Universitetet I Bergen

Bergen

Ritske Sipke Huismans

Professor

<h2>Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.</p> Video: https://youtu.be/M5n6RnScNgA<br /><h2>Forskar </h2><p>Ved <a href="https://www.uib.no/geo/" rel="nofollow">Institutt for geovitenskap </a>er det ledig ei mellombels stilling som forskar innan 2D/3D geodynamisk modellering av kopla geodynamisk–overflateprosessmodellering av kontinentale riftdanningsbasseng. Stillinga er for ein periode på 1 år og knytt til prosjektet “3D modelling of the tectonic-stratigraphic evolution of the North Sea”, finansiert av Akademiaavtalen mellom Equinor og Universitetet i Bergen. </p><br /><h2>Om prosjektet/arbeidsoppgåver:</h2><p>Prosjektet vil fokusere på å forstå tektoniske kontrollar på strukturen til sedimentære basseng i det nordlege Nordsjø-riftsystemet. Vi ønskjer spesielt å undersøke utviklinga av strain-lokalisering i riftsystemet og korleis dette har påverka fordeling av sediment. Forskinga vil involvere:</p><ul><li>Undersøking av faktorar som styrer utviklinga av strain-lokalisering og fordelinga av forkastingsnettverk under kontinental rifting, med særleg fokus på arvelege strukturar, ved bruk av både 2D- og 3D-modellering.</li><li>Undersøking av kva som styrer danninga av segmenterte, store forkastingar med forskyving, slik som observert i Vikinggraben, ved hjelp av 3D-modellar.</li><li>Undersøking av samspel og kopling mellom tektonisk deformasjon og tilhøyrande erosjon og sedimentasjon, og korleis dette påverkar riftstruktur, fordeling og forskyving av forkastingsnettverk, og vidare sedimentær bassengarkitektur.</li><li>Integrasjon av observasjonar frå det nordlege Nordsjø-riftsystemet med 2D- og 3D-kopla tektonisk–overflateprosessmodellar.</li><li>Samarbeid med prosjektpartnarar ved Universitetet i Oslo, Scripps Institution of Oceanography og Equinor.</li><li>Presentasjon av resultat på internasjonale konferansar.</li><li>Produksjon av skriftlege rapportar og publisering av resultat i fagfellevurderte geovitskaplege tidsskrift.</li></ul><br /><h2>Kvalifikasjonar og eigenskapar:</h2><ul><li>Søkjarar må ha oppnådd ein grad tilsvarande ein norsk doktorgrad (PhD) innanfor innan tektonikk/geodynamikk, eller ha levert doktoravhandlinga si til vurdering innan søknadsfristen er ute. Det er ein føresetnad at doktorgraden er oppnådd før tilsetjing kan skje. </li><li>Erfaring med og forskingsinteresse innan kvantitativ tektonisk og overflateprosessmodellering modellering og kvantitativ geovitskap er eit krav.</li><li>Erfaring med og forskingsinteresse innan rifta passive marginar og langtidstektonikk er eit krav.</li><li>Bevis på evne til å presentere og publisere forskingsresultat på internasjonalt nivå og dokumentert forskingspotensial er eit krav.</li><li>Søkjarar må kunne arbeide sjølvstendig, strukturert og ha gode samarbeidsevner.</li><li>Søkarar må ha gode engelskkunnskapar, skriftleg og munnleg.</li></ul><p>Personlege og mellommenneskelege eigenskapar vil bli lagt vekt på. Forskingsrøynsle, ambisjonar og potensial vil også telle ved vurdering av kandidatane.</p><p><strong>Særeigne krav for stillinga</strong></p><p>UiB er underlagd regelverket for eksportkontroll og regelverket gjeld ved behandling av søknadar til stillinga.</p><br /><h2>Vi kan tilby:</h2><ul><li>eit godt og fagleg stimulerande arbeidsmiljø.</li><li>medlemsskap i Statens pensjonskasse.</li><li>stilling som forskar (kode 1109 i hovudtariffavtalane i staten) og brutto årsløn på kr 657 000 ved tilsetjing. Vidare opprykk skjer etter stillingsansiennitet. For særleg kvalifiserte søkjarar kan det bli aktuelt å vurdere høgare løn.    </li><li>Gode <a href="https://www.uib.no/foransatte/17399/velferd" rel="nofollow">velferdsordningar</a>.</li></ul><br /><h2>Søknaden skal innehalde:</h2><ul><li>ei kort utgreiing om søkjaren sine forskingsinteresser og motivasjonen for å søkje stillinga.</li><li>namn og kontaktopplysningar til to referansar. Ein av desse bør vere hovudrettleiaren frå doktorgradsutdanninga.</li><li>CV</li><li>karakterutskrifter og vitnemål. Dersom du enno ikkje har fullført doktorgraden må du levere ei stadfesting på at doktorgradsavhandlinga er levert.  </li><li>relevante attestar</li><li>liste over vitskaplege arbeid (publikasjonsliste)</li></ul><p>Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge. </p><br /><h2>Generell informasjon:</h2><p>Utfyllande opplysningar om stillinga kan ein få ved å vende seg til: Professor Ritske Huismans, Institutt for geovitenskap, <a href="mailto:Ritske.Huismans&#64;uib.no" rel="nofollow">Ritske.Huismans&#64;uib.no</a>, &#43;47 55588117</p><p>For HR-relaterte spørsmål ta kontakt med HR-rådgjevar Mathilde Høgalmen, <a href="mailto:Mathilde.hogalmen&#64;uib.no" rel="nofollow">Mathilde.hogalmen&#64;uib.no</a>.</p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. </p><p>Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.</p> <p>Universitetet i Bergen nyttar meirinnsyn ved tilsetjing i vitskaplege stillingar. </p><p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. </p><p>Nærare om tilsettingsprosessen <a href="http://www.uib.no/poa/74251/tilsettingsprosessen" rel="nofollow">her</a>.</p><br />

Forskar 1109 innan 2D/3D kopla geodynamisk–overflateprosessmodellering av kontinental riftdanning