Universitetet I Bergen

Bergen

<h2>Kunnskap som formar samfunnet</h2>UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.Video: <a href="https://youtu.be/M5n6RnScNgA" rel="nofollow">https://youtu.be/M5n6RnScNgA</a><h2>Arkeologisk feltarbeid 2026</h2>Universitetsmuseet i Bergen har forsking, samlingsforvalting og formidling som kjerneoppgåver. Museet har fagfelta antropologi, arkeologi, kunst- og kulturhistorie, botanikk, geologi og zoologi. Museet har også ansvaret for to botaniske hagar. Universitetsmuseet har omfattande vitskaplege samlingar og er ein sentral arena for forskingskommunikasjon for UiB. Museet har om lag 155 årsverk. Nærare informasjon finn du her: <a href="https://www.uib.no/universitetsmuseet" rel="nofollow">https://www.uib.no/universitetsmuseet</a>Fornminneseksjonen har ansvar for sakshandsaming etter lov om kulturminne og forvaltingsinitierte utgravingar i Universitetsmuseet i Bergen sitt distrikt, som omfattar Vestland og Sunnmøre. I tillegg er seksjonen delegert ansvar for forvaltinga av bergkunstlokalitetar innanfor sitt forvaltingsområde. Universitetsmuseet har for feltsesongen 2026 behov for personell til arkeologisk feltarbeid. Feltsesongen strekkjer frå midten av februar til november.Tilsetjingane vil vere av ulik lengd og kan omfatte deltaking i fleire prosjekt. Alle søknader blir vurderte som generelle, det vil seie at dei kan nyttast for alt feltarbeid innanfor det tidsrommet søkjaren har oppgitt at hen kan arbeide. Det er likevel ønskjeleg at søkjaren gjer greie for faglege og/eller tematiske prioriteringar i søknadsbrevet. Søkjarane må ha relevant arkeologisk utdanning. Tildeling av arbeid skjer på bakgrunn av prosjekta sine behov, vurdert opp mot søkjaren si felterfaring, spesialkompetanse og faglege kvalifikasjonar.For alle stillingane gjeld Vi søkjer engasjerte og fagleg medvitne medarbeidarar som kan arbeide i team, tidvis under krevjande feltforhold. Det blir lagt vekt på evne og vilje til å bidra til eit godt og inkluderande arbeidsmiljø. <h2>Om stillingane:</h2>Feltarkeolog (stillingskode 1085, avdelingsingeniør)Arbeidsoppgåver: <ul><li>Feltarkeolog utfører arkeologisk feltarbeid under leiing av feltleiar eller utgravingsleiar. Arbeidsoppgåvene omfattar mellom anna utgraving, prøvetaking, handsaming av funn, dokumentasjon, innmåling og databehandling i Intrasis. Andre relevante oppgåver kan bli lagde til stillinga.</li></ul>Feltleiar (stillingskode 1087 overingeniør) Arbeidsoppgåver: <ul><li>Feltleiar avlastar prosjektleiar eller utgravingsleiar ved arkeologiske utgravingsprosjekt. Feltleiar kan verte gjeve dagleg leiaransvar for ein avgrensa del av feltarbeidet. Feltleiar utfører også oppgåver som utgraving, prøvetaking, funnbehandling, dokumentasjon, innmåling og databehandling i Intrasis. Andre oppgåver kan og leggjast til stillinga.</li></ul> <h2>Kvalifikasjonar og eigenskapar:</h2>Feltarkeolog (stillingskode 1085, avdelingsingeniør)Kvalifikasjonskrav: <ul><li>Minimumskrav er normalt bachelorgrad. Relevant og dokumentert arbeidserfaring kan kompensere for manglande formelle kvalifikasjonar.</li></ul>Feltleiar (stillingskode 1087 overingeniør) Kvalifikasjonskrav: <ul><li>Mastergrad i arkeologi. Søkjaren bør og ha brei erfaring frå arkeologisk feltarbeid. Omfattande relevant arbeidserfaring kan kompensere for manglande formelle kvalifikasjonar. Kompetanse i GIS/Intrasis er eit krav. Det er ønskjeleg med førarkort klasse B.</li></ul> <h2>Vi tilbyr:</h2><ul><li>Varierte arbeidsoppgåver i ulike delar av museets ansvarsområde</li><li>Arbeid med ulike typar arkeologiske kulturminne frå fleire periodar</li><li>Eit fagleg sterkt og stimulerande arbeidsmiljø</li><li>Feltarkeolog (kode 1085) vert løna mellom 552 000 – 630 000 per år i 100 % stilling etter erfaring i felt/feltarbeid. Feltleiar (kode 1087) vert løna mellom kr 614 900 – 660 900 per år i 100 % stilling etter erfaring i felt/feltarbeid. For særleg kvalifiserte søkjarar kan høgare løn vurderast</li><li>Medlemskap i Statens pensjonskasse ved arbeidsforhold over ein månad og stilling 20 % eller meir av full stilling</li><li>Stilling i ei inkluderande arbeidslivsverksemd (IA-verksemd)</li><li>Gode <a href="https://www.uib.no/foransatte/17399/velferd" rel="nofollow">velferdsordningar</a></li></ul> <h2>Generell informasjon:</h2>Utfyllande opplysningar om stillinga kan ein få ved å vende seg til: seksjonssjef Morten Ramstad, tlf. 55 58 49 44,  406 10 070, e-post: <a href="mailto:morten.ramstad&#64;uib.no" rel="nofollow">morten.ramstad&#64;uib.no</a>Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.Søknaden skal innehalde<ul><li>Søknadsbrev (½ side)</li><li>CV</li><li>Attestar</li></ul>Det er viktig at du i søknaden oppgir kva stillingskategoriar du søkjer på. Spesifiser gjerne faglege interesser og opplys nøyaktig om kva tidsrom du kan arbeide. Vi ber også om at du opplyser om du har førarkort og om kompetanse innanfor digital innmåling og Intrasis. Opplys gjerne også om andre forhold som kan vere av betyding. I samband med tilsetjing blir det gjennomført lønsplassering, og utdanning og relevant arkeologisk praksis må difor dokumenterast.Feltarbeid blir tildelt fortløpande gjennom heile feltsesongen etter kvart som nye prosjekt kjem inn. Tiltreding kan skje frå februar og utover i sesongen. Universitetsmuseet planlegg å avvikle fellesferie i juli, og det vil berre unntaksvis vere feltaktivitet i denne perioden.Vi tek imot søknader gjennom heile sesongen fram til 23. oktober 2026. Dei som får tilbod vil bli kontakta. Send berre éin søknad, men oppdater gjerne informasjon gjennom sesongen dersom det skjer store endringar i forhold til CV og tidsrom du kan arbeide. Oppdatering kan sendast til: <a href="mailto:post&#64;fms.uib.no" rel="nofollow">post&#64;fms.uib.no</a>.For å komme tidleg i betraktning, tilrår vi å sende søknad så snart som mogelegSøknad og CV skal sendast elektronisk via <a href="http://www.jobbnorge.no" rel="nofollow">www.jobbnorge.no</a> til Universitetsmuseet, Universitetet i Bergen. Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen <a href="https://www.uib.no/hr/74251/ansettelsesprosessen" rel="nofollow">her</a>.