Universitetet I Bergen

Bergen

Åslaug Ommundsen

Prosjektleiar

Anders Fagerjord

Instituttleiar 

<h2>Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p> Video: https://youtu.be/M5n6RnScNgA<br /><h2>Mellombels forskar (1109) i prosjektet CODICUM</h2><p>Velkomen som søkjar til ei mellombels 100% stilling som forskar (1109) ved prosjektet CODICUM ved Institutt for lingvistiske, litterære og estetiske studium. Tilsetjing er for fire månader, med moglegheit for forlenging. Oppstart i stillinga så snart som mogleg eller etter avtale.</p><br /><h2>Om instituttet</h2><p>LLE har kring 80 vitskapleg tilsette, 17 administrativt tilsette, rundt 40 ph.d.-kandidatar og sju postdoktorar. Instituttet femner om faga allmenn litteraturvitskap, digital kultur, klassiske fag, kunsthistorie, nordisk litteratur, språk og fagdidaktikk, norrøn filologi, norsk som andrespråk, språkvitskap og teatervitskap.</p><br /><h2>Om prosjektet</h2><p>CODICUM (The Medieval Book and Networks of Northern Europe c. 1000–1500: Texts, Crafts, Fragments) er eit seksårig, ERC-finansiert prosjekt som undersøker Nordens rike samlingar av bokfragment for å utforske korleis mellomalderens bøker forma Nord-Europa ca. 1000-1500. CODICUM er eit samarbeid mellom Universitetet i Bergen, Universitetet i København, Universitetet i Helsinki, Syddansk universitet, Riksarkivet i Stockholm og Det kgl. Bibliotek i København. </p><p>Meir informasjon om prosjektet her: <a href="https://www.codicum.eu/" rel="nofollow">www.codicum.eu</a></p><br /><h2>Arbeidsoppgåver</h2><p>Formålet med stillinga er å skape rammeverket for ein digital forskingsdatabase over fragmenta ved Rigsarkivet i Danmark, og klargjere databasen for ytterlegare digital registrering av forskingsdata frå CODICUM-prosjektet.</p><p>Arbeidet vil  mellom anna bestå i å gjennomgå dei eksisterande Codex-registratura over dansk fragmentmateriale og sørge for at relevant innhald blir inkludert i forskingsdatabasen. Ei primær oppgåve er å sørge for at forskingsdatabasen inneheld tilgjengeleg materiale frå tidlegare registratur. Ei ytterlegare oppgåve vil vere å gå gjennom og systematisere eksisterande forskingsfoto tekne ved Rigsarkivet i Danmark.</p><p>Den som blir tilsett, skal utføre oppgåvene i nært samspel med ulike prosjektleiarar i forskingsprosjektet CODICUM, og i samsvar med retningslinjene utarbeidde mellom CODICUM og Rigsarkivet i Danmark.</p><br /><h2>Kvalifikasjonar og personlege eigenskapar:</h2><ul><li>Søkjar må ha oppnådd norsk doktorgrad eller tilsvarande utanlandsk doktorgrad i latin, historie eller eit anna relevant fagfelt. </li><li>Gode latinkunnskapar.</li><li>Kjennskap til dei nordiske samlingane av mellomalderlege bokfragment.</li><li>Erfaring frå arbeid i arkiv og samlingar, gjerne med katalogisering.</li></ul><p>Det er ein føremon om du har:</p><ul><li>Grunnleggjande kjennskap til liturgi og kyrrkjeårets organisering.</li><li>Grunnleggjande kunnskap om paleografi.</li><li>Grunnleggjande erfaring med excelfiler og spreadsheets.</li><li>Gode samarbeids- og kommunikasjonsevner.</li><li>Evne til å arbeide ryddig og sjølvstendig.</li></ul><p>Personlege eigenskapar vil bli vektlagd i vurderinga.</p><p>Den primære arbeidsstaden vil vere ved Institutt for lingvistiske, litterære og estetiske studium, Universitetet i Bergen. Det kan etter nærare avtale og godkjenning frå instituttet vurderast om arbeidsoppgåvene kan utførast frå ein annan stad i Noreg. Stillinga involverer også reiseverksemd , primært til København og Odense, men også til Stockholm. Prosjektet dekker reisekostnader i samsvar med statens reiseregulativ.<br /><br />Det blir kravd at ein rettar seg etter dei retningslinene som til ei kvar tid gjeld for stillinga.</p><br /><h2>Vi kan tilby:</h2><ul><li>Eit godt og fagleg utfordrande arbeidsmiljø.</li><li>Brutto årsløn på 657 000-705  000 kr i full stilling (kode 1109). For særleg kvalifiserte søkjarar kan det bli aktuelt å vurdere høgare løn.</li><li>Medlemskap i Statens pensjonskasse.</li><li>Gode <a href="https://www.uib.no/foransatte/17399/velferd" rel="nofollow">velferdsordningar</a>.</li></ul><br /><h2>Slik søkjer du stillinga: </h2><p>Søknaden skal sendast elektronisk innan søknadsfristen via lenka «SØK STILLINGA» på denne sida. </p><p>Søkjaren må fylle ut det elektroniske cv-skjemaet, og søknaden må innehalda:</p><ul><li>Søknadsbrev med ein omtale av søkjaren sine forskingsinteresser, kvalifikasjonar, erfaring og personlege eigenskapar og motivasjon for å søkje stillinga.</li><li>CV.</li><li>Fullstendig liste over akademiske publikasjonar.</li><li>Vitnemål og diplomar frå universitet/høgskular og attestar (skanna originalar eller stadfesta kopiar).</li><li>Relevante stadfestingar og attestar.</li><li>Namn og kontaktinformasjon til to referansepersonar.</li></ul><p>Søknad og vedlegg må lastast opp i Jobbnorge i Word- eller pdf-format. Dokumenta må vere på engelsk, norsk eller eit skandinavisk språk, eventuelt attesterte omsetjingar til desse språka.</p><p>Aktuelle kandidatar vil bli kalla inn til intervju.</p><br /><h2>Generell informasjon:</h2><p>Utfyllande opplysningar om stillinga kan ein få ved å vende seg til prosjektleiar Åslaug Ommundsen på telefon: &#43;47 928 66 169, eller epost: <a href="mailto:aslaug.ommundsen&#64;uib.no" rel="nofollow">aslaug.ommundsen&#64;uib.no</a> eller instituttleiar Anders Fagerjord på telefon: &#43;47 55583653, eller e-post: <a href="mailto:anders.fagerjord&#64;uib.no" rel="nofollow">anders.fagerjord&#64;uib.no</a>.</p><p>Spørsmål om den elektroniske søknadsprosessen kan sendast til <a href="mailto:fakadm&#64;hf.uib.no" rel="nofollow">fakadm&#64;hf.uib.no</a>.</p><p>Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.</p> <p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. </p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. </p><p>Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.</p><br />

Mellombels forskarstilling i prosjektet CODICUM