Universitetet I Bergen

Bergen

<h2>Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p>Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Om stillinga:</h2><p><strong>Universitetet i Bergen</strong> er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad. Sentraladministrasjonen gjev råd og bistand til leiing og fakultet ved Universitetet i Bergen. Sentraladministrasjonen er organisert i sju avdelingar.<br /><br /><strong>Eigedomsavdelinga </strong>sitt oppdrag er å levere gode bygg og bidra til UiB når sine mål. Vi har ansvar for forvaltning, drift og vedlikehald av universitetet sin samla bygningsmasse, som omfattar rundt 95 bygningar med i alt 390.000 m2. Avdelinga har omlag 100 tilsette og er organisert i seksjonane Drift, Prosjekt, Fagstøtte og Stab og Større satsingar. Avdelinga forvaltar eit årleg budsjett til drift og investering på omlag 950 mill., større satsingar kjem i tillegg. Bygningsmassen er hovudsakleg lokalisert til Nygårdshøyden og Årstad/Haukeland og varierer frå verneverdige bygningar og kontoriserte bygardar, til moderne undervisningsbygg og avanserte laboratoriebygg.<br /><br />Universitetet står framfor store bygge- og utviklingsprosjekt som transformasjon og rehabilitering av bygg på Realfagshøyden (Nygårdshøyden sør), nytt Griegakademi, samlokalisering av HF-fakultetet og rehabilitering av Kulturhistorisk museum.</p><p><strong>Driftsseksjonen </strong>har det daglege ansvaret for FDVU av bygg, tekniske installasjonar og utomhusareal. Den samla bygningsmassen er inndelt i 4 driftsområde - tre er lokalisert på Nygårdshøyden og eitt er lokalisert på Årstad/Haukelandsområdet. Driftsområda vert leia av ein områdeleiar som rapporterer til Seksjonssjef Drift. Ved kvart driftsområde er det vedlikehaldsleiar og driftsleiar som rapporterer til Områdeleiar. Driftsområda har dessutan driftsteknikarar (fagbrev) og driftsoperatørar som arbeider på dagtid.<br /><br /><strong>Områdeleiar Eigedomsdriift - Driftsområde Nord</strong><br />Ved Eigedomsavdelinga, seksjon Drift, er det ledig ei fast 100 prosent stilling som områdeleiar for driftsområde Nord. Stillinga inngår i leiarteamet for seksjon Drift og rapporterer til seksjonssjef Drift.</p><br /><h2>Arbeids- og ansvarsoppgåver:</h2><ul><li>Overordna ansvar for drift og vedlikehald av eigedomar og tekniske installasjonar i driftsområde Nord (hovudsakleg Sydnes/Nygårdshøyden Nord og sentrumsområdet)</li><li>Personalansvar for medarbeidarane i drift Nord (til saman pt. 16 tilsette)</li><li>Planlegge og budsjettere drifts- og vedlikehaldsarbeidet</li><li>Kontakt og oppfølging av myndigheiter og krav fastsett i lover og forskrifter</li><li>Økonomiansvar, inkludert innkjøp av varer og tenester etter behov</li><li>Ansvar for at brukarane i bygga får den naudsynte oppfølging og støtte i samsvar med brukaravtalar</li></ul><br /><h2>Kvalifikasjonar og eigenskapar:</h2><p><strong>Søkjaren må ha følgjande kvalifikasjonar:</strong></p><ul><li>Høgare utdanning som sivilingeniør eller ingeniør innan byggtekniske fag. Bakgrunn frå fagområdet bygg vil òg bli vurdert. Lang relevant praksis kombinert med relevant etter- og vidareutdanning kan i særskilte høve kompensere for manglande formell utdanning</li><li>Omfattande relevant praksis, fortrinnsvis innan drift og vedlikehald av større bygg</li><li>Dokumentert leiarerfaring med personal- og budsjettansvar</li><li>Gode IT-kunnskapar og evne til å ta i bruk nye digitale verktøy</li><li>Gode språkkunnskapar og god evne til å kommunisere munnleg og skriftleg</li></ul><p><strong>Vi ser det som ein føremon at søkjar har:</strong></p><ul><li>Kjennskap til bygningsvern, då store deler av bygga er omfatta av landsverneplanen</li><li>Erfaring frå organisasjonsutvikling</li><li>Erfaring med digitale FDV-verktøy og oppbygging av FDV-dokumentasjon</li></ul><p><strong>Personlege eigenskapar som er naudsynte for stillinga vil bli vektlagt. Vi ser etter ein person med:</strong></p><ul><li>Evne til å jobbe i team og bidra til at alle jobbar mot felles mål</li><li>Evne til å motivere, utvikle og støtte medarbeidarar i det daglege arbeidet</li><li>Evne til å identifisere utviklingsbehov og bidra til å styrke organisasjonen si drift og struktur</li><li>Evne og vilje til å bidra til godt arbeidsmiljø og samhandling på driftsområdet, EIA og heile UiB</li><li>God fleirfagleg innsikt og økonomisk forståing</li><li>Evne til å prioritere oppgåver og vere leveransedyktig sjølv med tidvis store arbeidsmengder</li></ul><br /><h2>Vi tilbyr:</h2><ul><li>Eit godt og fagleg utfordrande arbeidsmiljø med varierte og utfordrande arbeidsoppgåver</li><li>Inspirerande, inkluderande og triveleg arbeidsmiljø</li><li>Løn etter stilling som senioringeniør (kode 1181) eller overingeniør (kode 1087) kr 890.000 – 990.000 etter kvalifikasjonar og bakgrunn. For særleg kvalifiserte søkjarar kan vi vurdere høgare løn</li><li>Opplæring og moglegheit for vidareutdanning og utvikling</li><li>Medlemsskap i Statens Pensjonskasse med god pensjons- og forsikringsordning</li><li>Bustadlån til gunstige vilkår i Statens Pensjonskasse</li><li>Stilling i ei inkluderande arbeidslivsverksemd (IA-verksemd)</li><li>Gode <a href="https://www.uib.no/foransatte/17399/velferd" rel="nofollow">velferdsordningar</a> som bedriftsidrettslag, bedriftshytter, kulturarrangement og bedriftsbarnehage</li></ul><p>Her kan du lese meir om kva UiB kan tilby: https://www.uib.no/hr/74687/hva-kan-universitetet-tilby-sine-medarbeidere<br />Her kan du lese om Eigedomsavdelinga som arbeidsplass: https://www.uib.no/eia/96627/eiendomsavdelingen-som-arbeidsplass</p><br /><h2>Generell informasjon:</h2><p>Utfyllande opplysningar om stillinga kan ein få ved å vende seg til:  Seksjonssjef Drift Jan-Terje Nygaard, mob. 915 64 650, email jtn&#64;uib.no, Eigedomsdirektør Kjartan Nesset, mob. 959 12 831</p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p> <p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>UiB er underlagt regelverket for eksportkontroll og regelverket kan komme til anvending ved behandling av søknader til stillinga.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.</p><br />

Områdeleiar Eiendomsdrift driftsområde nord - Eiendomsavdelinga