Universitetet I Bergen

Bergen

<h2>UiB - Kunnskap som formar samfunnet</h2>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Førsteamanuensis eller universitetslektor (20 % ekstraerverv) i medisin (rettsmedisin), Vestlandslegen (Bergen/Stavanger).</h2>Ved Det medisinske fakultet, Universitetet i Bergen, er det ledig ei åremålsstilling som førsteamanuensis (20 % ekstraerverv) i medisin (rettsmedisin) ved <a href="https://www.uib.no/k1" rel="nofollow">Klinisk institutt 1</a>. Stillinga er for fire (4) år frå 2026 etter nærare avtale. Stillinga er knytt til fast relevant hovudstilling som patolog (minimum 50 %) ved <a href="https://www.helse-bergen.no/" rel="nofollow">Haukeland Universitetssjukehus</a> eller <a href="https://www.helse-stavanger.no/" rel="nofollow">Stavanger Universitetssjukehus</a>. Dersom det ikkje melder seg kvalifiserte søkjarar som førsteamanuensis, er det aktuelt å tilsetje universitetslektor. Arbeidsstad er Bergen eller Stavanger.Vi søkjer etter nye kollegaer som saman med tilsette ved institutta vil bidra til framifrå undervisning for medisinstudentane. <h2>Arbeidsoppgåver/forskingsområde:</h2>Førsteamanuensis:Den som vert tilsett, skal undervise og rettleie studentar, og undervisningsplikta i stillinga er først og fremst knytt til undervisning av medisinstudentar. I tillegg skal den som vert tilsett i stillinga, drive forsking innan relevant fagområde.Universitetslektor:Den som vert tilsett, skal undervise og rettleie medisinstudentar, samt ta på seg administrative oppgåver etter rettleiande tidsmessige rammer. For begge typar stillingar gjeld: Den som vert tilsett, skal undervise studentar i dei studieprogramma som til ei kvar tid pågår ved Fakultetet. Hovudansvaret vil være å koordinere og tilby likeverdig undervisning innan fagområdet rettsmedisin til dei <a href="https://www.uib.no/vestlandslegen" rel="nofollow">fire studiestadane i medisinarutdanninga på Vestlandet</a> (Bergen, Stavanger, Haugesund, Førde). Det kan og vere aktuelt på gje undervisning i relaterte emne og studieprogram. <h2>Kvalifikasjonar og eigenskapar:</h2>Førsteamanuensis:<ul><li>Søkjar må vere lege (cand.med) og fortrinnsvis ha spesialitet eller være under utdanning i patologi.</li><li>Kvalifiserte søkjarar har norsk doktorgrad i eit relevant fagfelt, eller tilsvarande kompetanse.</li><li>Den ideelle kandidaten har også erfaring med undervisning på bachelor- og masternivå eller i profesjonsutdanningar, og frå rettleiing av ph.d.- kandidatar. </li><li>Det er eit ønskje at søkjar har brei og relevant erfaring innan patologi og rettsmedisin, samt stort engasjement og interesse for undervisning. </li><li>Det er eit ønskje at søkjar har undervisnings- og administrativ erfaring, samt erfaring med populærvitskapleg formidling.</li><li>Det vert lagt vekt på dokumentert vilje og evne til samarbeid.</li></ul> Personlege eigenskapar vil bli lagt vekt på. Undervisningsfagleg kompetanse er eit krav for stillinga. Sjå retningsliner for oppretting av ei pedagogisk mappe på <a href="https://www.uib.no/med/enhetforl%C3%A6ring/132056/pedagogisk-kompetanse-vitenskapelig-ansatte-faq" rel="nofollow">Eining for læring</a>. Førsteamanuensis som ikkje oppfyller kravet før tilsetjing vil få tilbod om og pliktar å gjennomføre pedagogisk opplæring. Undervisningsspråket er til vanleg norsk. Det blir kravd at den som blir tilsett har ferdigheiter i norsk eller eit anna skandinavisk språk på nivå B2 innan tre år etter tilsetjinga. UiB tilbyr norskopplæring og vil legge til rette for at språkkravet kan oppfyllast.  Universitetslektor:<ul><li>Søkjar må vere lege (cand.med) og fortrinnsvis ha spesialitet eller være under utdanning i patologi.</li><li>Det er eit ønskje at søkjar har relevant erfaring innan patologi og rettsmedisin, samt stort engasjement og interesse for undervisning. </li><li>Det er eit ønskje at søkjar har undervisnings- og administrativ erfaring, samt erfaring med populærvitskapleg formidling.</li><li>Det vert lagt vekt på dokumentert vilje og evne til samarbeid.</li></ul> Personlege eigenskapar vil bli lagt vekt på.  <h2>Vi tilbyr:</h2><ul><li>Eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt</li><li>Faglege utfordringar med gode høve for personleg utvikling og kompetanseutvikling</li><li>Førsteamanuensis: Løn er for tida kr 760 000 - 770 000 (kode 1011), eller løn for  spesialist kr 770 000 - 805 000. Løn er brutto  pr. år for ei fulltidsstilling i lønsregulativet til staten ved tilsetjing. For særleg  kvalifisert søkjar kan det verte aktuelt å vurdere høgare løn.</li><li>Universitetslektor: Løn er for tida kr 630 000 – 680 000 (kode 1009) brutto pr. år for ei  fulltidsstilling. For særleg kvalifisert søkjar kan det verte aktuelt å vurdere  høgare løn.</li><li>God pensjonsordning i Statens pensjonskasse</li><li>Gode <a href="https://www.uib.no/foransatte/17399/velferd" rel="nofollow">velferdsordningar</a></li></ul> <h2>Søknaden skal innehalde:</h2>Søknaden for førsteamanuensis skal ha med:<ul><li>Søknad som fortel kvifor du søkjer stillinga</li><li>Utfyllande CV samt relevante vitnemål og attestar</li><li>Fullstendig publikasjonsliste</li><li>Pedagogisk mappe, sjå <a href="https://www.uib.no/med/enhetforl%C3%A6ring/132056/pedagogisk-kompetanse-vitenskapelig-ansatte-faq#hvem-gjelder-kravet-for-" rel="nofollow">Eining for læring</a></li><li>Ei liste over vitskaplege arbeid du vil det skal takast omsyn til ved vurderinga (høgst 10). For kvart arbeid skal det følgje med eit kort samandrag som omtalar dei viktigaste funna i arbeidet</li><li>Dei 10 vitskaplege arbeida frå punktet over i pdf-format</li><li>Namn og kontaktinformasjon til minst to referansar.</li></ul>Søknaden for universitetslektor skal innehalde:<ul><li>Søknad som fortel kvifor du søkjer stillinga </li><li>Utfyllande CV og karakterutskrifter (all høgare utdanning) og relevante attestar</li><li>Dokumentasjon på utdanningsfagleg kompetanse</li><li>Namn og kontaktinformasjon til minst to referansar</li><li>Dersom du driv forsking legg du og ved: fullstendig publikasjonsliste og vitskaplege arbeid (maks 10) i pdf format.</li></ul>Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden.  <h2>Generell informasjon:</h2>Utfyllande opplysningar om stillinga får ein ved å vende seg til instituttleiar ved Klinisk institutt 1 <a href="https://www4.uib.no/finn-ansatte/Christian.Alexander.Vedeler?gad_source&#61;1&amp;gad_campaignid&#61;23299173048&amp;gclid&#61;Cj0KCQiAo4TKBhDRARIsAGW29be10DStsQ3NgfmaBk1Q4wkn_drLt-RLKgF5h1ViAjvcvHh2wWu-U9MaAjOXEALw_wcB" rel="nofollow">professor Christian Vedeler</a>, <a href="mailto:christian.vedeler&#64;uib.no" rel="nofollow">christian.vedeler&#64;uib.no</a>.Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.  Universitetet i Bergen nyttar meirinnsyn ved tilsetjing i vitskaplege stillingar.Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.

Førsteamanuensis eller universitetslektor (20 % ekstraerverv) i rettsmedisin, Bergen/Stavanger.