Tysnes Kommune Landbruk Og Teknisk Etat

Uggdal

<h3 class="navds-heading navds-heading--small navds-typo--spacing">Om stillinga</h3><p>Er du på jakt etter ei meiningsfull helgestilling?&nbsp;</p><p>Me søkjer ein positiv og engasjert medarbeidar til fast 20% helgestilling i heimesjukepleien.</p><p>Hos oss blir du ein del av eit fagleg oppdatert miljø der du møter pasientar i alle aldrar med varierte behov. Heimetenesta er i stadig utvikling. Aukande kompleksitet gjev ei unik moglegheit til å bruka fagkompetansen din og tileigne deg verdifull erfaring.</p><p>I stillinga vil du bidra til å sikre trygge og gode helsetenester gjennom pleie, oppfølging og utføring av medisinske prosedyrar. Me jobbar målretta for å fremje livskvalitet og hjelpe pasientane til å bu heime så lenge som mogleg gjennom førebyggjande tiltak. Samtidig sørger me for ein stabil og forutsigbar kvardag for pasientane, der me fangar opp akuttsituasjonar og endringar i tilstand.</p><p>Me har eit inkluderande arbeidsmiljø der latteren sit laust, og der me samarbeider godt, støttar kvarandre og finn løysingar saman i ein travel og variert arbeidskvardag.<br><br>No ønskjer me å styrke teamet vårt med ein ny kollega i to-delt turnus kvar tredje helg.&nbsp;</p><p>Er du den rette?</p><br><h3 class="navds-heading navds-heading--small navds-typo--spacing">Kva går stillinga ut på</h3><ul><li>Gje pleie og bistand til heimebuande pasientar i samsvar med planlagde tiltak.</li><li>Utføre dagleg omsorg og pleie for pasientane.</li><li>Følgje opp individuelle målsetjingar og tiltak for kvar enkelt pasient.</li><li>Utføre spesifikke oppgåver i tråd med opplæring og skriftlege prosedyrar.</li><li>Journalføre og bidra til utarbeiding og oppdatering av pleieplanar.</li><li>Medverke til utvikling og kvalitetsforbetring på arbeidsplassen.</li></ul><br><h3 class="navds-heading navds-heading--small navds-typo--spacing">Kva kompetanse som er viktig</h3><p>Me ser etter ein medarbeidar med helsefagleg utdanning, for eksempel som:&nbsp;</p><ul><li>Helsefagarbeidar/hjelpepleiar</li><li>Sjukepleiar</li><li>Vernepleiar</li><li>Student innan relevante studieforløp (helsefagarbeid, vernepleie, sjukepleie)&nbsp;</li></ul><p>Personar utan formell kompetanse kan bli vurdert opp mot personlege eigenskapar og erfaring.</p><p>Krav til stillinga:</p><ul><li>Førarkort klasse B&nbsp;</li><li>Gode norskkunnskapar, både munnleg og skriftleg</li><li>Gode IKT-kunnskapar</li><li>Ved tilsetjing må politiattest leggjast fram, jf. helse- og omsorgstenestelova § 5-4</li><li>Utfylling av eigenerklæringsskjema eigenerklæringsskjema for MRSA og tuberkulose er påkrevd</li></ul><p>Ønskjelege kvalifikasjonar:</p><li>Erfaring og kjennskap med brukargruppa er ein fordel.</li><br><h3 class="navds-heading navds-heading--small navds-typo--spacing">Kva me ser etter hos deg</h3><p>Me ser etter deg som:</p><ul><li>Arbeider strukturert og sjølvstendig</li><li>Har evne til å takle utfordringar og finne gode løysingar</li><li>Bidrar aktivt til eit godt arbeidsmiljø og samarbeid med kollegaer</li><li>Har gode kommunikasjonsferdigheiter</li><li>Har tverrfagleg forståing - saman yt me dei best tenestene!&nbsp;</li></ul><p>Personlege eigenskapar for stillinga vert tillagt stor vekt.</p><br><h3 class="navds-heading navds-heading--small navds-typo--spacing">Kvifor skal du jobba hos oss?</h3><p>Hos oss vil du få faglege og utfordrande arbeidsoppgåver i eit godt og inspirerande arbeidsmiljø.<br><br>Er du student og vil skaffe deg verdifull arbeidserfaring medan du studerer, samtidig som du får ei ekstra inntekt? Då kan studentavtalen med Tysnes kommune vere perfekt for deg!<br><br>Me har ei stipendordning som kan gje deg ekstra støtte i studietida. <a href="https://www.tysnes.kommune.no/stipendavtale.598513.nn.html" rel="nofollow">Du kan lese meir om studentavtalen på heimesida vår</a>.<br><br>I tillegg har me ein eigen lønsstige for deg som er student innan eit område som er relevant for stillinga. Innan helse gjeld det f.eks. sjukepleie-, vernepleie-, ergoterapi-, eller medisintudentar. Denne er aktuell for deg som kan dokumentere at du har fullført minst eit år av studiet.<br><br>Me tilbyr gode pensjonsordningar gjennom KLP, og løn vert gitt i samsvar med gjeldande hovudtariffavtale.</p><br><h3 class="navds-heading navds-heading--small navds-typo--spacing">Mangfaldserklæring</h3><p>Tysnes kommune ønskjer å spegla mangfaldet i befolkninga i rekrutteringa vår. Me oppmodar alle som er kvalifiserte til å søkja ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønskjer å legga til rette for inkluderande rekruttering.</p><br>

20% fast helgestilling i heimesjukepleien