Tysnes Kommune

Uggdal

Christophe Sundal

Kommunalsjef teknisk

<h2>Vil du ha ein variert arbeidskvardag innan sakshandsaming etter plan- og bygningslova?</h2><p>Tysnes kommune søkjer ein engasjert og dyktig medarbeidar til stilling som byggesakshandsamar. Du får varierte og spannande oppgåver innan byggesakshandsaming og blir ein viktig bidragsytar i utviklinga av kommunen. Arbeidet omfattar mellom anna sakshandsaming etter plan- og bygningslova og tilhøyrande regelverk, samt rettleiing av innbyggjarar, næringsliv og andre aktørar. Du vert også involvert i prosjekt med kartlegging og oppfølging av ulovlege tiltak i strandsona.</p><p>Stillinga høyrer til under teknisk etat og rapporterer fagleg til byggesakshandsamar med fagansvar, medan kommunalsjef teknisk har personalansvar. Teknisk etat består av byggesak, kart- og oppmåling, prosjekt og tel i dag sju tilsette. Me har eit godt arbeidsmiljø prega av engasjement, fagleg interesse og vilje til å finna dei beste løysingane.</p><br /><h2>Arbeidsoppgåver</h2><ul><li>Handsaming av byggjesøknader, dispensasjonssøknader og klager etter plan- og bygningslova.</li><li>Rettleiing og rådgjeving til søkjarar, tiltakshavarar og samarbeidspartnarar.</li><li>Tilsyn og oppfølging av ulovlege forhold i tråd med plan- og bygningslova og gjeldande strategiplan. </li><li>Førebu saker for politisk handsaming og delta på møta ved behov.</li><li>Delta aktivt i utvikling og forbetring av rutinar og faglege prosessar i eininga. </li><li>Andre relevante oppgåver kan påreknast.</li></ul><br /><h2>Kvalifikasjonar</h2><p>Du har:</p><ul><li>Relevant høgare utdanning (minimum bachelorgrad) innan byggfag, ingeniørfag, arkitektur, jus eller tilsvarande.</li><li>Kjennskap til plan- og bygningslova og tilhøyrande forskrifter.</li><li>Gode kommunikasjonsevner, både munnleg og skriftleg, på norsk. Kommunen nyttar nynorsk som målform.</li><li>God digital kompetanse og erfaring med sakshandsaming.</li><li>Førarkort klasse B.</li></ul><p>Det er ein fordel om du har erfaring med:</p><ul><li>Offentleg forvaltning og byggjesakshandsaming.</li><li>Arbeid med arealplanlegging.</li></ul><br /><h2>Personlege eigenskapar</h2><p>Me ser etter deg som:</p><ul><li>Arbeider sjølvstendig og strukturert.</li><li>Har gode samarbeidsevner.</li><li>Er utviklingsorientert og har vilje til endring og kunnskapsdeling.</li><li>Har interesse for samfunnsutvikling og evne til å levera innan frist.</li><li>Har god evne til å kommunisera og skapa god dialog med utbyggjarar, næringsliv og privatpersonar.</li></ul><p>Personlege eigenskapar for stillinga vert vektlagt. </p><br /><h2>Kvifor skal du jobba hos oss?</h2><p>Blir du motivert av ein variert arbeidskvardag med både små og store prosjekt som påverkar lokalsamfunnet? Då trur vi du vil trivast hos oss!</p><p>Hos oss får du jobba tett med kompetente kollegaer på tvers av fagområde i eit arbeidsmiljø som fremjar læring og deling. Du blir tilsett som byggesakshandsamar. Stillinga er løna etter avtale i kapittel 5, med årleg lønsregulering gjennom lokale forhandlingar.</p><p>Du blir medlem i KLP – Kommunal Landspensjonskasse – som har blant landets beste pensjonsvilkår og høve til gunstig bustadlån.</p><p>Me tilbyr fleksibel arbeidstid og høve til heimekontor ved behov, men ynskjer hovudsakleg tilstadeverande arbeid på kontoret for å sikre samarbeid og god informasjonsflyt.<br /><br />I Tysnes kan du få mulighet for kr 25 000 i avskriving av studielånet ditt årleg frå 2026, når <a href="https://lanekassen.no/nb-NO/gjeld-og-betaling/distriktskommuner/" rel="nofollow">Ny ordning for diskriktskommunar trer i kraft</a>. <br /><br />Har du spørsmål, eller vil du høyra meir før du søkjer? Ta gjerne kontakt med kontaktpersonen som er oppført i annonsen. </p><br /><h2>Mangfaldserklæring</h2><p>Tysnes kommune ønskjer å spegla mangfaldet i befolkninga i rekrutteringa vår. Me oppmodar alle som er kvalifiserte til å søkja ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønskjer å legga til rette for inkluderande rekruttering.</p><br />

Byggesakshandsamar, 100 %