Stord Kommune

Irene Nilsen Vinje

Einingsleiar

Sagvåg barnehage avd. Nysæter er ein kommunal barnehage som ligg sentralt i området Sagvåg/Nysæter. Barnehagen har Nysæter ungdomskule og Solid sin idrettsplass som næraste nabo. Barnehagen har kort veg til Sagvåg sentrum, og til fine naturområde som skog, fjell, vatn og sjø
Kort om barnehagen:
<ul><li>
Barnehagen har 42 barn fordelt på tre barnegrupper.
</li><li>
Visjonen vår er Saman om den gode barndomen
</li><li>
Me har eit aktivt og engasjert personale som består av både menn og kvinner. Dei tilsette hos oss har god kompetanse og lang erfaring.
</li><li>
Satsinga vårt dette året er Språk og inkludering, med mål om å skape eit inkluderande leikemiljø der barna medverkar i leik og aktivitetar ved å bruke språket aktivt.n.
</li></ul>
Det er ledig fast 100% stilling som barnehagelærar frå 1.januar 2026
Barnehagen søkjer etter deg som
<ul><li>
har evner til å vera med å vidareutvikla ein god barnehage i tett samarbeid med føresette, tilsette og barnehagen sine samarbeidspartnarar
</li><li>
har arbeidsglede, arbeidsmot, godt humør og gode samarbeidsevner
</li><li>
har gode leiareigenskapar i høve barnegrupper og pedagogisk opplegg
</li><li>
er positiv, initiativrik og løysningsorientert
</li><li>
er strukturert og fleksibel
</li><li>
kan bidra til å skapa eit godt læring- og leikemiljø
</li><li>
har evner til å vera ein tydeleg rollemodell både for barn og vaksne
</li></ul>
Ansvar og oppgåver
<ul><li>
bidra med, og setje i verk pedagogiske arbeidet i tråd med godt fagleg skjønn
</li><li>
planlegge, gjennomføre, dokumentere, vurdere og utvikle arbeid i høve enkeltbarn og barnegruppa
</li><li>
rettleiing av personale
</li><li>
foreldresamarbeid
</li><li>
tverrfagleg samarbeid
</li><li>
prosjektarbeid
</li></ul>
Kvalifikasjonskrav
<ul><li>
Søkjar må ha utdanning som barnehagelærar.
</li><li>
Må beherske digitale verktøy
</li><li>
Ved tilsetjing vil det bli stilt krav om at ein legg fram politiattest av ny dato
</li></ul>
 
Me kan tilby:
<ul><li>
Varierte arbeidsoppgåver i eit tverrfagleg fagmiljø
</li><li>
Godt arbeidsmiljø
</li><li>
Stord Ve og Vel med moglegheit for leige av leilegheiter i Røldal, Husøy med båt og utleige av tilhengarar mm.
</li><li>
Løns- og arbeidsvilkår i samsvar med kommunalt avtaleverk
</li><li>
Offentleg tenestepensjon
</li></ul>
Nærare informasjon får ein ved å kontakta einingsleiar Irene Nilsen Vinje, tlf. 48 11 05 24.
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

ID 2392 Barnehagelærar - Sagvåg barnehage avdeling Nysæter