Tussa Installasjon

Hovdebygda

Tor Havåg

Avdelingsleiar krafthandel

Anders Kleppe Eidså

Fagansvarleg IT krafthandel

<h2>Tussa Energi</h2><p>Tussa Energi er eit dotterselskap i Tussakonsernet. Selskapet har hovudkontor i Ørsta og har om lag 30 medarbeidarar. Tussa Energi planlegg, byggjer og driv vasskraftverk, og kjøper og sel kraft i kraftmarknaden. </p><br /><h2>Spennande stilling i krafthandelsavdelinga</h2><p>Tussa Energi står ei digital omstilling der blant anna betre utnytting av data frå kraftverka våre står sentralt. Vi leitar no etter fleire dyktige kollegaer som kan bidra til omstillinga.</p><p>Tussa Energi har ansvar for vedlikehald og utvikling av eksisterande kraftverk, bygging av nye kraftverk og omsetjing av produsert kraft. </p><p>Vi nyttar dataplattforma Azure, der vi brukar verktøy som Databricks, dbt og Terraform for å byggje og vidareutvikle plattforma. Vi nyttar GitHub med CI/CD-løp for trygg og effektiv utvikling. Som presentasjonsflater og brukargrensesnitt nyttar vi Power BI, Docker og Streamlit. Integrasjon og dataflyt frå produksjonssystem (OT) er ein viktig del av arbeidet, og vi satsar på løysingar som gjer denne informasjonen meir strukturert, påliteleg og lett å utnytte vidare. Vi vurderer løpande bruk av nye verktøy som t.d. Grafana for visualisering og overvaking.</p><p>Du treng ikkje å kunne alle verktøya frå før. Det viktigaste er at du er nysgjerrig, lærevillig og har lyst til å vere med og byggje gode, framtidsretta dataløysingar saman med oss.</p><p><strong>Aktuelle arbeidsoppgåver er:</strong></p><ul><li>Digitalisere og automatisere prosessar innan krafthandel</li><li>Kartleggje og implementere algoritmehandel for fysisk krafthandel</li><li>Utvikle og forvalte dataflytar, rapporteringsløysingar, analysar og modellar i datavarehus</li><li>Forvalte handelssystem, kontaktpunkt og samhandling med aktuelle programvareleverandørar</li><li>Avløyse innan handel eller andre oppgåver utanfor eige ansvarsområde</li></ul><p><strong>Vi ser etter deg som oppfyller fleire av følgjande punkt:</strong></p><ul><li>3-5 år med høgare utdanning</li><li>God kjennskap til Python og/eller SQL</li><li>Ønskjer å jobbe med ein moderne Azure-basert dataarkitektur</li><li>Erfaring med dataanalyse og datavisualisering</li><li>Gode norsk og engelskkunnskapar, både skriftleg og munnleg. Tussa har nynorsk som forretningsspråk</li><li>Av omsyn til kjønnsbalansen i selskapet oppmodar vi kvinner til å søkje</li></ul><p>Personlege eigenskapar vert vektlagt</p><br /><h2>Vi tilbyr</h2><ul><li>Interessante og utfordrande arbeidsoppgåver i eit solid selskap med høg aktivitet</li><li>Eit uformelt arbeidsmiljø som legg vekt på personleg utvikling, sjølvstende og trivsel</li><li>Gode velferds-, pensjons- og forsikringsordningar</li></ul><p>Før tilsetting vil vi gjennomføre bakgrunnssjekk og personkontroll med heimel i kraftberedskapsforskrifta. Relevante kandidatar vil få nødvendig informasjon om dette. Tilsetting vert gjort med føresetnad om godkjent bakgrunnssjekk.</p><br />

Dataingeniør