Universitetet I Agder

Kristiansand S

<h2>Om stillingen</h2><p>Ved Universitetet i Agder, Fakultet for samfunnsvitskap, er det ledig ei 100 % fast stilling som førsteamanuensis og leiar for Senter for likestilling. Arbeidsstad er Campus Kristiansand. Tiltreding etter avtale med fakultetet. </p><p>Fakultet for samfunnsvitskap har ca. 130 fast tilsette og er organisert med ein administrasjon med 38 tilsette og fire institutt med ca. 90 vitskapleg tilsette.<br /><br />Senter for likestilling er eitt av fire likestillingssenter i Noreg og det einaste likestillingssenteret som er plassert ved eit universitet. Senteret, som i dag består av sju engasjerte og dyktige tilsette, har ei sentral rolle i arbeidet for likestilling og mangfald i Agder og nasjonalt, og samarbeider tett med offentlege, private og frivillige aktørar. Senteret har ansvar for forsking, formidling og oppdragsverksemd, og er ein synleg aktør i samfunnsdebatten. For tida har Senter for likestilling ansvar for studieprogramleiing og undervising i programmet Kjønn, makt og mangfald (30 stp.). <a href="https://www.uia.no/om-uia/senter-og-nettverk/senter-for-likestilling/" rel="nofollow">Les meir om Senter for likestilling her.</a></p><br /><h2>Arbeidsoppgaver</h2><ul><li>strategisk og fagleg leiing av senteret</li><li>koordinering av forskings-, formidlings- og utviklingsprosjekt</li><li>personaloppfølging </li><li>byggje og vidareutvikle samarbeid internt og eksternt</li><li>initiere og leie søknadsprosessar for ekstern finansiering</li><li>vere ein synleg og aktiv deltakar i samfunnsdebatten om likestilling og mangfald</li></ul><br /><h2>Nødvendige kvalifikasjoner</h2><ul><li>doktorgrad innan relevant fagområde</li><li>dokumentert forskings- og formidlingserfaring innan likestilling, mangfald eller tilgrensande felt</li><li>erfaring med leiing </li><li>norskferdigheiter på nivå B2 ved tilsetjingstidspunktet (svensk eller dansk er likestilt med norsk)</li><li>evne til å kommunisere på engelsk</li></ul><p>UiAs kvalifikasjonskrav for ansettelse i stilling <a href="https://www.uia.no/om-uia/uia-som-arbeidsplass/kriterier-for-ansettelse-overgang-og-opprykk/forsteamanuensis.html" rel="nofollow">førsteamanuensis</a>.</p><br /><h2>Ønskede kvalifikasjoner</h2><ul><li>erfaring frå universitets- og høgskulesektoren</li><li>erfaring med undervisning og studieprogramleiing</li><li>erfaring med søknadsprosessar for ekstern finansiering</li><li>erfaring frå arbeid med mangfald og integrering</li><li>nettverksbygging og samarbeid på tvers av fag og sektorar</li><li>erfaring med personalforvaltning </li><li>erfaring fra faglege og/eller administrative leiarstillingar.</li></ul><br /><h2>Personlige egenskaper</h2><ul><li>inkluderande, lyttande og motiverande</li><li>strategisk og målretta</li><li>initiativrik og utviklingsorientert</li><li>gode samarbeidsevner og relasjonsbyggjar</li><li>strukturert og med god gjennomføringsevne</li><li>fokus på utvikling av arbeidsmiljø og trivsel</li></ul><p>Personlege eigenskapar og eignaheit for stillinga vil bli vektlagt.</p><br /><h2>Vi tilbyr</h2><ul><li>varierte arbeidsoppgåver i ei stor og samfunnsengasjert organisasjon</li><li>ei meiningsfull rolle i arbeidet for likestilling og mangfald</li><li>eit engasjert og tverrfagleg arbeidsmiljø</li><li>moderne lokale og gode velferdsordningar</li><li>medlemskap i Statens pensjonskasse</li></ul><p>Les meir om UiA som <a href="https://www.uia.no/om-uia/uia-som-arbeidsplass" rel="nofollow">arbeidsplass</a>. </p><p>Løn og tilsetjing</p><p>Stillinga er løna etter Statens lønsregulativ, lønsplan 17.510, kode 1011 førsteamanuensis, kr 830 000 – 875 000 brutto per år. For særleg kvalifiserte søkjarar kan høgare løn vurderast. Frå løna blir det trekt lovpålagt innskot til Statens pensjonskasse.</p><br /><h2>Generell informasjon</h2><p>Universitetet i Agder er eit ope og inkluderande universitet. Vi har tru på at mangfald gjer oss betre. Vi oppmodar derfor kvalifiserte kandidatar til å søkje uavhengig av kjønn, alder, kulturell bakgrunn, nedsett funksjonsevne eller «hol i CV-en».</p><p>Menn blir særleg oppmoda til å søkje på stillinga.</p><p><br />Den som blir tilsett har rettar og plikter etter dei reglane som til ei kvar tid gjeld for stillinga, og må rekne med endringar i organisering og oppgåver.. Tilsetjing vert gjort av tilsetjingsutvalet for undervisnings- og forskingsstillingar ved Universitetet i Agder.<br />Aktuelle kandidatar vil bli innkalla til intervju og prøveførelesing. Det vil også bli innhenta referansar etter nærare avtale med søkjaren. Den endelege innstillinga vil vere ei heilskapsvurdering basert på sakkunnig vurdering, prøveførelesing, intervju og referansar. </p><p>Meir om <a href="https://www.uia.no/om-uia/uia-som-arbeidsplass/ansettelsesprosessen.html" rel="nofollow">tilsetjingsprosessen</a>.<br /><br />I samsvar med offentleglova § 25, 2. ledd kan søkjar be om ikkje å bli oppført på den offentlege søkarlista. Universitetet kan likevel avgjere at namnet skal offentleggjerast. Søkjar vil bli varsla før eventuell offentleggjering.</p><br /><h2>Søknad</h2><p>Søknaden og nødvendige opplysningar om utdanning og erfaring skal sendast elektronisk via vårt søknadssystem. Bruk lenka «Søk stillinga».<br /><br />Følgjande dokumentasjon må lastast opp:</p><ul><li>CV</li><li>Attestar og vitnemål</li><li>Publikasjonsliste</li><li>Vitskaplege arbeid (inntil 10)</li></ul><p>All dokumentasjon må vere på eit skandinavisk språk eller engelsk.<br />Søkaren har sjølv ansvar for å levere fullstendig dokumentasjon digitalt innan søknadsfristen. All dokumentasjon må vere på eit skandinavisk språk eller engelsk.</p><p><a href="https://www.uia.no/intranett/kompetanseutvikling/vitenskapelig-ansatte/merittering-og-opprykk/kompetansevurderingsmatrise.html" rel="nofollow">UiAs kompetansevurderingsmatrise for undervisnings- og forskingsstillingar</a> kan vere eit nyttig verktøy i arbeidet med å dokumentere og reflektere over eigen kompetanse i forhold til kriterium.<br /><br /><strong>Søknadsfrist: 14.12.2025.</strong></p><br /><h2>Kontaktinformasjon</h2><p><strong>For spørsmål om stillinga: </strong></p><p>Leif Skiftenes Flak, dekan ved Fakultet for samfunnsvitskap E-post: leif.flak&#64;uia.no<br />Telefon: &#43;47 38 14 16 14 / &#43;47 92 45 97 86 Kontor: H2 049, Universitetsveien 25, 4630 Kristiansand<br /><br /><strong> For spørsmål om søknadsprosessen:</strong></p><p>Anna Færavaag, Seniorrådgivar HR E-post <a href="mailto:anna.c.faravaag&#64;uia.no" rel="nofollow">anna.c.faravaag&#64;uia.no</a> Telefon: &#43;47 38 14 24 14/ &#43;47 97 42 94 99.</p><br /><h2>Sammen om kunnskap</h2><p>Når engasjerte mennesker samles om kunnskap, er alt mulig.</p><p>Universitetet i Agder kombinerer Sørlandets unike varme og nærhet med førsteklasses vitenskapelig, teknologisk og kunstnerisk kompetanse.</p><p>Vil du jobbe med oss for å skape bedre løsninger på våre felles utfordringer?</p>Video: <a href="https://www.youtube.com/watch?v&#61;yXqsb57qurk" rel="nofollow">https://www.youtube.com/watch?v&#61;yXqsb57qurk</a>

Leiar for Senter for likestilling