Universitetet I Bergen

Bergen

<h2>Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p>Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Om stillinga:</h2><p><strong>Ver med å sikre framtidas IT-tenester ved Universitetet i Bergen</strong><br />Med auka behov for sikre digitale løysingar søkjer UiB å styrke IT-sikkerheitsgruppa. Gruppas primæroppgåver er informasjon, kommunikasjon og styring av informasjonssikkerheit og personvern for UiB, samt operativt arbeid med IT-sikkerheit. Vi er ute etter ein person som kan delta i det operative arbeidet med informasjonssikkerheit og personvern og bidra til å styrke vår kompetanse på området. For tida er det ei større satsing på informasjonssikkerheit ved UiB, med ei rekke tiltak innan området.<br /><br />IT-avdelinga ved UiB er eitt av dei største og fagleg breiaste IT-miljøa på Vestlandet med om lag 115 tilsette, i tillegg til lærlingar og deltidstilsette studentar. Avdelinga leverer eit stort spekter av IT-tenester til forsking, utdanning og formidling.<br /><br />Vi er ein kunnskapsrik og engasjert avdeling med deltaking i spennande aktivitetar innanfor heile UiB si verksemd og med brei kontakt med universitetets 4300 tilsette og 20 000 studentar. Vi samarbeider tett med dei andre universiteta i Norge. Vi har eit stort mangfald av teknologiar, kompetanse og nasjonalitetar. <a href="https://www.uib.no/it/155335/om-it-avdelingen-ved-uib" rel="nofollow">Sjå meir om IT-avdelinga her</a>.</p><br /><h2>Arbeidsoppgåver:</h2><ul><li>Overvaking og analyse av loggar/trafikkdata, samt sårbarheiter og varsel</li><li>Delta i utvikling og forvaltning av infrastruktur for logganalyse, blant anna utvikling av deteksjon og varsel, samt automatisering av varselhandsaming</li><li>Oppfølging av konkrete hendingar og brot på sikkerheit</li><li>Skrive rapport fra hendingar og avvik</li><li>Gje råd om konkrete tiltak for å sikre informasjon, gjenoppretting og eventuell skadeavgrensing</li><li>Bistå i samband med ROS-analyser</li><li>Skrive dokumentasjon over arbeidsoppgåver, sikkerheitssystem og prosedyrar</li><li>Bistå med sikkerheitsarkitektur og sikkerheitsløysingar i samråd med arkitektane på ITA</li><li>Deltaking i UiBs Incident Response Team (IRT) og i beredskapssituasjonar kan vere aktuelt</li></ul><br /><h2>Kvalifikasjonar og eigenskapar:</h2><ul><li>Grunnleggande kompetanse innanfor informasjonsteknologi og personvern</li><li>God forståing av det digitale trusselbildet og utfordringar innan IT-sikkerheit</li><li>God teknisk forståing av Mac, Windows og Linux</li><li>Erfaring frå utvikling eller drift av IT-system</li><li>Erfaring med scriptspråk (Bash, Python, PowerShell)</li><li>Erfaring med å handsame hendingar innan IT-sikkerheit og å delta i beredskapsarbeid vil vere ein fordel</li><li>Det blir kravd mastergrad innan relevant fagområde. Realkompetanse kombinert med relevant etter- og vidareutdanning kan i nokre tilfelle kompensere for kravet om utdanning.</li></ul><p>Vi søkjer ein person som er:</p><ul><li>Serviceinnstilt og opptatt av å finne løysingar</li><li>Påliteleg og har integritet med tanke på å handtere fortruleg informasjon</li><li>Sjølvstendig, strukturert og med høg arbeidskapasitet og gjennomføringsevne</li><li>Nysgjerrig og med evne til å tileigne seg nødvendig kompetanse</li><li>I stand til å samarbeide og dele kunnskap</li><li>Gode kommunikasjonsevner (munnleg/skriftleg på norsk og engelsk</li></ul><p>Kjenner du deg att i noko, men ikkje alt? Ingen problem, send oss ein søknad der du greier ut om kva du kan og vil jobbe meir med. Vi har alltid plass til spennande medarbeidarar med ulik bakgrunn.</p><br /><h2>Vi tilbyr:</h2><ul><li>Eit godt og fagleg utfordrande arbeidsmiljø</li><li>Ein kunnskapsrik og engasjert organisasjon med deltaking i mange spennande aktivitetar og brei kontakt med brukarane ved universitetet</li><li>Moglegheit for vidareutvikling og kompetanseheving.</li><li>Stilling som overingeniør (kode 1087) eller senioringeniør (kode 1181) i årsløn kr 650.000 - 850.000 avhengig av kvalifikasjonar. For spesielt kvalifiserte søkarar kan det verte aktuelt med høgare løn</li><li>Medlemskap i Statens pensjonskasse</li><li>Moglegheit for avtale om delvis heimekontor</li><li>Fleksitid og gode <a href="https://www.uib.no/foransatte/17399/velferd" rel="nofollow">velferdsordningar</a></li></ul><br /><h2>Generell informasjon:</h2><p>Utfyllande opplysningar om stillinga kan ein få ved å vende seg til:  Seksjonsleiar Jon Eikhaug (jon.eikhaug&#64;uib.no, tlf: 55 58 42 70) , eller informasjonssikkerheitsleiar Jimmy Thomsen (jimmy.thomsen&#64;uib.no), tlf: 957 55 220</p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p> <p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Den som blir tilsett kan få andre arbeidsoppgåver innan avdelinga sine arbeidsområde.</p><p>UiB er underlagt regelverket for eksportkontroll og regelverket kan komme til anvending ved behandling av søknader til stillinga.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.</p><br />

Overingeniør/senioringeniør IT-sikkerheit