Tolletaten

Bergen

Stig Løland

Vil du vere med og styrkje og utvikle Tolletatens samhandling med næringslivet? Vi søkjer deg som veit at innsikt i behova til brukarane og tidleg dialog er avgjerande for å utvikle gode tenester. Tolletaten har ei viktig rolle som samfunnsbeskyttar. Samfunnsoppdraget vårt er like enkelt som det er viktig: å sikre at varene som kryssar Noregs grenser til sjøs, på land og i lufta, er trygge og lovlege. Tolletaten har ein tydeleg endringsagenda med høg endringstakt og store digitaliseringsinitiativ.  Vareførselsdivisjonen (VD) skal leggje til rette for korrekt og effektiv inn- og utførsel av varer for både næringslivet og privatpersonar og er etablert med hovudkontor i Bergen. Divisjonen står framfor mange utviklingsoppdrag, og vi er i gang med fleire endrings- og utviklingsprosjekt. Brukardialogavdelinga har eit nasjonalt ansvar for brukardialogen til Tolletaten. Vi styrkjer samhandlinga vår med næringslivet og søkjer etter ein ny kollegaer som skal bidra til å byggje opp dette fagområdet. Det finst spennande oppgåver for den rette kandidaten. Du vil få ein variert arbeidskvardag i ein tverrfagleg etat.   Kva kompetanse er viktig i denne rolla? Vi søkjer deg som har mastergrad innan til dømes samfunnsvitskap, humaniora eller tenestedesign. Bachelorgrad og relevant erfaring kan kompensere for mastergrad.   <ul><li>du har god kjennskap til kvalitative metodar</li><li>du har erfaring med brukarorientert forretnings- eller tenesteutvikling</li><li>du har god skriftleg framstillingsevne på norsk og erfaring med rapportskriving</li><li>du kan nytte engelsk som arbeidsspråk</li><li>du har gode kommunikasjonsevner og kan bidra både internt og eksternt</li><li>du trivst med å utforske og definere korleis ting kan fungere på ein best mogleg måte</li><li>du må kunne dokumentere relevant erfaring med prosjekt-, prosess- eller endringsleiing </li></ul>     I tillegg ønskjer vi at du har erfaring med<ul><li>klarspråk</li><li>workshop-leiing </li></ul>     Kva kjem du til å jobbe med? Du vil jobbe tverrfagleg og tett saman med andre kollegaer som har ansvar for ulike delar av samhandlinga vår med næringslivet. Du skal jobbe med å kartleggje, innhente informasjon om og dokumentere korleis logistikk og vareflyt fungerer hos næringslivet. Målet er å bidra til å utvikle gode tenester. Vidare skal du  <ul><li>byggje nettverk og ressursgrupper i næringslivet for å kartleggje behov</li><li>bidra til å følgje opp næringslivet i ulike utviklingsinitiativ</li><li>samarbeide med kommunikasjonsmiljø og andre fagmiljø i etaten om relevante tiltak</li><li>vere oppsøkjande og møte aktørane der dei er </li></ul>   Vi tilbyr<ul><li>arbeid med eit viktig samfunnsoppdrag, med gode høve til utvikling gjennom ulike oppgåver som er tilpassa kompetansen din</li><li>eit godt arbeidsmiljø i ein seksjon som jobbar tverrfagleg og tett på næringslivet</li><li>ryddige pensjons-, forsikrings- og låneordningar i Statens pensjonskasse</li><li>fleksibel arbeidstidsordning og tilbod om ein time bevegelse i arbeidstida i veka</li><li>moderne kontorlokale i Solheimsviken med sykkelparkering, garderobar, treningsrom og tilgang til ei godt driven kantine</li><li>lønn som seniorrådgivar, kr 700 000–800 000, avhengig av kompetanse og erfaring (for særleg godt kvalifiserte søkjarar kan høgare lønn vurderast) </li></ul>   Nærmare informasjon om stillinga kan du få ved å kontakte seksjonssjef for førebyggingsseksjonen, Stig Løland, på telefon 414 49 986       Til deg som søker jobb i Tolletaten Vi nyttar Semac bakgrunnssjekk i samband med våre tilsetjingar. Du må fylle ut felta «Utdanning» og «Arbeidserfaring» og laste opp relevante vitnemål og eventuelle attestar. I Tolletaten meiner vi at mangfald og inkludering er ei styrke, og vi har nulltoleranse for trakassering og diskriminering. Vi er avhengige av medarbeidarar med ulik bakgrunn, kompetanse og erfaringar for å løyse vårt samfunnsoppdrag. Dersom du har hol i CV-en, funksjonsnedsetting eller innvandrarbakgrunn, oppmodar vi deg til å krysse av for dette då du kan ha rett til positiv særbehandling. Les meir om dette på <a href="https://arbeidsgiver.dfo.no/strategisk-hr/inkluderingsarbeid/bli-bedre-pa-rekruttering/hvordan-skrive-stillingsannonser-som-inkluderer/positiv-saerbehandling-nar-man-soker-jobb-i-staten" rel="nofollow">arbeidsgivarportalen</a>.

Næringslivskontakt