Stord Kommune

Siv-Iren Sijtsema

Avdelingsleiar

Ynskjer du å bidra til at fleire skal få moglegheiter i arbeidslivet og utgjer ein skilnad? Då kan du vera personen me ser etter!
Nav Stord er regionskontoret i Sunnhordland. Me er per i dag om lag 60 tilsette. Ein vil vere tilsett og ha kontorstad på Nav Stord, men det er forventa at ein er ute i møter hjå eksterne samarbeidspartar i stillinga.
Me søkjer ein dedikert rettleiar til oppfølgingsteamet på Nav Stord. Rettleiarane i oppfølgingsteamet driv oppfølging av menneske med behov for bistand for å kunne delta i arbeidslivet. Me ser etter deg som ser viktigheita av heilskapleg oppfølging, samt samarbeid med arbeidsgivarar, helsevesenet og andre aktuelle partar i tråd med samfunnsoppdraget til Nav.
Det er frå 01.08.26, ledig fast 100% stilling som rettleiar i oppfølgingsteamet.
Arbeids- og ansvarsområde:
<ul><li>
Kartlegge og avklare den einskilde sine ressursar, moglegheiter og oppfølgingsbehov
</li><li>
Oppsøkje og skape dialog med verksemder i nærområdet og regionen
</li><li>
Ha tett oppfølging av brukarar med fokus på motivasjon, meistring og arbeid
</li><li>
Bidra til gode relasjonar internt og eksternt, og bruke relevante tiltak og verkemiddel for arbeidsinkludering
</li><li>
Gjere vurderingar, saksbehandla og dokumentere med utgangspunkt i aktuelt lovverk som folketrygdlova, forvaltningslova og Nav-lova
</li></ul>
Nav er ein organisasjon i stadig utvikling og endring, og arbeids- og ansvarsområdet for stillinga kan difor endre seg etter behov.
Kvalifikasjonskrav:
Du må ha:
<ul><li>
Minimum 3-årig relevant høgskuleutdanning, fortrinnsvis innan helse- og sosialfag, samfunnsfag og juridiske fag.
</li><li>
God munnleg og skriftleg framstillingsevne på norsk
</li><li>
Erfaring frå oppgåver som krev samarbeid med andre
</li><li>
Førarkort kl. B
</li></ul>
Det er ynskjeleg at du har:
<ul><li>
God digital kompetanse
</li><li>
Kjennskap til LEAN-metodikk
</li><li>
Erfaring frå oppfølgingsarbeid, rettleiing eller motivasjonsarbeid
</li><li>
Forståing for forvaltning av lovar og reglar
</li></ul>
Me ser etter deg som:
<ul><li>
Er ein god relasjonsbyggar
</li><li>
Jobbar strukturert, kan dokumentere løpande og veksle mellom ulike arbeidsoppgåver
</li><li>
Tek ansvar for eigen fagleg utvikling og medverkar til eit godt arbeidsmiljø
</li><li>
Har indre motivasjon for å hjelpe menneske i ulike livssituasjonar
</li><li>
Er målretta og arbeider systematisk
</li><li>
Er tydeleg, løysingsorientert og har gode samhandlingsevner
 
</li></ul>
Personlege eigenskapar vil bli vektlagt.
I søknadsteksta ber me deg skrive noko om kva som motiverer deg til å søke på denne stillinga.
Me kan tilby:
<ul><li>
Meiningsfulle og utfordrande arbeidsoppgåver i ein organisasjon med eit viktig samfunnsoppdrag
</li><li>
Store moglegheiter for fagleg og personleg utvikling
</li><li>
Eit arbeidsmiljø med høg trivsel som er prega av godt kvalifiserte og engasjerte medarbeidarar
</li><li>
Fleksibel arbeidstid og moglegheit for trening i arbeidstida
</li><li>
Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
</li><li>
Løns- og arbeidsvilkår i samsvar med kommunalt avtaleverk
</li><li>
Offentleg tenestepensjon
</li></ul>
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.
Kontaktperson:
Siv-Iren Sijtsema, Avdelingsleiar for Oppfølgingavdelinga ved Nav Stord Tlf. 48071015 siv-iren.sijtsema&#64;nav.no

ID 2438 Rettleiar i oppfølgingsteamet - NAV Stord kommune