Universitetet I Bergen

Bergen

<h2>Kunnskap som formar samfunnet</h2><p>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.<br /> </p>Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Prosjektkoordinator (Rådgjevar)</h2><p>Vil du vere med å sikre god økonomistyring i banebrytande forskingsprosjektet ved Det medisinske fakultet? Vi søker ein strukturert og analytisk prosjektkoordinator som trivst med ansvar og er god på samarbeid. </p><p><br />Som prosjektkoordinator får du ei sentral rolle i økonomistyringa av forskingsprosjekt med stor samfunnsverdi. Du vil ha ansvar for din eigen prosjektportefølje og samtidig koordinere den økonomiske oppfølginga av ein samla prosjektportefølje på ca. 200 mill. kr. per år ved Klinisk institutt 1 og Klinisk institutt 2.<br />Du koordinerer eit team på fem prosjektøkonomar og sikrar korrekt budsjettering og rapportering i tett samarbeid med leiinga. Stillinga inneber også samarbeid med andre økonomimiljø ved fakultetet og UiB.<br />Vi nyttar Unit4 ERP som økonomisystem og Excel som dagleg arbeidsverktøy.</p><p><br /><strong>Kvifor velje oss?</strong><br />Klinisk institutt 1 og Klinisk institutt 2 har omfattande forskingsaktivitet. Hos oss får du moglegheita til å jobbe med spennande økonomiske utfordringar og bidra til forsking som utgjer ein forskjell. Administrasjonen har ei nøkkelrolle i å gi solid støtte til den faglege verksemda – og du blir ein viktig del av dette.</p><br /><h2>Arbeidsoppgåver:</h2><p>Hovudoppgåvene er å drive prosjektoppfølging og å koordinere prosjektporteføljane til ei gruppe av prosjektøkonomar. I tillegg vil du utøve analyse, rådgjeving og gje administrativ støtte innan eksternfinansiert verksemd.</p><p>Sentrale oppgåver vil blant anna vere:</p><ul><li>Koordinere økonomisk oppfølging av prosjektporteføljen på institutta</li><li>Ansvar for eigne bidrags- og oppdragsprosjekt</li><li>Utarbeide og følge opp budsjett, rapporteringar og avviksanalysar</li><li>Gi rådgjeving og styringsinformasjon til leiarar</li><li>Sikre god kvalitet og internkontroll i økonomistyringa</li><li>Saksbehandlingsoppgåver, utgreiings- og utviklingsoppgåver som krev stor grad av sjølvstende og problemløysing</li><li>Det kan verte aktuelt å leggje andre oppgåver til stillinga.</li></ul><br /><h2>Kvalifikasjonar og eigenskapar:</h2><p><strong>Vi søkjer deg som har følgande kvalifikasjonar:</strong></p><ul><li>Du er siviløkonom eller har mastergrad i økonomiske fag. Delar av utdanningskravet kan kompenserast for ved relevant erfaring og etter/vidareutdanning</li><li>Fleire års relevant erfaring er naudsynt ved tilsetjing som rådgjevar</li><li>Erfaring frå økonomioppfølging/controllararbeid og rådgjeving i prosjekter</li><li>Erfaring frå å sette seg inn i komplekse regelverk</li><li>Svært god skriftleg og munnleg framstillings- og kommunikasjonsevne både på norsk og engelsk</li><li>God rekneskaps- og tallforståing</li><li>God digital kompetanse og gode ferdigheiter i bruk av Excel</li></ul><p><strong>Ønska kvalifikasjonar:</strong></p><ul><li>Erfaring frå rapportering til ulike finansieringskjelder er ein styrke</li><li>Kjennskap til EUs forskingsprogram og Norges Forskningsråd er ein styrke</li><li>Erfaring med økonomiarbeid frå tilsvarande verksemd og kjennskap til universitetssektoren er ein fordel</li><li>Ønskeleg med erfaring frå og kjennskap til universitets- og høgskulesektoren</li><li>Ønskeleg med kjennskap til Unit4-ERP eller liknande system</li></ul><p><strong>Vi søkjer deg som </strong></p><ul><li>Er strukturert, analytisk og løysingsorientert</li><li>Trivest med varierte oppgåver og har god gjennomføringsevne</li><li>Jobbar sjølvstendig, nøyaktig og målbevisst</li><li>Har høy serviceinnstilling og gode samarbeidsevne</li><li>Evnar å handtere mange oppgåver samtidig – både planlagde og uventa</li></ul><p>I vår samla vurderinga av kva for kandidat som er best kvalifisert, vil vi gjere ei heilskapleg vurdering av utdanning, erfaring og personlege eigenskapar, motivasjon og andre kvalifikasjonskrav som kjem fram av annonseteksten.</p><br /><h2>Vi kan tilby:</h2><ul><li>Ei spennande, kompleks og utfordrande stilling i eit sterkt fagmiljø</li><li>Ei stor kontaktflate i organisasjonen og moglegheit til å påverke økonomistyringa i forskingsprosjekt</li><li>Gode kollegaer som deler kunnskap</li><li>Løn i stilling som rådgjevar (stillingskode 1434) i lønsspenn frå kr 670.000 til kr 770.000 avhengig av erfaring og kvalifikasjonar</li><li>Medlemskap i Statens pensjonskasse, med blant anna gode pensjons- og forsikringsordningar</li><li>Fleksibel arbeidstid og gode <a href="https://www.uib.no/foransatte/17399/velferd" rel="nofollow">velferdsordningar</a></li></ul><br /><h2>Generell informasjon:</h2><p>Utfyllande opplysningar om stillinga får du ved å kontakte økonomisjef Kristine Tangen, anten på mobil 95 11 66 94, eller e-post: <a href="mailto:kristine.tangen&#64;uib.no" rel="nofollow">kristine.tangen&#64;uib.no</a>.</p><p>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.</p> <p>Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.</p><p>Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.</p><br />

Er du vår nye prosjektkoordinator ved Det medisinske fakultet?