leie-av-lokaler" rel="nofollow">gode velferdsordningar </a></li></ul><br /><h2>Søknaden skal innehalde:</h2><ul><li>ei kort utgreiing om forskingsinteresser og motivasjonen for å søkje stillinga </li><li>namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve.  </li><li>CV </li><li>karakterutskrifter og vitnemål for bachelor- og mastergrad. Dersom du enno ikkje har fullført mastergraden din, må du sende inn ei stadfesting frå institusjonen på forventa dato for oppnådd mastergrad. Mastergraden må vere dokumentert med karakterutskrift og/eller vitnemål innan tilsetjing.</li><li>relevante attestar </li><li>godkjend dokumentasjon på at du oppfyller krav til engelskkunnskapar (dersom påkravd, jfr. <a href="https://www.uib.no/matnat/52560/opptak-til-phd-programmet#krav-til-engelskkunnskaper-ved-opptak-til-ph-d-programmet" rel="nofollow">Krav til engelskkunnskaper ved opptak til ph.d.-programmet</a>) </li><li><p>eventuell liste over vitskaplege arbeid (publikasjonsliste med lenkjer) </p><p>Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.  </p><p> </p></li></ul><br /><h2>Generell informasjon:</h2><p>Utfyllande opplysningar om stillinga kan ein få ved å vende seg til professor Iain Johnston, Matematisk institutt, <a href="mailto:iain.johnston&#64;uib.no" rel="nofollow">iain.johnston&#64;uib.no</a>. For HR-relaterte spørsmål ta kontakt med rådgivar Magnus Skogstad, HR-seksjonen, magnus.skogstad&#64;uib.no.</p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.  </p><p>Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.</p><p> <strong>     </strong></p> <p>Universitetet i Bergen nyttar meirinnsyn ved tilsetjing i vitskaplege stillingar. </p><p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette. </p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. </p><p>Nærare om tilsettingsprosessen <a href="http://www.uib.no/poa/74251/tilsettingsprosessen" rel="nofollow">her</a>. </p><br /><h2>Livet som ph.d.-kandidat ved UiB</h2><p>Astrid Nybø forteller om livet og arbeidshverdagen som ph.d.-kandidat ved UiB.</p>. Video: https://www.youtube.com/watch?v&#61;Eo3Z63yzkKA&amp;list&#61;PLf8ZIYfAO0qjhROTj6SthDbSScg0lSO6G&amp;index&#61;5<br />

Ph.d.-stipendiat i samanliknande mitokondriedynamikk ved Matematisk institutt