Universitetet I Bergen

Bergen

<h2>UiB - Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p>Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Førsteamanuensis (innstegsstilling) </h2><p><a href="https://www.uib.no/ii" rel="nofollow">Institutt for informatikk</a> ønskjer å rekruttere ein førsteamanuensis i optimering i innstegsstilling. Dette er ei svært karrierefokusert og attraktiv åremålsstilling med varigheit i seks år, med moglegheiter til fast tilsetjing som professor ved slutten av tilsetjingsperioden.</p><p><strong>Om instituttet</strong><br />Digitalisering av bedrifter, industri, offentleg administrasjon og utdanning gjer at informatikk spelar ei stadig viktigare rolle i samfunnsutviklinga. Forsking og utdanning i informatikk er avgjerande for at den digitale transformasjonen av samfunnet vårt skal lukkast. Institutt for informatikk bidreg til dette gjennom åtte forskingsgrupper som leverer forsking og utdanning på eit høgt internasjonalt nivå i algoritmar, bioinformatikk, informasjonstryggleik, maskinlæring, optimering, programmeringsteori, visualisering og didaktikk. Tilknytte senter og laboratorium inkluderer <a href="https://w4.uib.no/forskning/forskningssentre/center-for-data-science-cedas" rel="nofollow">Center for Data Science (CEDAS)</a>, <a href="https://cbu.w.uib.no/hjem/" rel="nofollow">Computational Biology Unit (CBU)</a> og <a href="https://www.uib.no/energiinformatikk" rel="nofollow">Energy Informatics Lab</a>, som er ei viktig forlenging av instituttet sine aktivitetar innan utdanning og forsking.</p><p><br />Instituttet tilbyr utdanning for framtida på bachelor-, master- og doktorgradsnivå. Instituttet er i rask vekst med omsyn til talet på studentar, forskingsretningar og tilsette. Vi har i dag om lag 1000 studentar, og 150 tilsette frå over 35 land, der 37 er vitskapelege tilsette og 50 er doktorgradskandidatar.</p><br /><h2>Om arbeidsoppgåvene</h2><p>Vi søkjer etter ein kandidat med sterk forskingsprofil innan kombinatorisk optimering som kan bidra til framifrå kvalitet i både forsking og undervisning. Vi søkjer etter kandidatar med solid teoretisk bakgrunn, og særleg kandidatar med erfaring frå bruksretta forsking innan energisystem, logistikk, styring av forsyningslinjer, og/eller praktisk kunstig intelligens.</p><br /><h2>Kvalifikasjonar og eigenskapar</h2><ul><li>Norsk ph.d.-grad, eller ein tilsvarande grad, i informatikk oppnådd ein gong dei siste 5 åra (kan utvidast i t.d. i samband med lovfesta permisjon).</li><li>Erfaring med forsking på kombinatoriske optimeringsproblem, teoretisk eller bruksretta, dokumentert gjennom publikasjonar i relevante tidsskrift, er eit krav.</li><li>Erfaring med undervisning i emne knytte til optimering er eit krav.</li><li>Erfaring med forsking på bruksretta kunstig intelligens, energi-informatikk, styring av forsyningslinjer, fleirmålsoptimering, eller heuristikkutforming for komplekse problem er ein fordel.</li><li>Erfaring med undervisning i emne knytte til energisystem og styring av forsyningslinjer er ein fordel.</li><li>Erfaring med å skrive søknader om forskingsmidlar er ein fordel.</li><li>Erfaring med rettleiing av studentar er ein fordel.</li><li>Vitskaplege resultat inkludert publikasjonar og aktivitet innan utdanning og formidling vil bli evaluert og verdsett. Tida som har gått sidan oppnådd ph.d. vil bli tatt med i totalvurderinga.</li><li>Evne til å arbeide uavhengig, og har gode samarbeidsevner.</li><li>Bidra i forskingsgrupper, både som leiar og som deltakar.</li><li>Bidra til ekstern finansiering av forskingsaktivitetar, og evne til å skaffa ekstern finansiering bør dokumenterast.</li><li>Den som skal tilsetjast har glimrande evner i munnleg og skriftleg engelsk.</li></ul><p>Personlege og relasjonelle kvalitetar vil bli vektlagde. Forskingserfaring, ambisjonar og potensial vil òg telje når søkjarane blir evaluerte.</p><p><strong>Særeigne krav for stillinga</strong></p><p>UiB er underlagd regelverket for eksportkontroll og regelverket gjeld ved behandling av søknadar til stillinga.</p><br /><h2>Krav til utdanningsfagleg kompetanse</h2><p>Til stilling som førsteamanuensis blir det kravd grunnleggjande kompetanse for undervisning og rettleiing på universitets- og høgskulenivå. Dette inneber dokumentasjon av</p><ul><li>fullført universitetspedagogisk utdanning (relevante kurs i kombinasjon med eigen praktisk undervisning vil kunne erstatte universitetspedagogisk program)</li><li>grunnleggjande ferdigheiter innan planlegging, gjennomføring, evaluering og utvikling av undervisning og rettleiing</li></ul><p><br />Utdanningsfagleg kompetanse skal dokumenterast gjennom ei utdanningsfagleg mappe. Denne skal innehalde oversikt over praktisk erfaring og kompetanse, dokumentasjon av dette og eit kortfatta refleksjonsnotat. Notatet skal primært vere knytt til eigen undervisningsfilosofi og vurdering av eigen undervisning i høve til kunnskap om studentar si læring i høgre utdanning. Nærare informasjon om kriterium og dokumentasjonskrav til <a href="https://regler.app.uib.no/regler/Del-3-Personal-og-HMS/3.1-Personalforvaltning/3.1.2-Regler-om-tilsetting/Regler-for-vurdering-av-utdanningsfaglig-kompetanse-ved-UiB/" rel="nofollow">utdanningsfagleg kompetanse finst her</a>.</p><p><br />Søkjarar som ikkje kan dokumentere tilstrekkeleg utdanningsfagleg kompetanse ved tilsetjing, vil bli pålagt å oppfylle krava innan to år etter tiltreding.</p><p><br />Undervisningsspråket er i hovudsak norsk. Den som blir tilsett må kunne undervise på norsk eller eit anna skandinavisk språk innan 3 år etter tiltreding.</p><p><br />Ved Universitetet i Bergen blir det lagt reell vekt på pedagogiske kvalifikasjonar ved tilsetjing i vitskaplege mellom- og toppstillingar.</p><br /><h2>Om innstegsstillinga</h2><p>Målet med tilsetjing i ein innstegsstilling er å rekruttere ein kandidat til ein full fast stilling som professor. Fakultetet og instituttet vil bidra til utvikling av kompetanse innan undervisning, forsking, formidling og innovasjon for den som blir tilsett. Alle tilsette ved Institutt for informatikk vert forventa å bidra til framifrå forsking og undervisning av høg internasjonal kvalitet.</p><ul><li>For at søkjarar skal verte vurdert kvalifiserte, kan det ikkje ha gått meir enn fem år sidan avlagt doktorgrad. Søkjaren kan få tillegg i tid for permisjon knytt til fødsel eller adopsjon.</li><li>Ei midtvegsevaluering skal utførast i starten av fjerde året.</li><li>Ei sluttevaluering skal utførast i starten av det sjette året.</li><li>Fast tilsetjing som professor avheng av ei tilfredsstillande sluttevaluering.</li><li>Den som blir tilsett vil utføre dei same arbeidsoppgåvene som ein fast tilsett.</li><li>Ein ph.d.-stipendiat vil verte tildelt stillinga i løpet av andre året.</li><li>Den som blir tilsett skal ha erfarne faglege mentorar i første halvdel av perioden.</li></ul><p>Arbeidsplass for denne stillinga vil vere i forskingsgruppa for optimering. Førsteamanuensisen skal bidra til å ytterlegare styrke gruppa og delta i forsking og utdanning på linje med dei andre vitskaplege tilsette. Dette inkluderer undervisning og rettleiing av studentar på bachelor- og masternivå, samt rettleiing av minst ein ph.d. student gjennom til fullført grad for å oppnå kvalifikasjonane som krevst for å bli professor innan slutten av den seksårige tilsettingsperioden.</p><p>Den som blir tilsett skal:</p><ul><li>undervise studentar på bachelor, master og ph.d. nivå innan optimering, energisystem og forsyningskjedehandtering og andre relaterte fag,</li><li>når det trengs, til dømes når nye studieprogram skal etablerast, utvikle og undervise nye kurs som kompletterer eksisterande portefølje,</li><li>rettleie ph.d.- og masterstudentar innan optimering, energi, anvend maskinlæring og forsyningskjedestyring,</li><li>forske innan eitt eller fleire av følgjande område (gjerne på tvers av fleire av dei): kombinatorisk optimering, anvend kunstig intelligens, energi-informatikk, forsyningskjedestyring, fleirmålsoptimering og heuristikkutforming for komplekse problem,</li><li>utvikle eit bredt internasjonalt nettverk for samarbeid</li><li>formidle vitskaplege resultat på høgt anerkjende konferansar og i topprangerte tidsskrift,</li><li>i samarbeid med andre vitskapleg tilsette, utvikle optimeringsgruppa til å bli framifrå i forsking og undervisning,</li><li>ta ei leiande rolle i søknadar om ekstern finansiering, og</li><li>delta i oppsøkjande verksemd når dette er aktuelt innan optimering og energi-informatikk</li></ul><br /><h2>Vi tilbyr</h2><ul><li>eit godt og fagleg utfordrande arbeidsmiljø</li><li>ei årsløn på kr 760 000 – 890 000 brutto. Vidare opprykk skjer etter tenesteansiennitet. For særleg kvalifiserte søkjarar kan det bli aktuelt å vurdere høgare løn.</li><li>medlemskap i Statens pensjonskasse</li><li>gode <a href="https://www.uib.no/foransatte/17399/velferd" rel="nofollow">velferdsordningar</a></li></ul><br /><h2>Søknaden skal innehalde</h2><ul><li>CV,</li><li>vitnemål og attestar,</li><li>fullstendig publikasjonsliste,</li><li>ei kort utgreiing om søkjaren si interesse og motivasjon for å søkje denne stillinga, og ei oppsummering av dei viktigaste resultata i søkjaren si forsking (2-3 sider),</li><li>pedagogiske kvalifikasjonar og undervisingserfaring dokumentert i ei pedagogisk mappe (sjå over)</li><li>liste over vitskaplege arbeid du vil det skal takast omsyn til ved vurderinga, med opplysningar om kvar dei er publiserte, og</li><li>namn på minst to referansar, der minst ein av dei har kjennskap til undervisning- og rettleiingserfaring</li></ul><p>Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.</p><br /><h2>Generell informasjon</h2><p>Utfyllande opplysningar om stillinga kan ein få ved å vende seg til førsteamanuensis Ahmad Hemmati , Institutt for informatikk, epost: Ahmad.Hemmati&#64;uib.no, eller instituttleiar Inge Jonassen, Institutt for informatikk, epost: Inge.Jonassen&#64;uib.no.</p><p><br />For HR-relaterte førespurnader, ta kontakt med HR rådgjevar Maria Svåsand på telefon 55 58 86 62 eller e-post maria.svasand&#64;uib.no.</p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.<br /> </p><p>Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.</p> <p>Universitetet i Bergen nyttar meirinnsyn ved tilsetjing i vitskaplege stillingar.</p><p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.</p><br /><h2>Krav for å få fast tilsetjing som professor ved utløp av åremålsperioden</h2><p>Arbeidsavtalen, saman med utlysingstekst og stillingsomtale, fastset resultata, krava og kriteria den tilsette skal oppfylle i løpet av åremålsperioden for å få fast tilsetjing som professor.</p><p><br />I tillegg til krava som følgjer av &#34;Reglement for ansettelse i vitenskapelige stillinger og faglige/administrative lederstillinger&#34;, skal følgjande krav vere oppfylte for å få fast tilsetjing:</p><p>a.  Forsking:</p><ul><li>Kunne vise til god framdrift i utvikling av eiga forskarkarriere</li><li>Evne til sjølvstendig forsking, tverrfagleg samarbeid og forskingsleiing</li><li>Dokumentert sampublisering med andre forskarar i høgt rangerte internasjonale tidsskrift</li><li>Dokumentere aktiv deltaking og innlegg på nasjonale og internasjonale forskingskonferansar</li><li>Ha rettleia minst ein ph.d.-kandidat fram til fullført doktorgrad</li><li>Ha godt omdøme som forskingsrettleiar<br /> </li></ul><p>b. Undervisning:</p><ul><li>Ha deltatt i ordinær undervisning, rettleiing og eksamensavvikling</li><li>Ha oppnådd tilfredsstillande studentevaluering av eiga undervisning i løpet av åremålsperioden<br /> </li></ul><p>c. Formidling:</p><ul><li>Kunne vise til både profesjonsretta og allmennretta formidling av eiga forsking gjennom artiklar, foredrag, kronikkar og andre verkemiddel<br /> </li></ul><p>d. Akademisk leiing:</p><ul><li>Ha deltatt aktivt i det akademiske utviklingsarbeidet på institutt-, fakultets- og universitetsnivå.</li><li>Kunne vise til gode kommunikasjons- og samarbeidsevner og til deltaking i ulike forvaltingsorgan, sakkunnige nemnder, andre organ i sektoren og til samarbeid med andre relevante institusjonar</li><li>Kunne vise til oppdrag med fagfellevurdering av forskingspublikasjonar.<br /> </li></ul><p>e. Internasjonalt samarbeid:</p><ul><li>Aktiv deltaking i internasjonalt samarbeid, gjennomføring av samarbeidsprosjekt og publikasjonar med internasjonalt medforfattarskap.</li></ul><p> </p><br /><h2>Krav til tilsette i innstegsstilling som førsteamanuensis</h2><p>løpet av åremålsperioden skal den tilsette kvalifisere seg til fast professorstilling. Innan fire år av åremålsperioden vil det verte gjennomført ei midtvegsevaluering der den tilsette skal vurderast i høve til progresjon i stillinga ut frå krav om professorkompetanse. Evalueringa skal gjennomførast med utgangspunkt i arbeidsavtalen, og skal rettleie den tilsette i høve til kva oppgåver som skal prioriterast i resten av åremålsperioden for å oppfylle krava om fast tilsetjing som professor.</p><p><br />Den tilsette vil også få ei sluttevaluering før utløp av åremålsperioden i høve til om krava som var fastsett i arbeidsavtalen, er innfridd. Innan 12 månader før åremålet tek slutt skal fakultetsstyret ha oppnemnd ei sakkunnig nemnd og fastsett fristar for innlevering av arbeid frå den tilsette og nemnda. Den tilsette skal ha beskjed om fristar og sakkunnig nemnd så snart dette er vedteke.</p><p><br />Kandidaten skal informerast om utfallet av sluttevalueringa seinast seks månader før utgongen av åremålet. Kandidaten kan komma med merknader til evalueringa og det kan givast tilleggsfråsegn til dei delane av evalueringa.</p><p><br />Med utgangspunkt i sluttevalueringa avgjer fakultetsstyret om kandidaten skal få fast tilsetjing i stilling som professor.<br />For å få fast tilsetjing som professor ved Institutt for informatikk (jamfør forskrift om ansettelse og opprykk i undervisnings- og forskerstillinger, § 2) etter avslutta åremålsperiode, skal kandidaten gjennom ei sluttevaluering ha oppnådd gjeldande krav til professorkompetanse som skal godkjennast av fakultetsstyret ved Fakultet for naturvitskap og teknologi.</p><p><br />Den vanlege ordninga med å søkje personleg opprykk etter kompetanse gjeld ikkje for perioden vedkommande er åremålstilsett på innstegsvilkår. Ein viser til dei generelle reglane ved universitetet om at innanfor si normale arbeidsplikt og faglege kompetanse kan den som blir tilsett også bli pålagt undervisning, rettleiing og eksamensarbeid utanfor den organisasjonseininga stillinga er knytt til.</p><br />

Førsteamanuensis (innstegsstilling) i optimering