Stord Kommune

Anne Karin Fossdal

Kommunalsjef

Til Rehabilitering, helse og omsorg i Stord kommune ligg einingane tildelingskontor, NAV, tenester til heimebuande, legetenester/kommuneoverlege og institusjonstenester. Samla er det om lag 700 tilsette som er tilsett i desse einingane. Fagavdelinga gjev faglege råd og administrativ støtte til Kommunalsjef og einingsleiarane.
Kommunehelsetenesta skal tilpassa seg dei demografiske endringane i samfunnet og står overfor store omstillingar. Fagavdelinga er sentral i utviklinga av kommunen sine helse- og omsorgstenester.
No treng me ein ny rådgjevar i fagavdelinga vår. Stillinga er førebels ei 100% prosjektstilling over to år som kan bli forlenga.
Har du leiarerfaring og stor forståing for kva det vil sei å jobba i ein politisk styrt organisasjon? Er du allsidig og god på munnleg og skriftleg saksframstilling?
Om du i tillegg har god arbeidskapasitet, jobbar systematisk, er omgjengeleg, serviceinnstilt og ein god lagspelar, då kan du vera vår nye rådgjevar.
Arbeidsoppgåver;
<ul><li>
Gje faglege råd og administrativ støtte til kommunalsjef og leiarar i einingane
</li><li>
Skriftleg og munnleg saksframstilling
</li><li>
Plan- og utviklingsarbeid
</li><li>
Aktiv når det gjeld å søkja på ulike stønadsordningar i takt med utviklingsarbeid i sektoren
</li><li>
Ulike koordinering- og rapporteringsoppgåver for einingane, og følgje opp saker som famnar om fleire einingar
</li><li>
Organisere møtearenaer, vere referent og tidvis møteleiar
</li><li>
Samhandling internt og eksternt
</li><li>
Generell leiarstøtte, sparring/rådgjeving og hjelp til å finna handlingsrom i eit juridisk, fagleg, organisatorisk perspektiv. Samt rettleiing i utøving av leiarskap
</li><li>
Koordinering og oppfølging når det gjeld tilsyn, revisjonar og klagesaker m.v.
</li><li>
Fasilitere, presentere og representere kommunen i ulike fora
</li><li>
Bidragsytar i forbetringsarbeid
</li><li>
Medverka til fagutvikling på tvers av einingar
</li><li>
Kontroll- analyse og rapporteringsoppgåver samt driva internt tilsyn.
</li><li>
Vera oppdatert på nasjonale satsingsområde som er aktuelle for våre tenester, herunder å følgje opp nye lover og retningsliner.
</li><li>
Arbeidsoppgåvene vil vera dynamiske og nye oppgåver kan bli lagt til, på sikt kan det også bli aktuelt med leiaroppgåver.
</li></ul>
Kvalifikasjonar:
<ul><li>
Helse/sosialfagleg utdanning på minst bachelor nivå, eventuelt formell juridisk kompetanse som inkluderer relevant erfaring.
</li><li>
Det er ynskjeleg med erfaring frå kommunehelsetenesta
</li><li>
Det er ynskjeleg med leiarerfaring og leiarutdanning
</li><li>
God kjennskap til aktuelle lovverk
</li><li>
Sterk munnleg og skriftleg framstillingsevne
</li><li>
Kunnskap om økonomistyring
</li><li>
Høg digital kompetanse
</li></ul>
Er dette noko for deg?
Vil du vera med på laget vårt?
Då gler me oss til å høyra frå nettopp deg.
Me kan tilby:
<ul><li>
Varierte arbeidsoppgåver i eit tverrfagleg fagmiljø
</li><li>
Godt arbeidsmiljø
</li><li>
Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
</li><li>
Løns- og arbeidsvilkår i samsvar med kommunalt avtaleverk
</li><li>
Offentlig tenestepensjon
</li></ul>
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.
Nærare opplysninga får ein ved å venda seg til Kommunalsjef Anne Karin Fossdal,

ID 2364 Rådgjevar - Fagavdeling rehabilitering, helse og omsorg